EAEko espetxeetan dauden presoen ia % 40 indarkeria matxistagatik ari dira zigorra betetzen
Emakumeen Kontrako Indarkeriaren Aurkako Nazioarteko Egunarekin bat eginez, Beatriz Artolazabal Eusko Jaurlaritzako Berdintasun, Justizia eta Gizarte Politikako sailburuak adierazi duenez, Euskal Autonomia Erkidegoko espetxeetan dauden presoen ia % 40 (% 35 eta % 40 artean) indarkeria matxistagatik ari dira zigorra betetzen. Horietatik hamarretik zortzik baino gehiagok berdintasun arloko ikastaroren bat egin dute.
Artolazabal sailburuak formazioan egin du azpimarra, erasotzaileek beren jarrera aldatu eta delituak errepikatu ez ditzaten. Zehazki, biktimak artatzen dituzten profesionalei eta "gizon izateagatik emakumeak baino gehiago direla uste duten" erasotzaileei prestakuntza espezializatua eskaintzearen alde agertu da.
Radio Euskadiko Boulevard saioari eskainitako elkarrizketa batean eta Maguette Mbegouren hilketaz galdetuta, erakundeen arteko koordinazioa eskatu du indarkeria matxistari aurre egiteko. "Euskadik indarkeria matxistaren biktimei eskaintzeko zerbitzu asko ditu, baina eraginkorragoak izan behar dugu eta horretarako koordinazioa behar dugu", adierazi du.
Beatriz Artolazabalek autokritika egin du eta egindako akatsetatik ikastea eskatu du, bai gizarte zerbitzuen alorrean eta baita arlo judizialean ere, Maguette Mbegouri gertatu zitzaiona errepikatu ez dadin. Maguette Mbeugouk senarraren aurkako salaketa aurkeztu zuen indarkeria matxistagatik, eta urruntzeko agindua ere eskatu zuen, baina epaileek ukatu egin zioten. Krimenaren ostean, Juan Luis Ibarra EAEko Auzitegi Nagusiko presidente zenak onartu zuen kasu hori "Justiziaren hanka-sartze handia" izan zela.
Sailburuak ez du ulertzen eskolta indarkeria matxistaren biktimek eraman behar izatea eta ez erasotzaileek, eta onartu du orain arte lege aldetik inor ez dela gai izan auzi hori konpontzeko.
Amaitzeko, emakumeen aurkako indarkeria desagerrarazteko lan egiteko konpromiso irmoa agertu du, "horrela bakarrik lortuko baitugu berdintasunezko gizarte bat".
Zure interesekoa izan daiteke
Osakidetzak eta farmaziek 2 motako diabetesa duten 65 urtetik gorako paziente polimedikatuen medikazioa zainduko dute
Bi erakundeek asteazken honetan sinatutako hitzarmenak lau urteko indarraldia eta urteko 100.000 euroko finantzaketa izango ditu, botiken tratamenduaren jarraipen egituratua egiteko.
Bermeo, Elantxobe eta Mundaka Madalena eguna ospatzen ari dira, Izarorako itsas prozesioarekin
Bermeoko ontziak Izaro uharterantz joan dira, eta bidean alkateak teila bat bota du itsasora, irlaren jabetza Bermeorena dela aldarrikatzeko.
Euskal Herriko labar-margoetako animaliak patroi baten arabera antolatuta daude, eta ez ausaz margotuta
EHUren ikerketa baten arabera, animalia-irudien antolaketa nahita egina zen: bisonteak, zaldiak eta ahuntzak konposaketaren erdian zeuden, eta gainerakoak, periferian.
Suteak gogor jotzen ari dira Espainian: iaz sasoi berean baino hiru aldiz azalera handiagoa erre dute
Suak eragindako azalera uztailaren 8an 58.383 hektarea izatetik 119.458 hektarea izatera igaro da.
Albiste izango dira: Donostiako Jazzaldiaren hasiera, abisu horia temperatura altuengatik eta Otxandioko bonbardaketaren 90. urteurrena
Gaurkoan Orain-en albiste izango direnen laburpena, bi hitzetan.
Otxandioko bonbardaketa frankistan hildako 61 lagunak gogoratuko dituzte gaur, sarraskiaren 90. urteurrenean
Herriko Andikona plazan Santa Marina jaiak ospatzen ari zirela, 61 auzokide hil zituzten eraso frankista batean. Euskadiko zibilen aurkako lehen aire-erasoa izan zen.
Haurdunaldiko genero indarkeria kasuak osasun-kontsultei esker identifikatu daitezke
Haurdunaldian emakumeek harreman estua izaten dute osasun-sistemarekin: emaginarekin, ginekologoarekin eta erizainarekin dituzte kontsultak. Hilabete horiek giltza izan litezke genero-indarkeriako egoerak identifikatzeko. Osasun eta gizarte-arloen aldetik erantzun koordinatua emateko beharra nabarmendu dute adituek, Donostian, “Indarkeria eta amatasuna” izeneko udako ikastaroan.
Einar Galilea euskal futbolariaren aurkako pintadak agertu dira Malagan, gasteiztarra Argentinako kamiseta soinean duela irudia batean agertu ostean
Irainez betetako pintadak Rosaledatik gertu agertu dira, Espainia eta Argentinaren arteko Munduko Txapelketako finalaren ostean. Malagaren jokalariaren argazkia sare sozialetan zabaldu da, baina ez dago argi noiz ateratakoa den.
Agur terrazetan eta hondartzetan erretzeari: honelakoa da tabakoaren aurkako lege berria, bapeagailua eta zigarroa parekatzen dituena
Espainiako Gobernuak onartutako lege berriak debekatu egingo du terrazetan eta hondartzetan erretzea eta bapeatzea. Izan ere, zigarreta elektronikoa eta tabako tradizionala parekatu eta 600 eurorainoko isunak aurreikusten ditu.
Bi begirale atxilotu dituzte Biarritzen, hiru eta lau urteko haurrei sexu-erasoak egitea leporatuta
Baionako Fiskaltzak jakinarazi duenez, orain arte jasotako testigantzen arabera, 13 sexu-eraso kasuren zantzuak aurkitu dituzte (horietako bat oso larria da), eta ez dute baztertu gehiago izatea.