Matxura batek hitzorduak atzeratu eta zerbitzuak geldiarazi ditu Osakidetzan
Osakidetzako telekomunikazio sarean izandako matxura baten ondorioz, hainbat zerbitzu "erori" egin dira, eta atzerapenak eta bertan behera utzi dituzte hitzorduak eta programatutako jarduera.
Eusko Jaurlaritzako Gobernantza eta Autogobernu Saileko iturriek baieztatu dute 12:00ak aldera Osakidetzaren telekomunikazio-sarea "erabat" erori dela, zehaztu ez dituzten arrazoiengatik.
Ordu erdi geroago, bere onera itzuli da, baina 13:30 aldera arazoak izan dira berriro, eta sarea pixkanaka konpontzen joan da, 14:00etan normaltasuna itzuli den arte.
Osasun Sailak azaldu duenez, "EJIEren makina bat matxuratu da", eta horrek eragina izan du "Osakidetzaren jardueran", goizean "zenbait atzerapen" izan baitira.
Arratsaldean, "orokorrean, normaltasunez" aritu dira, baina zentro batzuk beste batzuk baino kaltetuagoak izan dira "eta arratsaldean programatutako jardueraren zati bat bertan behera utzi behar izan dute".
Asteazkenean ere, Eusko Jaurlaritzako iturriek baieztatu zutenez, arazoak izan ziren telekomunikazio-akatsen ondorioz, eta hainbat zerbitzuri eragin zien, besteak beste, Osasun Karpetari. Tresna horretara Osakidetzaren webgunearen bidez sartzen da, eta erabiltzaileei historia medikoa kontsultatzeko eta Lehen Mailako Arretan hitzorduak eskatzeko aukera ematen die.
Matxura ordu erdi ingurukoa izan zen, eta bestelako "arazo" batek eragin zuen, Gobernantzatik azaldu dutenez.
Osasun Sailak deitoratu egin ditu sortutako eragozpenak, eta jakinarazi du Osakidetza ahalik eta lasterren jarriko dela harremanetan kaltetutako pertsonekin, hitzordu berriak emateko.
Zure interesekoa izan daiteke
Nafarroako Larrialdietako Zuzendariordetzak botako du sanferminetako txupinazoa
Erakunde hori aukeratu dute herritarrek bozketan, Joseba Asiron alkateak iragarri duenez.
Hasi dira presoak Martuteneko espetxetik Zubietara lekualdatzen
Goizean hasi dira, furgonetetan, presoak Martuteneko espetxetik ateratzen. Gauzak ondo bidean, aste honetan amaituko da lekualdatzea eta kartzela zaharra ekainaren 24an itxiko dute betiko, bertan zeuden 254 presoak Zubietara eraman ostean.
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Eusko Jaurlaritzak EHUri eskatu dio euskara azterketetako zeroen auziko "balizko gorabeherak" aztertzeko
Unibertsitate eta Hezkuntza sailburuek eta errektoreak urgentziazko bilera bat egin dute, giro adeitsuan. Aurretik, Jaurlaritzako bozeramaileak azkartasuna eskatu du zuzenketetan, eta zuzenketa horiek unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.