214 hautagaik bigarren itzuliari uko egin diote ultraeskuinaren gehiengo absolutua eragozten saiatzeko
Hainbat alderditako 200 hautagaik baino gehiagok uko egin diote Frantziako hauteskundeetako bigarren itzulian parte hartzeari, botoa sakabanatzea eragozteko eta Bilgune Nazionala (RN) eskuin muturreko indarrak gehiengo osoa lortzea saihesteko.
Hautagaitzak formalizatzeko epea gaur amaitu da, eta epea agortu ostean 218 hautagaik uko egin dute. Ondorioz, igandean erabakitzen diren 502 barrutietatik 91tan hiru hautagai lehiatuko dira, eta beste bitan lau.
Uko egite gehienak Elkarrekin Errepublika alderdiko, Emmanuel Macron presidentearen zentro-eskuineko aliantzako eta ezkerreko Fronte Popular Berriko (NFP) hautagaienak izan dira, barruti horietako bakoitzean aurkari bakarra izateko.
Gutxienez ezkerreko 130 hautagaik uko egin dute, 82 makronistak, eskuin tradizionaleko bik eta RNko hiruk (azken horiek hobeto kokatuta dagoen hurbileko hautagai bat babesteko).
Bigarren itzulian RNk gehiengo absolutua (289 diputatu) ez lortzea da helburua, joan den igandeko lehen itzulian alderdi ultraeskuindarrak eta bere aliatuek garaipen historikoa erdietsi ostean, botoen % 33,15 eskuratuta.
Hautagaitzak aurkezteko epea bi eguneko negoziazio gogorren ondoren itxi da, gorabehera askorekin; izan ere, makronismoaren sektore eskuindarreneko hainbat pertsona nabarmenek (Edouard Philippe lehen ministro ohiak edo Bruno Le Maire Ekonomia ministroak, esaterako) ez zuten Jean-Luc Melenchonen Frantzia Intsumisoko (LFI) hautagaien garaipena erraztu nahi.
Marine Le Pen Frantziako eskuin muturreko buruzagiak Emmanuel Macron presidenteari "administrazio-kolpe moduko bat" prestatzea leporatu dio gaur, Gobernura iritsiz gero eskuak libre izatea eragozteko, azken orduko dozenaka izendapen egingo dituela dioten "zurrumurruetan" oinarrituta.
Frantzian ezkerreko Fronte Popularra (NFP) osatzen duten alderdiek kontraesanetan erortzea leporatu diote Macronen alderdiari, bigarren itzulian ultraeskuinari mesede egingo diotenak.
Ipar Euskal Herrian, bi barrutitan hiruna hautagaitza
Ipar Euskal Herrian, azken orduko ezustekorik ezean, bi barrutitan (laugarrenean eta seigarrenean) hiruna hautagaitza izango dira. Soilik bakarrean, bosgarren barrutian, erretiratu da Lasserre macronista.
Horrelaa, Florence Lasserre Ensemble koalizioko hautagaia ez da Frantziako Asanblea Nazionalerako bozen bigarren itzulian aurkeztuko, Pirinio Atlantikoetako bosgarren barrutian. Emmanuel Macron presidentearen deiari erantzunez, diputatu zentristak hautagaitza atzera bota du, eta ezkerraren eta eskuin muturraren aukerak besterik ez dira egongo Baionako barrutian.
Laserrek boten % 26 bildu zituen lehen itzulian, eta baldintza guztiak betetzen zituen bigarren itzulian egoteko, Fronte Popular Berriko Colette Capdevielleren (% 32) eta RN Batasun Nazionaleko Serge Rossoren (% 27) atzetik. Hala ere, ultraeskuinaren garaipena saihesteko helburuarekin, atzera egitea erabaki du, edozein kasutan, botoa emateko kontsignarik eman gabe.
Ipar Euskal Herriko beste bi barrutietan ere hiruna hautagai lortu zuten bigarren itzulian egoteko eskubidea. Seigarren barrutian, Lapurdiko kostaldekoa, Peio Dufau ezkertiarrak irabazi zuen (% 29), eta Ensemble koalizioko Christian Deveze bigarren izan zen (% 26). Dufauk ohartarazi zuenez, Macronen hautagaitza mantentzen bada, hirugarren postuan dagoen Victor Lastecoueres ultraeskuindarra (% 25) gailentzeko "arriskua" dago.
Bestelakoa da egoera laugarren barrutian, barnealdean. Hor ere ezkerreko hautagaia gailendu zen (Iñaki Etxaniz, % 38), eta bigarren bozkatuena RNko Sylviane Lopez (% 25) izan zen. Jean Lasalle eskuindarra izan zen hirugarrena, % 18rekin.
Zure interesekoa izan daiteke
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.