Osasun Ministerioak musukoaren erabilera inposatu dezake baldintzak betetzen badira, Subijanaren arabera
Iñaki Subijana EAEko Justizia Auzitegi Nagusiko presidenteak azaldu duenez, Espainiako Osasun Ministerioak ospitaleetan eta osasun etxeetan maskara ezartzera behartu ditzake autonomia erkidegoak. Horren esanetan, erregimen autonomikoaren barruan dagoen "aginduzko koordinazioa" izeneko lege aurreikuspenak aukera ematen dio Espainiako Gobernuari autonomia erkidegoei erabaki bat ezartzeko. Edozein kasutan, zehaztu du legeak ezartzen dituen baldintza bete behar direla horretarako.
Espainiako Osasun Ministerioak osasun zentro guztietan musukoa ezartzera behartuko ditu autonomia erkidegoak, asteazkenetik aurrera, Osasun Sistemaren kohesioa eta kalitatea bermatzeko legearen 65. artikuluaren bitartez.
Radio Euskadiri eskainitako elkarrizketan Subijanak azpimarratu duenez, autonomia erkidegoak erabaki bat hartzera behartzeko araudia badago. Horren esanetan, bi aukera daude: batetik, Lurralde arteko Osasun Batzordean autonomia erkidegoak ados jartzea; bestetik, kasu honetan Osasun Ministerioak aplikatuko duen "aginduzko koordinazioa" ezartzea.
Bestalde, erabakiaren aurka helegitea aurkeztu daitekeela onartu du, ikusi beharko baita lege hori aplikatzea ahalbidetzen duten baldintzak betetzen diren. Hortaz, Osasun Ministerioak "lege horren artikulu zehatz hori aplikatzea" justifikatzen duten elementuak badauden ala ez egiaztatu beharko dela uste du.
Plastikozko bolatxoen isuriaz galdetuta, "hipotetikoki" ingurumen delitua egon daitekeela onartu du Subijanak.
Epaitegi batek Donostian udaltzain izateko euskara jakitea ez dela beharrezkoa ebatzi eta biharamunean, epaileen eta auzitegien aldetik sentsibilitate faltarik ez dagoela nabarmendu du. Horren ustez, EAEko auzitegiak euskararen erabilera normalizatzeko oinarrizko Legea aplikatzen ez direnaren irudia zabaltzen ari da, "eta hori ez da horrela". Subijanak ez du uste lege esparruak huts egiten duenik, eta auziaren muina interpretazioan dagoela gaineratu du.
Zure interesekoa izan daiteke
Osasun-matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Ontziko medikua ez dute azkenean Kanarietara eramango, bere osasunak hobera egin baitu. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 43 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese 'Gernika' aurrean: Ikaragarria da, Gazan ikusi dudanaren erreflexua dirudi
Francesca Albanese Nazio Batuen Erakundeko Palestinarako kontalaria txundituta agertu da asteazken honetan 'Gernika' Pablo Picassoren margolan ospetsuaren aurrean. Bere ustez, "gerra zibilaren suntsiketaz" hitz egiten badu ere, lurralde palestinar okupatuetan ikusitakoarekin "antzekotasun handia" du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.
Clavijok ez du nahi hantabirusak kutsatutako gurutzaontziak Kanarietan geldialdia egitea, eta Sanchezekin premiazko bilera bat egitea eskatu du
Kanarietako presidenteak zalantzan jarri du Espainiako Gobernuak ontzia Kanarietan amarratzeko hartutako erabakia, eta eskatu du kasuaren osasun-kudeaketako protokolo-aldaketari buruz azalpenak eman ditzala berehala.
19 urteko kartzela zigorra ezarri diote Jerome Verin boxeolari ohiari, Eric Courdy hiltzeagatik
2024ko uztailaren 11n, eztabaida baten ostean, Jerome Verinek eraso egin zion Eric Courdyri autobus geltoki batean, eta sei egun koma egon eta gero hil zen.