Albiste izango dira: Kalte zenbaketa denboralearen ostean, Pablo Gonzalez eta Gaztea Sariak
Honako gai hauek hartuko dituzte gaur, 2024ko otsailak 28, hedabideetako lerroburu nagusiak:
-Kalte zenbaketa denboralearen ostean: Azken eguneko prezipitazio iraunkorren ondorioz, uholdeak izan dira, zenbait ibaik gainezka egin dutelako, baita luiziak eta zenbait errepidetan ur-putzuak ere. Atzokoan, Gipuzkoan, Gasteizen, Iruñean eta Cadagua ibaian (Bizkaia) egon zen jarrita arreta. Eguerditik aurrera, mailak egonkortu egin ziren, eta jaisten hasi ziren, Oria ibaiaren arroan izan ezik, bertan denbora gehiago behar izan baitzen egoera normalizatzeko.
-Pablo Gonzalez: Pablo Gonzalez kazetariak bi urte bete ditu Polonian atxilotuta, eta elkarretaratzeak eta ekintzak antolatu dituzte hainbat hiritan, bere egoera salatzeko, errugabetasun-presuntzioa eskatzeko eta bidezko epaiketa aldarrikatzeko. Horietako bi, elkarretaratzeak biak, EITBren Miramongo (14:45) eta Bilboko (15:30) egoitzen aurrean izango dira, "2 urte bahituta. Justizia, giza eskubideak eta prentsa-askatasuna" lelopean.
-Gaztea Sariak: Orduak falta dira 2024ko Gaztea Sariei hasiera emateko. Asteazkenean, 18:00etan irekiko ditu ateak Euskalduna Urban Hallek, tiketak minutu gutxian agortu zituen publikoa hartzeko. Sari banaketa 19:00etan hasiko da, Ainhoa Vitoria eta Ibon Fernandezen eskutik. Gaua behar bezala ixteko, Gorka Urbizu izango da oholtza gainean, Hasiera bat diskoa aurkezten.
Zure interesekoa izan daiteke
Behar baino Gabonetako Loteriako txartel gehiago saldu zituela aitortu du Arratiko Zekorrak errugbi taldeak
Gabonetako Loteriak 15 milioi euro utzi zituen Igorren, Arratiko Zekorrak errugbi taldeak saldutako 90.693 zenbakiari esker. Hala ere, oraindik bada saria kobratzerik izan ez duenik —guztira, 2,2 milioi euro—, klubak behar baino 225 partizipazio gehiago saldu zituelako. Klubak baieztatu du 80 pertsona inguru direla kaltetuak.
Auto-ilarak BI-30 errepidean, Txorierriko igarobidean, Erandion bi ibilgailuk istripua izan ostean
Ezbeharra 12. kilometroaren parean gertatu da, eta zirkulazioa murriztu behar izan dute Galdakaorako noranzkoan.
Espainiako Gobernuak baimena eman du Kanariar Uharteetan hantabirusa duen gurutzontzia atrakatzeko, eta larri dagoen medikua han artatzea
Ontzian 147 pertsona daude eta hiru hil dira. Cabo Verden dago, eta hiruzpalau egun barru artxipelagora iristea espero dute. Bertan, egoera larrian dagoen medikua artatuko dute.
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.