Palestinara laguntza helarazteko ontzidiari babesa emateko ekintzak antolatu dituzte Euskadin eta Nafarroan
Helburua itsas korridore bat irekitzen saiatzea da, ahal den laguntza humanitario guztia sartu ahal izateko eta Gazan dauden eta herrialdea uzteko beharra duten pertsona guztiak atera ahal izateko. Lau euskal herritar joango dira Bartzelonatik abuztuaren 31n aterako diren ontzi horietan.
Global Sumud ontzidia babesteko hainbat ekintza antolatu dituzte Euskadin eta Nafarroan Palestinari laguntza adieraztea helburu duten euskal elkarteek. Ontzidiak Gazara joatea du helburu, laguntza humanitarioari Israelek jarritako blokeoa hausten saiatzeko asmoz. Nazioarteko ekimena da, eta hainbat herrialdetako ekintzaileek antolatu dute.
Testuinguru horretan, nazioarteko ekimen horrekin bat egiteko asmoz antolatutako ekintzak aurkeztu dituzte dozenaka pertsonak astelehen honetan Gasteizen, hala nola baraua, manifestazioak eta martxak.
Astelehen honetan bertan, bederatzi pertsonak itxialdia eta baraualdia hasiko dute Gasteizen, ostiralera arte, Palestinako herriari elkartasuna adierazteko helburuarekin. Arabako hiriburuan ere elkarretaratze bat egingo dute, Israeli babesa ematea leporatzen dioten supermerkatu baten aurrean, eta manifestazio bat, hilaren 29an.
Eusko Legebiltzarraren aurrean ere elkarretaratzea deitu dute astearte honetarako, Eusko Jaurlaritzari eskatzeko Israelekin eta "sionismo kriminalarekin" duen harreman oro eten dezala.
Ekimen horiekin batera, irailaren 6an itsas-lehorreko martxa bat egingo da Bilboko itsasadarrean, Santurtzitik Itsasmuseumeraino, Kantauri itsasotik Gazako gatazkarekin elkartasuna adierazteko.
Nafarroan, kolektibo horietako bozeramaileetako batek iragarri du "ekintza polit" bat antolatzen ari direla, irailaren 2an Arguedas eta Izaba lotuko dituen Txirrindulari Itzuliaren hamargarren etapa aitzakia hartuta; ziurrenik, Israelgo Premier Tech taldearen parte-hartzea salatzeko boikot-ekintza izango da.
Euskadi eta Nafarroako 50 bat gizarte mugimenduk babesa helarazi diote dagoeneko Global Sumud ontzidiari. Zehazki, 44 herrialdetako pertsonek osatutako ekimenak Gazako Zerrendan ezarritako blokeoa hausten saiatuko da. Horretarako, Bartzelonatik hainbat itsasontzi abiatuko dira datorren abuztuaren 31n. Horietan euskal kolektibo horietako lau pertsona ontziratuko dira, eta laguntzeko bi autobus aterako dira bezperan, Bilbotik eta Donostiatik, Gasteiz eta Iruñean geldialdia eginda.
Helburua itsas korridore humanitario bat irekitzen saiatzea da, ahalik eta laguntza humanitario gehien sar dadin eta Gazan dauden eta herrialdetik alde egiteko beharra duten pertsona guztiak atera daitezen. "Garrantzitsuena Gazara iristea da, sarraskia urteetan luzatu da eta", esan dute antolatzaileek.
Zure interesekoa izan daiteke
Haurreskolak Partzuergoak apirilaren 13an irekiko dute izena emateko epea, 8.940 plazarekin
Familiek eskabidea 'online' edo aurrez aurre aurkeztu ahal izango dute Haurreskolen sare publikoko edozein ikastetxetan. Izena emateko epea maiatzaren 4an amaituko da, eta behin betiko zerrendak ekainaren 26an argitaratuko dira.
Basauri eta Portugaleteko futbol taldeei ezarritako betoa kendu du Bizkaiko Arbitroen Batzordeak
Ohar batean Bizkaiko Arbitroen Batzordeak adierazi duenez, "egoera bideratutzat" eman dute, erasorik ez errepikatzeko klubek "neurriak hartzeko" konpromisoa hartu baitute. Ondorioz, Basauri Bea eta Portugaleteko hurrengo partidetarako epaileak izango dituzte. Hala ere, inplikatutako hirugarren taldearen (Berangoko Karabigane) gaineko betoak indarrean jarraituko du, klub hori ez baita arbitroekin harremanetan jarri.
19 urteko neska batek sexu-erasoa salatu du, Santurtzin
30 urteko ustezko erasotzailea atxilotu zuen Ertzaintzak eta ondoren aske utzi zuen epaileak. Udalak elkarretaratzea deitu du ostiral honetarako, 12:00etan.
Urtebetean 320.000 trafiko isun Euskadin, non egiten dira arau-hauste gehien?
AP-8 eta A-8 errepideetan izan ziren zigor gehien iaz, eta gehiegizko abiadura nagusitu zen arau-hausteen tipologiari dagokioenez.
Alzheimerraren aurkako tratamendu berriak ikertuko dituen teknologia kuantikoko lehen proiektua bultzatu du Euskadik
Alzheimerrari aurre egiteko jomuga terapeutiko berriak identifikatzen lagunduko du IBM Quantum superordenagailu kuantikoak. Ikerketa berritzaile horren buru Eusko Jaurlaritzako Osasun Saila da, Basque Quantum, Biobizkaia, Osakidetza eta IBM Cleveland Clinic erakundeekin lankidetzan.
Zelan eragingo du trafikoan Itzuliaren Galdakaoko etapak?
Etapa Galdakaotik abiatuko da eta bertan amaituko da. Lasterketak Busturialdea zeharkatu, Jatako igoera gainditu eta amaiera ikusgarria izango du Txorierrin.
Donostiako Apezpikutzak Koruko Andra Maria basilikan Tokischa rap-abeslariak grabatutako bideoa kentzeko eskatu du
Gotzaindegiak "sakonki deitoratzen du espazio sakratuak desegoki erabiltzea", eta "oihartzun erraldoia" izan duen edukia grabatzeko baimenik ez zuela eman azpimarratu du.
Apirilak 8, Ijito Herriaren Nazioarteko Eguna Euskal Herrian
Ijito Herriaren Nazioarteko Egunaren kari, hainbat ekimen eta elkateratze egiten dira urtero Euskal Herrian. Aurten, Otxarkoaga auzoan (Bilbo), ijitoen bandera margotu dute auzoko banku batean; lehena da EAEn.
Espetxera bidali dute Berrizen emaztea labankadaz larri zauritzeagatik atxilotutako gizona
Biktimak, 38 urteko emakumeak, zainketa intentsiboetako unitatean jarraitzen du. Arma zuriz eraso egin zion bikotekideak, familiak duen etxebizitzan bertan, eta lau seme-alaben aurrean. Emakumea Gurutzetako Ospitalera eraman zuten zauri larriekin, helikopteroz. Halaber, biktimaren alabetako bat, 15 urteko adingabea, arin zauritu zuen aitak.
HaurSare sortu da, haurren gaitz kroniko konplexuak eta zainketa aringarriak artatzeko Osakidetzaren sare integrala
Helburua da errealitate horri erantzun ordenatuagoa, bidezkoagoa eta eraginkorragoa ematea, gaixotasunaren faseetara eta adingabeen kasuan kasuko konplexutasun mailara egokituko den "etengabeko asistentzia" batekin. Horretarako, pediatrek, pediatriako erizain espezialistek, gizarte langileek eta psikologoek osatutako diziplina anitzeko taldeak egongo dira, eta 24/7 laguntza eskainiko dute.