San Mamesko segurtasun eremuaren barruan dauden tabernak eta dendak zabalik egongo dira finalaren egunean
Astebete baino gutxiago falta da Europa Ligaren finala San Mamesen jokatzeko, eta Bilboko Udalak prest du operatiboa. Horren harira, eta aurreko hitzorduetan ez bezala, Bilboko estadiotik gertu dauden ostalaritza eta merkataritza saltokiak zabalik izango dira egun horretan, maiatzaren 21ean.
Izan ere, San Mamesen jokatu diren Europa mailako azken hiru futbol norgehiakoetan, inguruko taberna eta jatetxeek ateak itxi behar izan zituzten partidaren atarian, segurtasuna bermatze aldera.
Oraingo honetan, hiru segurtasun eraztun ezarriko dira, eta partidarako sarrera dutenak bakarrik sartu ahalko dira eremu horretan. Segurtasun eremuak kale tarte hauei eragingo die: Felipe Serrate kalea (1. eta 3. atariak), Poza lizentziatuaren kalea (62, 64 eta 77), Luis Briñas (1etik 23ra), eta Sabino Arana (4tik 30era).
Hitzorduan nahasitako erakunde eta taldeek (Eusko Jaurlaritza, Bilboko Udala eta UEFA) saltoki eta ostalaritza elkarteekin adostutakoaren arabera, segurtasun perimetroaren barruan saldutako edariak ez dituzte kristalezko edalontzietan zerbitzatuko.
Bestalde, estadiora sartuko diren pertsona guztiei gomendatu diete UEFAren aholkuak betetzea eta San Mames estadioan bertan nahiz hiri osoan ezarritako kolore seinaleak kontuan hartzea.
Halaber, Bilboko Udalak aholkatu die eremu horretako saltoki, taberna eta jatetxeei bezperan, maiatzaren 20an, egoki hornitzea.
Zure interesekoa izan daiteke
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak hasi dira adinekoei zuzendutako bidaia horien erreserbak kudeatzen. Lehen egun honetan Imsersorekin lehen aldiz bidaiatuko dutenek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.
Heriotzen kopurua jaiotzena baino ia bi aldiz handiagoa da EAEn
Heriotzak 6.253 izan ziren urteko lehen hiruhilekoan, aurreko urtean baino % 0,8 gutxiago, eta jaiotakoak bainoa 3.008 gehiago.
Espainiako Abokatu Kristauen Fundazioak hiru urteko espetxe-zigorra eskatu du Bernedoko udalekuen auzian ikertutako 15 kiderentzat
Gasteizko Instrukzio Epaitegiak gaur hartuko die deklarazioa 15 ikertuei, eta testuinguru horretan egin du iragarpena herri-akusazio gisa ari den elkarteak. Bestalde, euskal udalekuetako kideek adierazi dute ez dutela prozesuaren berri emango, adingabeen eskubideak babesteko.
Lanbide Heziketak ia 8.000 plaza gehiagorekin ekin dio ikasturteari, bi gradu bikoitz berrirekin
Ia 75.000 plaza eskaini dira eta oraingoz 51.000 ikasle pasatxok eman dute izena (matrikulatzeko epea urriaren 16ra arte egongo da zabalik). Ikasturte hasierako ekitaldian lehendakariak azpimarratu duenez, egungo LHa "Txapeldunen Ligan" dago eta hezkuntza sistema hobetzeko "ardura partekatua, autokritika eta autoestima" eskatu ditu.
Txinak konfrontazioa baztertu du AAren inguruko eztabaidan, eta "ongira bideratutako" teknologia defendatu du
Pekinek adimen artifizial ireki eta inklusiboaren nazioarteko araubidea eskatu du, eta ohartarazi du mehatxu-diskurtsoek eta "asmo txarreko lehiak" haren gobernantza oztopatzen dutela.