Albiste izango dira: Europa Ligako finalaren balantzea, Israelen tiroketa Zisjordanian eta marka aldaketa EHUn
Honako gai hauek hartuko dituzte gaur, 2025eko maiatzaren 22an, hedabideetako lerroburu nagusiak:
- Europa Ligako finalaren balantzea: Juan Mari Aburto Bilboko alkateak Europako Ligako finalaren lehen balorazioa egingo du. Finalak aurreikuspen guztiak gainditu ditu Bilbon: espero zirenak baino zale britainiar gehiago iritsi dira azkenean (70.000 inguru, uste baino 15.000 gehiago), eta hiriburuak normaltasun osoz funtzionatu du egun osoan.
- Israelen tiroketa Zisjordanian: Europako, Amerikako eta Arabiako hainbat herrialdetako ordezkari diplomatikoz osatutako talde bat tirokatu dute asteazken honetan Israelgo indar armatuek Zisjordania okupatuaren iparraldean dagoen Jenin herrian. Palestinako Atzerriko Ministerioren hitzetan, soldadu israeldarrek diplomatikoak tirokatu dituzte, horiek "kikiltzeko" asmoz. Ordezkaritza diplomatikoa "baimendutako ibilbidetik irten" dela salatu du Israelgo Armadak eta, beraz, tiroak "ohartarazpen" gisa egin dituztela azaldu du.
- Marka aldaketa EHUn: Euskal Herriko Unibertsitateak UPV/EHU marka erabiltzeari utziko dio eta aurrerantzean EHU izango da soilik. Marka aldaketak ez dio logoari eragingo, eta orain arte bezala, arbola irekia irudikatzen duen Eduardo Chillidaren ikurra izango da euskal unibertsitate publikoaren zeinu nagusia.
Zure interesekoa izan daiteke
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira igandean Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.