Auto-ilarak amaitu dira A-8an, Zierbena parean
Eusko Jaurlaritzako Segurtasun Sailak EITB Mediari jakinarazi dionez, EAEko errepideetan auto-ilarak luzeak dira astelehen honetan, irteera eta itzulera operazio betean. Goizean zehar, 5 kilometrora ere iritsi dira A-8 autobidean.
A-8 autobideko 132 kilometroan, Zierbena parean, bi errei itxi behar izan dituzte, hainbat ibilgailuren arteko istripu baten ondorioz. Hori dela eta, 5 kilometrokoak izan dira auto-ilarak Kantabriarako noranzkoan, eta Sestaoraino iritsi dira, baina amaitutzat eman dituzte arratsaldeko lehen orduetan.
Gainera, eguerdiko 13:00ak aldera, bi kamioiren arteko istripu batek A-1 errepidea ixtera behartu du, Donemiliagan, Irungo noranzkoan, eta auto-ilarak sortu dira inguru horretan. Desbideratzea A-3138 errepidetik egin dute, 379. puntu kilometrikotik. Auto-pilaketek bi errepideei eragin diete, 10 kilometrora iritsi dira eta 18:00ak aldera amaitu dira.
Bestalde, AP-8 errepideko 7,5 kilometroan, Irungo ordainlekuaren parean, trafikoaren ohiko mardultasunak auto-ilarak sortu ditu Kantabriarako noranzkoan, 11:30ak aldera 4 kilometrokoak zirenak. Edonola ere, eguerdi aldera amaituta zeuden.
Halaber, Ertzaintzak jakinarazi du kilometro eta erdiko auto-ilarak izan direla Behobiako mugan, Frantziarako noranzkoan.
Zure interesekoa izan daiteke
Ilara luzeak daude oraindik AP-8an, Irungo ordainlekuan, Bilborako noranzkoan
Irteera operazioa dela eta, ibilgailu ugari pilatu dira goizean goizetik, Frantziatik penintsularen hegoaldera. Araban, A-1 autobidean, Gasteiz parean eta Madrilerako bidean sortu dira pilaketak.
Gizon bat atxilotu dute Gasteizen, gazte bati lapurreta egiten eta hiltzen saiatzea egotzita
Atxilotua, 27 urtekoa, 21 urteko mutil baten furgonetan lapurreta egiten saiatu da lagun batekin, eta biktimak aurre egin die.
Bakion ostiraletik desagertuta dagoen 14 urteko neska baten bila ari dira
VOST Euskadik 14 urteko Olaiaren desagerpenaren berri zabaldu du. Adingabea uztailaren 31n ikusi zuten azkenekoz Bakion, eta baliteke Bilborako autobusa hartu izana. Haren inguruko informaziorik duenak 112ra deitzeko eskatu dute.
Bi pertsona zauritu dira Saratsan, bi ibilgailuk talka eginda
Istripua 18:00ak aldera jazo da, N-240-A errepidean. Gizonak gerrialdeko min arina izan du, eta emakumeak, berriz, hainbat kolpe jaso ditu, eta haren zaurien pronostikoa erreserbatua da.
Pertsona bat zauritu da A-8an, Muskizen, Bilborako noranzkoan, autoa iraulita
Istripua 17:55 aldera jazo da, eta ibilgailua A-8 autobideko eskuineko eta erdiko erreietan traban geratu da; ondorioz, kilometro bateko ilarak sortu dira inguruetan, Bilbora bidean.
Euskarabenturak Getxon amaitu du bere ibilbidea, 650 kilometro egin ostean
130 gaztek Euskal Herriko zazpi lurraldeak zeharkatu dituzte, euskara ahoan, lagun berriak eginez eta esperientziak bilduz bihotzean gordetzeko. Ostiral goizean erantzi dituzte duela 31 egun Atharratzen jantzi zituzten oinetakoak, baina abenturak utzi dien arrastoa ez dute inoiz ahaztuko.
Gasteizek 1.000 lokal etxebizitza bihurtzeko bidea ireki du
Proiektuak eraldaketatik kanpo utziko ditu Alde Zaharra, Zabalgunea, Arriagako zati handi bat eta Salburuko zein Zabalganeko finkatu gabeko eremuak, eta etxebizitza berriak titularraren ohiko bizileku iraunkor gisa erabili beharko dira.
Hendaia eta Bordele arteko tren lotura larunbatean berrezarriko dute
Larunbatetik aurrera, abiadura handiko trenen erdiak ibiliko dira; igandetik aurrera, berriz, zerbitzuak erabateko normaltasuna berreskuratuko du.
39 urteko gizon bat atxilotu dute Santanderren, bikotekidea hil izana egotzita
Gizonak Poliziari deitu dio eta gertakariak aitortu ditu. Ustezko genero indarkeria gisa ikertzen ari dira.
Gasteizko jaiak gogoz eta errespetuz bizitzeko deia egin du Zeledonek
Aurten, hirugarren aldiz izango da Zeledon Iñaki Kerejazu, eta gaur zahatoa eta aterkia jaso ditu Maider Etxebarria Gasteizko alkatearen eskutik. Andre Maria Zuriaren jaiak abuztuaren 4an hasiko dira, Zeledonen jaitsierarekin.