Paxlovid antibiralaren lehen 722 tratamenduak iritsi dira Hegoaldera
Paxlovid antibiralaren lehen 722 tratamenduak Hegoaldera iritsi dira astelehen honetan. Covid-19aren aurkako 556 tratamendu antibiral entregatuko dizkio Osasun Ministerioak Euskal Autonomia Erkidegoari. Era berean, botikaren beste 166 tratamendu Nafarroara heldu dira. Gaixotasunak aurrera egitea eta arriskuko pazienteetan ospitaleratze zein heriotza prebenitzen ditu.
Espainiako Gobernuak Pfizer konpainiarekin 344.000 tratamendu erosteko eta banatzeko akordioa sinatu zuen iragan ostegunean. Astelehen honetan aurreneko 11.900 sendagaiak banatu dituzte erkidegoetan. 2022ko lehen hiruhilekoan 50.000 tratamendu entregatzea espero dute.
Euskadik, esan bezala, 556 botika jaso ditu dagoeneko, horietatik 83 Txagorritxu Ospitalean utzi dituzte, 183 Donostia Ospitalean eta 290 Basurtuko Ospitalean, Espainiako Gobernuak EAEn duen Ordezkaritzak jakitera eman duenez.
Paxlovid tratamendua covid-19 diagnostikatu ondoren lehenbailehen hartu behar da, sintomak hasi eta ondorengo bost egunetan, hain zuzen ere. Horregatik, diagnostikotik administraziorako prozesua antolatua eta azkarra izatea oso garrantzitsua da.
Ahoz hartzeko izatea abantaila da, arriskuko paziente arinen tratamendua anbulatorioan egitea posible baita, covid-19ak aurrera egin eta gaixoaren egoerak okerrera egitea saihesteko.
Hiru pilula dira, eta medikuaren aginduz hartu behar da, adituek "dagoeneko adostutako irizpide zorrotzen" arabera, immunodepresioren bat edo fibrosi kistikoa duten pazienteek, alegia.
Sendagaien Europako Agentziak (EMA) oniritzia eman zion, oxigenorik behar ez, baina gaixotasunak aurrera egiteko arrisku handiagoa duten paziente helduetan kasu larrienak prebenitzen dituelako.
Espainian botika administratzeko behin behineko baimena eman dute, baina banatzeko modua erkidego bakoitzak erabakiko du.
Covid-19 gaixoen ospitaleratze eta heriotza arriskua % 89 murrizten duela demostratu zuten enpresaren entseguek, gaixotasuna diagnostikatu eta aurreneko sintomak agertu ondorengo egunetan hartuz gero.
Estatuan covid-19aren kontra eskuragarri dagoen bigarren tratamendua da: otsailean AstraZenecaren Evusheld botikaren lehen dosiak iritsi ziren.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.