Gaixo dagoen euskal gaztea Thailandiatik ekartzeko hegazkin medikalizatu bat prestatzen hasi dira
Thailandian gaixorik dagoen euskal gaztea etxera itzuli ahal izango da. Defentsa eta Atzerri ministerioek baieztatu dutenez, pankreatitisa duen gaztea Espainiaratzeko kudeaketak eta hegazkin medikalizatua prestatzen hasi dira, baina oraingoz ez dute datarik zehaztu, EITB Mediak jakin ahal izan duenez.
Defentsako iturriek EFEri jakinarazi diotenez, "izapideak aztertzen ari dira" bidaia "aurrera eraman" ahal izateko, baina oraindik ezin da "data zehatzik" eman.
Pankreatitisak jota Bangkokeko (Thailandia) ospitale batean ospitaleratutako 36 urteko gaztearen familiak premiaz Euskal Herriratzeko eskatu zuen, ospitaletik txosten bat jaso ondoren. Txosten horretan argitu zitzaien oraindik hegazkin medikalizatu batean eramateko aukera zegoela, baina ohartarazi zien "ahal den azkarren" egin beharko lukeela, "barne-odoljario larria izateko arriskua baitago".
Txostenaren arabera, pankreatitisa "% 30etik % 50era" areagotu zaio, eta "erabiltzen ari diren antibiotikoek ez diote ezer egiten". Gaur pazientea "egonkor dago, bere larritasunaren barruan", familiaren bozeramaileak EFE albiste agentziari jakinarazi dionez. Gaztea Thailandiako hiriburuko Samitivej Ospitaleko ZIUn dago.
Alexander Garcia Galas gaixoaren familiak Aireko Armadaren Ebakuazioko Unitate Medikoaren (UMAER) bidez Espainiaratzeko eskatu zuen, ekartzeko hainbat saiakera alferrikakoren ondoren.
Familiak EITB Mediari jakinarazi zionez, astelehenean Margarita Robles Defentsa ministroarekin telefonoz hitz egin zuen aurrenekoz, eta horrek egoera aztertuko zuela adierazi zien.
Senideek ez zuten lortu kontratatu eta ordaintzera iritsi ziren medikalizatutako hegazkin komertzialak gaztea Euskal Herriratzea. Familiak Defentsako unitate medikalizatu berezi horretan ikusten zuen hori lortzeko "azken aukera".
Zure interesekoa izan daiteke
Ezkabarteko suteagatik hustutako Usi, Anotz eta Nabatz herrietako bizilagunak etxera itzuli ahal izan dira
Suhiltzaileen Zerbitzuak ikuskapen hegaldi bat egin du 08:00ak aldera: sua ez dago kontrolatuta, ezta egonkortuta ere. 112-SOS Nafarroak herritarrei eskatu die ez daitezela gerturatu suhiltzaileak eta langileak dabiltzan tokietara, horien lanak ez oztopatzeko.
Nafarroako Gobernuak nekazaritza jarduerak mugatu ditu lehorreko lurretan ostiraletik aurrera, sute-arriskua dela eta
Ezkaba mendiaren inguruan ostegunean piztutako sute handiaren ondorioz hartu dute erabakia. Izan ere sute horretan, zazpi parketako suhiltzaileen laguntza behar izan da, eta Nafarroako Foru Erkidegoan sua itzaltzeko dauden baliabide guztiak bideratu behar izan dituzte bertara, larrialdiko eta babes zibileko ekipoak tenkatzear eraginez.
Oinezko batzuei eraso egin ostean Santurtziko Udaltzaingoak zauritu zuen gizon bat hil da
Gizona ospitalera eraman zuten astelehenean Poliziaren esku-hartze baten ondorioz, hainbat pertsonari eta bertara joan ziren agenteei eraso egin ondoren. Gizona bi egun geroago hil da ospitalean.
Gaur hasiko da udako trafikoko operazio berezia, eta nazioarteko zikulazioan 2,27 milioi ibilgailuk EAE zeharkatzea espero da
Uda honetan, nazioarteko eta barruko joan-etorriak areagotzea aurreikusten da, eta, horregatik, neurri bereziak hartuko ditu Eusko Jaurlaritzak, trafikoaren kudeaketa hobetu eta udako gorabeherak murrizteko.
Auto-ilara luzeak BI-10 errepidean Bilbon, Kantabriarako noranzkoan, istripu baten ondorioz
BI-10 errepideko zirkulazioan eragina izan du istripuak, eta arazo handiak daude Kantabriarako noranzkoan. Une batzuetan, 3 kilometrotik gorako auto-ilarak erregistratu dira Bilbo inguruan.
Emakumezko bidaiariak: "Ez dut bakarrik bidaiatzen, neure buruarekin baizik"
Zerk bultzatzen ditu emakumeak inor barik bidaiatzera? Zeintzuk herrialde dira egokienak? Segurtasun, ekonomia eta logistika gomendioak bildu ditugu, hiru euskal emakumezko bidaiariren laguntzarekin.
Albiste izango dira: Venezuelako lurrikaren biharamuna, baso-sutea Ezkabarten eta irteera operazioa hasiko da
Gaurkoan Orain-en albiste izango direnen laburpena, bi hitzetan.
Honela geratu da La Guaira, 7,2 eta 7,5 graduko lurrikaren ostean
Tragediaren isla dira eroritako eraikinak, kalteak jasan dituzten azpiegiturak eta milaka biktima. Larrialdi-taldeek eremu kaltetuenetan lanean jarraitzen dute, kalteak neurtzen eta biktimak erreskatatzen.
Euskal Udalekuak elkarteak bere proiektua mehatxatzen duten erabaki politikoak salatu ditu, eta ekitaldi handi bat deitu du abuztuaren 29rako, Bernedon
Proiektuaren jarraipena arriskuan jartzen duten erabaki politikoak salatu dituzte. Egoera horren aurrean, euren ekimena defendatzeko eskura dituzten "baliabide guztiak" erabiliko dituztela adierazi dute, eta ekitaldi handi bat deitu dute abuztuaren 29rako Arabako udalerrian. Aldi berean, haur eta gazteei zuzendutako udako kanpaina berri bat prestatzen jarraitzen dute.
Ezkabarteko sutea berpiztu egin da egonkortuta egon ostean
SOS Nafarroak jakinarazi duenez, ez dute oraindik egonkortzea lortu. 17:40 inguruan piztu da, eta haizearen ondorioz, berehala zabaldu da.