Uholdeei aurre egiteko Plana bertan behera utzi dute EAEn, ibaien emaria "nabarmen" jaitsiko dela eta
Eusko Jaurlaritzako Segurtasun Sailak arratsaldean, 15:00etan, utzi du bertan behera Uholde Arriskuari Aurre Egiteko Larrialdietako Plan Berezia, aroak hobera egin eta ibaien emaria "nabarmen" jaitsiko dela eta.
Hala iragarri du Josu Erkoreka Eusko Jaurlaritzako lehen lehendakariorde eta Segurtasun sailburuak Euskadiko Uholde Arriskurako Plan Bereziaren Aholku Batzordearen bileraren ondotik. Batzarra Euskadiko Trafikoa Kontrolatzeko eta Larrialdiak Kudeatzeko Zentroan egin dute goizean, eta horren ondotik, prentsa aurrera agertu da sailburua.
Egoerak, meteorologikoak zein ibaien emariarenak, hobera egingo duela aurreikusi dute adituek, eta hala Plan Berezia desaktibatzea adostu dute. Ordu berean bertan behera geratu dira prezipitazio handi eta iraunkorrengatik Bizkaian zein Gipuzkoan ezarritako bi abisu horiak.
Hobekuntza gorabehera, ibaien arroen "zaintza intentsiboari" eutsiko zaiola azpimarratu du Erkoreka sailburuak.
Azkenik, nabarmendu du "aurreikuspenak zuzenak" izan direla eta larrialdietako zerbitzuen "emaitza egokia" izan dela.
Albiste gehiago gizartea
Torre Pachecoko ekonomiaren bizkarrezurra: nekazaritza-lanpostuen ia % 60 migratzaileek betetzen dituzte
Udalerri horretako biztanleen % 31 atzerritar jatorrikoak dira; % 92, Europar Batasunetik kanpoko herrialdeetatik joandakoak. Migratzaileek nekazaritzako lanpostuen erdiak baino gehiago betetzen dituzte, eta horrek ageri-agerian uzten du eskualdearen ekonomiaren oinarrian migratzaileak daudela.
Aparkaleku publiko bat proiektatu dute Lemoizko zentral zaharraren lurretan
Sprilur sozietate publikoak Lemoizko zentral nuklearra eraiki zen inguruan 200 plazarainoko aparkaleku bat jartzea bideragarria ote den aztertu du. Proposamenak ingurumena lehengoratzeko plan bat ere jasotzen du.
Lurrikara, Almerian: “Txakurrarekin paseoan nindoan eta zarata handia entzun da, pertsianak behera etorri izan balira bezala”
Goizeko 07:00ak pasata Almerian izan den lurrikarak bizilagun asko esnarazi ditu. Sara Juez eta Iokin Moreno gipuzkoarrak Mojacarren daude oporretan, eta dardara handia nabaritu dutela adierazi dute.
Gazte bat bilatzeko eta atxilotzeko agindua eman du epaile batek, 2023an Getxon sexu-eraso bat egin zuelakoan
Behin atxilotuta, Getxoko epaitegira eramango dute, deklarazioa hartzeko. Gainera, DNA probak egingo dizkiote, sexu-eraso horrekin lotura duen egiaztatzeko.
Elkarte batek Lamine Yamal salatu du festa baterako akondroplasia duten pertsonak kontratatzeagatik
"Gizartean eragina duen pertsona batek horrelakoetan parte hartzen duenean, kaltea are handiagoa da, gizarteari (bereziki gazteei) diskriminazioa onargarria dela transmititzen zaiolako. Utzi behar diogu desberdinak direnak kosifikatzeari, eta errespetuan eta ekitatean hezi", adierazi du Akondroplasia eta beste Displasia Eskeletiko batzuk eta Enanismoa duten Pertsonen Elkarteak (ADEE, gaztelaniaz).
Gatibu, Rozalén, Dupla eta Shinova, Bilboko Aste Nagusian
Bilboko Udalak Abandoibarreko eta Europa parkeko agertokiek Aste Nagusian egingo dituzten kontzertuen egitaraua iragarri du gaur; Janus Lester, Coque Malla, Mocedades, Alcalá Norte eta Kai Nakai ere arituko dira, besteak beste.
Beste lagun bat atxilotu dute, Ordiziako istiluekin lotura duelakoan; lau ertzain daude zaurituta
Segurtasun Saileko iturriek nabarmendu dutenez, ikerketa zabalik dago oraindik. Bien bitartean, atxilotuek ertzain-etxean jarraitzen dute, epailearen aurrera noiz eramango zain.
Ikusi berriz uztailaren 14ko entzierroa
2025eko sanferminetako uztailaren 14ko entzierroa, Orainen.
Miura ganadutegiko zezenek aurtengo sanferminetako entzierro azkarrena egin dute
Zezenek bi minutu eta 16 segundo behar izan dituzte ibilbidea osatzeko. Lehen balantzearen arabera, hiru pertsona zauritu dira eta horietako bi ospitaleratu behar izan dituzte, kolpeak hartuta.
Zer gertatzen ari da Torre Pachecon?
Arrazakeriak eztanda egin du Murtziako herrian, eta ultraeskuinak egoera baliatu nahi du, bere onerako. Segurtasun indarrek herria hartu dute asteburuan.