Abiatu da Korrika, Irundik Baionara
Abiatu da 23. Korrika, lasterketak berezkoak dituen emozio, urduritasun eta zirrara artean, abiatu ere. Irunen hasi da euskararen aldeko lasterketa, eta 11 egunetan Euskal Herri osoa alderik alde— 2.700 kilometro, 205 herri eta hiri— zeharkatuko du, lurraldez lurralde, martxoaren 24an Baionara iritsi arte. Herri aldarrikapenaren Korrika da aurtengoa. Bere buruaz konplexurik gabe harro bai, baina konforme ez dagoen herri baten aldarria. Harro dagoen herri baten oihua. Hortik, leloa: "Herri Harro".
Begiak bustita eta irribarre gozoa ahoan, Bidasoako AEK euskaltegiko 11 irakaslek izan dute lekukoa eskutan hartu eta lehen kilometroa egiteko ohorea, Irungo San Juan plazatik abiatuta, 16:00ak puntuan. Maddi Sanz arpa-jolearen eta Koldo eta Xabi Sorzabalbere txalapartarien doinuek lagunduta egin dituzte lehen pausoak. Korrika Baionara iristen denean ezagutuko da lekukoaren barruan Ane Elordi Korrikaren koordinatzaile nagusiak gorde duen mezua.
Goizean Euskadi Irratian egindako elkarrizketan, Elordik azpimarratu du euskarak denak behar dituela, "hangoak eta hemengoak, euskaradunak eta ez euskaradunak". "Korrikaren arrakastak euskaradunak ez direnak deseroso sentiarazten baditu, helburuen parte bat lortu dugun seinale izango da", adierazi du. Lasterketak irauten duen 11 egunetako "poz kolektiboa", martxoaren 25etik aurrera "konpromiso" bilakatzea dela erronketako bat erantsi du.
Lehen egun honetarako, egun osoko festa antolatu du AEK-k Irunen. Egitaraua goizeko 11:00etan hasi da, Gazte Korrikarekin, eta 15:30ean 23. Korrikaren hasiera ekitaldia abiatu dute. Bidasoako AEK Euskaltegiko zuzendari Beñat Alzagaren esanetan, "lehen kilometro horrek islatuko du, alde batetik, euskaraz bizitzeko kemena; bestetik, Korrikak hauspo izan nahi duela Irunen euskalduntze-lanak tinko aurrera egiteko".
Irun, Hondarribia, Hendaia, Urruña, Donibane Lohizune, Azkaine... dira Korrikaren lehen kilometroak hartuko dituzten aurreneko herrietako batzuk. Lapurdi, Nafarroa Beherea, Zuberoa eta Nafarroan igaroko ditu lehendabiziko egunak, eta martxoaren 18ko goizaldean iritsiko da Arabara. Handik, atzera berriz Nafarroara sartu-irtena egin ondoren, Gipuzkoarako eta Bizkaiarako bidea hartuko du, herriz herri, Lapurdiko hiribururaino iristeko, hilaren 24an; 09:20 aldera helduko da azken txanpara, eta 12:30ean sartuko da Udaletxe Plazara. Amaierako jai handia 13:30etik aurrera dago aurreikusita.
Azterketak Euskaraz kolektiboa omenduko da edizio honetan. Urteak daramatzate Ipar Euskal Herriko ikasleek baxoa eta brebeta azterketak euskeraz egin ahal izatea eskatzen, eta egiten ari diren ahalegina aitortuko zaie.
EITB Mediako hedabideek zuzenean eskainiko dute Korrikaren hasiera ekitaldia eta eitb.eus-ek zuzenean emango ditu lasterketaren irudiak, streaming bidez 24 orduz. Errealizatutako seinalea Nahieran aplikazioan eta YouTube kanalean ere izango da ikusgai.
Maite Arroitajauregi "Mursego"-k konposatu duen kantua entzungo da Irundik Baionarako bide osoan:
Zure interesekoa izan daiteke
Giro ezin hobea Donostian, emozioz beteriko goiz honetan Behobia lasterketarekin
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.
Hodi baten hausturak ur-hornidura arazoak eragin ditu Ezkerraldean
Matxura konpondu dute jada, baina txorrotak ireki eta urari isurtzen uzteko gomendatu dute, oraindik zikin egon daitekeelako.