Asteburuan ezegonkortasuna itzuliko da, zaparrada mardulekin eta tenperaturen jaitsierarekin
Asteburu honetan eguraldia aldatu egingo da berriro, eta egunotan hondartzetan ikusitako eguzkitakoen ordez aterkiak atera beharko dira berriro kalera; izan ere, zaparrada mardulak eta ekaitzak espero dira. Horrekin batera, tenperatura nabarmen jaitsiko da, bereziki igandean, EITB Mediaren meteorologia zerbitzuak nabarmendu duenez.
Ostegun honetan hodeiak ugarituz joango dira, eta bero-hodeiak agertuko dira arratsaldean. Tenperatura maximoak apur bat jaitsiko dira gure lurraldean, baina oraindik beroa nabaria izango da barnealdean; bereziki Nafarroako hegoaldean, maximoak 30 ºC-tik gorakoak baitira. Hori dela eta, abisu horia ezarri dute Nafarroako Erriberan. Egunean zehar, maximoak 26º C-koak izango dira Gasteizen, 23º C-koak Bilbon eta 22º C-koak Donostian.
Ezegonkortasuna areagotu egingo da bihar, ostirala, hodei gehiagorekin eta han-hemenka espero diren zaparradekin, bereziki arratsaldean. Zenbait tokitan zaparrada trumoitsuak eta zertxobait gogorragoak izan daitezke. Hala ere, tenperaturak ez du aldaketa handirik izango; goizean hego-ekialdeko haizea ibiliko da, eta arratsaldean aldatu egingo da.
Larunbatean ezinbestekoa izango da aterkia, batez ere arratsaldean. Zerua estalita egongo da goizean goizetik eta, arratsaldean zehar, ekaitzak gero eta indartsuagoak izango dira, txingorrarekin batera etor daitezkeenean. Iparraldeko haizea nagusituko da, arratsaldean biziago, eta tenperaturak nabarmen jaitsiko dira, batez ere barnealdean.
Gauzak horrela, eguraldi kaskarrarekin amaituko da astea, eta tenperaturak nabarmen jaitsiko dira igandean.
Albiste gehiago gizartea
Guardia Zibilak talde ultren manifestazioa geldiarazi du Torre Pachecon
Dozenaka pertsona zeuden bilduta “Herriak bakarrik salbatzen du herria” lelopean.
Donostiako Piratek Aste Nagusi herrikoi eta anitza prestatu dute, musika, joko eta abordatze tradizionalarekin
Donostiako Piratek omenaldia egingo diote Donostiako Pentsiodunen Mugimenduari, haiek izango dira abuztuaren 9tik 17ra jaietako astea ofizialki irekiko duen txupinazoa botako dutenak.
2025eko Sanferminetan 1,6 milioi pertsona bildu dira jai giroan eta istilu gutxiagorekin
Iruñeko Udalak oso positibotzat jotzen du errespetuzko giroak, delituen murrizketak eta jarduera askotan parte hartzearen igoerak markatutako jaien garapena.
Espetxera Ordizian lau ertzaini eraso egiteagatik atxilotutako bi pertsonetako bat
Tolosako epaitegi batek behin-behineko espetxealdia ezarri dio, agintaritzaren aurkako atentatua eta lesio delitua egotzita. Aldiz, atxilotutako bigarren gizona aske geratu da, kautelazko neurririk gabe.
Espetxera bidali dute Torre Pachecon gizon bati egindako erasoarekin lotura duelakoan Errenterian atxilotutako gizasemea
Ertzaintzak astelehenean atxilotu zuen Errenterian, Irunerako trena hartzera zihoala, antza denez, muga zeharkatzeko asmoz.
Bakioko udalekuetako gurasoak: "Enpresarekin harremanetan jartzen saiatu gara baina inork ez digu erantzuten"
Udalekura iritsi eta berehala, haurrek deitu zieten gurasoei haien bila joan zitezela eskatzeko. Gurasoen salatzen dutenez, Veranoaventura udalekuak antolatzen dituen enpresarekin harremanetan jartzen saiatu dira, baina inork ez die azalpenik eman. Erakundeei iruzurra argitzeko laguntza eskatzen diete.
Bakioko Udalak udaleku bat ixteko agindu du, haurren segurtasuna bermatzeko
Uztailaren 13an, igandea, Udaltzaingoa udalekua egiten ari ziren eraikinera joan zen, hainbat familiak jarritako salaketek bultzatuta. Bertan, poliziek "higiene eta segurtasun falta" nabarmena zegoela atzeman zuten. Familiek 500eriroren bueltan ordaindu zituzten, seme-alabek "esperientzia ahaztezina" bizi zezaten.
Euskadin, hildakoen batez besteko adina 81,7 urtekoa da
2024an, guztira, 22.392 lagun hil ziren, aurreko urtean baino % 0,4 gehiago, Eustat Euskal Estatistika Erakundeak argitaratutako azken datuen arabera.
Fiskaltzak eginbideak abiatu ditu Murtziako Voxen presidentearen kontra, gorroto delituak egitea leporatuta
Fiskaltzak ohar bidez zehaztu duenez, Jose Angel Antelok Torre Pachecoko istiluak direla eta egindako adierazpen publikoak eta sare sozialetan argitaratutako testuak ikertuko ditu, delitu zantzurik ote dagoen argitzeko.
300.000 ikus-entzulek baino gehiagok egin dute bat ETBren sanferminetako entzierroen emanaldiekin
Goizero, batez beste, % 12,1eko ikusle-kuota lortu du ETB1ek. Autengo datua iazkoa halako lau izan da.