Pablo Gonzalez euskal kazetariaren atxiloketa "isilpean" gordetzeko agindu zuen Poloniako Fiskaltzak
Espainiako Kanpo Arazoetako Ministerioak baieztatu duenez, Poloniako agintarien bitartez jakin dute Pablo Gonzalez euskal kazetariaren atxiloketa sekretupean" mantentzeko agindua eman zuela Poloniako Fiskaltzak. Gonzalezek hilabete baino gehiago darama atxilotuta eta inkomunikatuta Polonian, espioitza egotzita.
Errusian jaio eta Nabarnizen bizi zen kazetaria otsailaren 28an atxilotu zuten Polonian, Ukrainako mugatik gertu, eta espetxera bidali zuten ondoren.
Gertakari horren aurrean, Jon Iñarritu EH Bilduko diputatuari idatziz emandako erantzunean, Espainiako Gobernuak azaldu du Poloniako agintariei jakinarazi zaiela garrantzitsua dela kontsulatu-laguntza bermatzea, bisita-eskubidea barne, eta, era berean, "atxilotuak abokatuaren laguntza jasotzeko duen eskubidea errespetatzeko" deia ere egin diola Poloniari.
"Poloniako agintariek jakinarazi dute atxiloketaren hasierako fasean fiskalak gaia sekretupean mantentzea agindu zuela, tokiko araudiaren arabera", erantzun dio Espainiako Gobernuak bere erantzunean Iñarrituri. Halaber, kazetariaren atxiloketaren berri izan zuenetik, Espainiako Kontsulatuak laguntza eman diola gaineratu du, baita behin bisitatu ere.
Exekutiboaren idazkiaren arabera, martxoaren 3an Poloniako Fiskaltzaren idazki bat jaso zuten akusazioen berri emateko, eta martxoaren 7an lehen bisita kontsularra egin zioten euskal kazetariari.
Gainera, Jose Manuel Albares Kanpo Arazoetako, Europar Batasuneko eta Lankidetzako ministroak bi bilera izan zituen Poloniako homologoarekin, martxoaren 4an eta 17an, atxiloketari buruz hitz egiteko.
Albiste gehiago gizartea
Eraso sexisten kontra, gelditu egin dira Iruñea eta sanferminak
Ehunka pertsonek erantzun diote hainbat kolektibo biltzen dituen Indarkeria Sexistaren aurkako Emakumeen Plataformak egindako deialdiari eta Gazteluko plazara joan dira jaietan gertatu diren eraso sexistak salatzeko. Iruñeko Udaleko Bozeramaileen Batzordeak adierazpen bat onartu du igande honetan, hilaren 11ko sexu-erasoaren "erabateko gaitzespena" agertuz.
Kloro ihesa izan da Azkoitiko Ugarteigaran igerileku irekietan eta bost lagun ospitaleratu dituzte baina arriskutik kanpo daude
Lau haur eta heldu bat dira kalteak jasan dituztenak. Udaltzaingoak hustu eta itxi egin ditu instalazioak eta suhiltzaileak eta anbulantziak bertaratu dira. Udalak jakinarazi duenez, "arrazoia kloroa dosifikatzen duen motorrak izandako akats teknikoan datza".
Amarako bizilagunei eskerrak emateko bazkaria antolatu dute asilo eske kalean bizi diren migratzaileek
Bizilagunek azken asteetan erakutsi dieten babesa eskertzeko eta, lotsak gaindituta, elkar ezagutzeko bazkaria egin dute igande honetan Amara auzoan, Donostian. Frantziatik kanporatuta, asiloa eskatzen dute, eta bizilagunak tramiteekin laguntzen ari zaizkie.
Hiru Behien Zergaren zeremonia ospatu dute, Europako itunik zaharrena
XIV. mendeko akordio hori urtero berresten dute Izaban, San Martin harriaren ondoan. Akordioaren arabera, biarnotarrek hiru behi eman behar dizkiete erronkariei, bertako bazkalekuak erabiltzearen truke. Euren arteko gatazka luze bati amaiera eman zion itun horrek.
Segurtasun sailburuordeak elkartasuna agertu die ertzainei, eta Ordizian gertatutakoa "oso larria eta onartezina" dela salatu du
Ricardo Ituarte Eusko Jaurlaritzako Segurtasun sailburuordeak azaldu duenez, larrien dagoen ertzaina Gurutzetako Ospitalera eraman dute, ebakuntza egitera, masailezurra eta lepauztaia hautsita baititu. “Gertatutakoa onartezina eta oso larria da. Ikerketa amaieraraino joango da eraso latz honen erantzukizun guztiak argitzeko. Pertsona gehiago inplikatuta dauden jakin nahi dugu”, esan du Ituartek, eta elkartasuna agertu die erasoa jasan duten ertzainen senideei eta Ordizian izandako ertzainei.
Lau ertzain zauritu dira Ordizian, hainbat pertsonak eraso eginda
Gizon bat atxilotu dute agintaritzaren aurkako atentatua eta lesioak egotzita. Ertzain-etxean beharrezko izapideak egin ondoren, epailearen aurrera eraman dute.
Bost zauritu eta atxilotu bat utzi dute Torre Pachecon bart izandako istiluek
Istiluak 68 urteko bizilagun batek erasoa jaso ostean sortu dira.
EHUk astelehenean hasiko du 2025-26 ikasturterako graduko ikasleen matrikulazioa
20.638 aurre-inskripziorekin ekingo dio matrikulazio epeari. EHUk 106 gradu eskainiko ditu datorren ikasturterako, guztira 8.789 plaza. Katalogo osotik, Biomedical Engineering, osasun arloko graduak eta gradu bikoitzak dira interes gehien pizten dutenak.
Gizon bat ikertzen ari dira Artikutzako aztarnategi megalitikoan egindako kalteengatik
Inguruetan basolanak egiten ari zen ibilgailu astun bat babestutako leku batean sartu zen, eta kalte handiak egin zituen.
Loiutik abiatu dira aurtengo Euskadiko Gazteak Lankidetzan programan parte hartuko duten boluntarioak
Hainbat euskal GKE-k Bolivia, Kolonbia, Ekuador, Guatemala, Honduras, Mexiko, Peru, Ginea eta Senegalen dituzten proiektuetan parte hartuko dute. Euskadiko Gazteak Lankidetzan programak 31 urte bete ditu eta ekimenetik 2.500 gazte baino gehiago igaro dira.