Bertan behera geratu da Vueltako azken etapa, Madrilgo protesten ondorioz
Manifestariak ibilbideko azken kilometroan sartu dira eta errepidea erabat okupatu dute, etapa amaitzeko oraindik 56 kilometro falta zirenean. Pelotoia zenbaitetan gelditu ostean, lasterketako antolatzaileek etapa bertan behera uztea erabaki dute. 100.000 lagunek hartu dute parte protestetan, Gobernuak Madrilen duen ordezkariaren arabera.
Espainiako Vueltako 90. edizioak amaiera izan du helmugarako 56 kilometroren faltan. Izan ere, Palestinaren aldeko manifestazioek etapa azken kilometroetako errepidea hartu dute, azken etapa bertan behera uztera behartuz.
Esan bezala, azken kilometroan sortu dira poliziaren eta manifestarien arteko liskarrak, ibilbideko hesiak bota dituztenean. Orduan hasi dute manifestariek bat-bateko martxa bat, etapako ibilbidean zehar.
Lasterketa ez da Madrilgo hirira iritsi. Antolatzaileek pelotoiaren martxa gelditu behar izan dute, helmugatik 56 kilometrora zegoenean; alegia, Madrilgo sarreratik gertu.
Behin baino gehiagotan lasterketa neutralizatu ostean, eta helmugako albisteen aurrean, txirrindulariek bizikletatik jaitsi behar izan dute.
Antolatzaileek, protestak neutralizatzeko gai ez izanik, etapa bertan behera uztea erabaki dute, 2025eko Espainiako Itzulia ere amaitutzat emanez.
Francisco Martin Madrilgo Gobernuko ordezkariaren arabera, 100.000 manifestari atera dira igande honetan hiriburuko kaleetara.
Istiluetan, Polizia Nazionaleko 22 agente zauritu dira, jasotako hainbat kolpeengatik, polizia iturrien arabera. Hori dela eta, bi pertsona atxilotu dituzte, desordena publikoa egotzita.
Protestek amaiera eman diote Vuelta arraro, nahasi eta historiko bati, munduari bira eman dion aldarrikapen batekin. Aurrekaririk gabeko gertaera bihurtu da honako, eta auskalo beste kirol batzuetara hedatuko den ala ez.
Sarien banaketa
Lasterketarekin batera, Espainiako Vueltako sari banaketaren ekitaldia ere bertan behera geratu da. Txirrindulariak poliziaren babesarekin heldu dira taldeko ibilgailu eta hoteletara.
Urtero bezala, "irabazleen" ekitaldia Zibeles iturrian egin izan ohi da; alegia, Palestinaren aldeko manifestariz beteta egon den iturrian.
Madrilgo manifestazioak
Vuelta honetan, Palestina irabazle"
"Vuelta honetan, Palestina irabazle"
Palestinaren aldeko manifestazioak Madrilgo erdigunea hartu du. Palestinako banderak eskuan, manifestariek "Vuelta honetan, Palestina irabazle" eta "Ez da gerra bat, genozidioa baizik" oihukatu dute.
Gauera arte, protesta Zibeles iturri inguruan egon da. Bertan, manifestariek eserialdi baketsua egitea erabaki dute.
Erreakzio politikoak
Jose Luis Martinez-Almeida Madrilgo alkateak Pedro Sanchezi egotzi dio La Vuelta bertan behera uztearen erantzukizuna.
Almeidaren arabera, Sanchez da "indarkeriak kirola garaitu izanaren erantzule zuzena", Gazan giza eskubideen alde egindako adierazpenek protestei arnasa eman dietelako.
Horrekin batera, alkateak gogor kritikatu ditu Irene Montero, Pablo Iglesias, Yolanda Diaz eta Arnaldo Otegi, besteak beste, "Vuelta lehertzeko asmoz" jardun duten "ohiko susmagarriak" direlakoan.
Jose Luis Martinez-Almeida, Madrilgo alkatea
(Sanchez) da indarkeriak kirola garaitu izanaren erantzule zuzena"
Aldarrikapenak, lasterketako protagonistak
Vueltako lehenengo etapetan, normaltasuna zen nagusi. Piemonteko hasierak eta Frantziako etapek markatuko zuten aurtengo edizioa. Lasterketa normaltasunez biziko zela bazirudien ere, bosgarren etapatik aurrera gauzak erabat aldatu ziren, protagonistak ere aldatuz.
Izan ere, Figuereseko iritsiera mugarri izan da lasterketan. Hain zuzen ere, bertan eman zen lehen gertakari nabarmenena: manifestari talde batek taldeko erlojupekoa eten zuen, Israel-Premier Tech taldearen bidea ostopatuz.
Hurrengo etapetan, giro urduria baina gatazkarik gabekoa bizi zuen Vueltak, Euskal Herrira sartu arte. Bilbon amaitu zen hamaikagarren etapan protesten intentsitateak gora egin zuen. Helmugatik hiru kilometrora, etapa neutralizatu behar izan zuten On Diego Lopez Haroko kale nagusian ziren protesten ondorioz. Etapak ez zuen irabazlerik izan, esta denbora ofizialik ere.
Hala, hurrengo protesta handia 16. etapan izan zen; alegia, Mos Castro Hervilleko helmugan. Iritsiera 8 kilometro aurreratzeko erabakia hartu zuten antolatzaileek, segurtasun arrazoiak argudiatuta. Egun horretan, aldiz, irabazlea egon zen: Egan Bernal kolonbiarra.
Palestinako bandera eta protestak ohiko paisaia bihurtu dira lasterketa osoan zehar, irteeretan, helmugetan eta ibilbideko bazter guztietan. Testuinguru konplexu honetan, txirrindulariek Madrileraino abiatu dira, kirola eta aldarrikapenak ibilbide bera zeharkatuz.
Zure interesekoa izan daiteke
Urriaren 15eko grebaren ondorioz jaso ez duten soldataren zenbatekoa Gazako azpiegituretara bidera dezatela eskatu dute Nafarroako irakasleek
Hezkuntza kontseilariari eskatu diote lanuzteen ondoriozko soldatatik deskontatutako dirua UNRWAra bideratzeko, Palestinako hezkuntza azpiegiturak berreraikitzeko.
Auto-ilarak A-8 errepidean Bilbon, Donostiarako noranzkoan, hainbat autoren arteko istripuaren ondorioz
Istripua Zorrotzako bihurguneetan gertatu da 3 autoren artean eta gutxienez 2 pertsona zauritu dira. Auto-ilarak 4 kilometrokoak dira.
Furgoneta bateko gidaria larri zauritu da Zallan, tren batek ibilgailuaren kontra talka eginda
Istripuaren ondorioz, trena errailetik atera da, baina, dirudienez, bidaiarietako bat ere ez da zauritu.
Lanean ari zen ertzain batek positibo eman du droga proban, Ertzaintzaren autoarekin beste ibilgailu baten aurka talka egin ostean
Autoaren barruan, hanka igeltsatsuta zuen gizon bat (gidaria), haur bat eta emakume bat zeuden. Lehenengo biak Gurutzetako eta Basurtuko ospitaleetara eraman dituzte, zaurituta. Ertzaintzak kautelazko neurriak hartu ditu, eta agente horrek bulegoan egingo du lan kontranalisiaren emaitza jaso eta gertatutakoa argitu arte.
Gasteizko ikastetxe batean 12 urteko bi neskatok 6 urteko bati egindako sexu-eraso bat ikertzen ari dira
Adingabeen Fiskaltzak Arabako Foru Aldundira bidali du kasua, ustezko bi egileak inputaezinak direlako.
Emakume bat hil da Erriberrin, auto-istripuz
Gidatzen zuen autoak erdibidea pasatu eta kontrako norabidean zetorren kamioi baten aurka jo du. 41 urteko emakume donostiarra tokian bertan hil da, eta kamioiaren gidaria arin zauritu da.
Zergatik agertu da gripea goizago? Osakidetzako Epidemiologia buruak zalantzak argitu dizkigu
Pello Latasa Eusko Jaurlaritzako Osasun Saileko epidemiologia-zaintzarako buruak azaldu duenez, asteotako intzidentzia-kasuak sasoiko gripearen epidemiaren hasiera izan daitezke, edo epidemiaren gorakada "goiztiarra". Zepan datza aurtengo gripearen eraginaren gakoa.
Eta covidarekin zer? "Oraindik gure artean dago, baina bere zirkulazioa murriztu da"
Pello Latasa Eusko Jaurlaritzako Osasun Saileko zaintza epidemiologikoko buruaren esanetan, covidaren birusak gure artean jarraitzen du, baina "zirkulazio gutxi gorabehera egonkorra" izaten ari da.
Osakidetzak 7.500 bat iktus kasu artatu zituen 2024an, pazienteen erdiak baino gehiago 75 urtetik gorakoak ziren
Aurreko urteekin alderatuta kasuen kopurua apur bat jaitsi bada ere, daturik garrantzitsuena hilkortasunaren etengabeko murrizketa da, azken hamarkadan urteko % 2,8 puntuko batez besteko jaitsiera izan baitu.
Eskolak barrakoietan, etxebizitzak igogailu gabe... GOIDIaren osteko berreraikuntza motela
2024ko urriaren 29 hartan, goialdeko depresioak eragindako triskantzak Valentziako probintziaren zati handi bat hondatu zuten. GOIDIak bizitzak suntsitu zituen, etxeak, lokalak, zubiak, ehun herri baino gehiagotan. 300.000 lagun baino baino gehiago kaltetu zituen, eta azpiegituretako kalte ekonomikoa kalkulaezina da. Gaur egun, normaltasuna berreskuratu ezinik jarraitzen dute.