Ali Jamenei, Irango Errepublika Islamikoko buruzagi gorena, erasoetan hil den "zantzu asko" daudela esan du Netanyahuk
"Jameneik bizirik jarraitzen ez duen zantzu asko daude", ziurtatu du Israelgo lehen ministroak, AEBek eta Israelek Irango Errepublika Islamikoaren aurka larunbat honetan egindako erasoen ostean.
Ali Jamenei aiatola, Irango Errepublika Islamikoko buruzagi gorena, AEBk eta Israelek larunbat honetan egindako erasoetan hil den zantzu asko daudela esan du Benjamin Netanyahu Israelgo lehen ministroak.
"Jameneik bizirik jarraitzen ez duela adierazten duten zantzu asko daude", esan du Israelgo lehen ministroak Israelgo herritarrei zuzendutako adierazpen batean. Azaldu duenez, hasierako erasoaren helburua Irango buruzagi gorena zegoen tokia izan da. "Israel suntsitzeko plana ez da existitzen jada. Eta tiranoak existitzeari utzi diola adierazten duten zantzuak ugaritzen ari dira", azpimarratu du Netanyahuk.
Israelgo lehen ministroak "tiranotzat" jo du Jamenei, "terrorismoa" mundu osoan zehar sustatzea eta Israel suntsitzeko planen atzean egotea egotzita. Israelgo lehen ministroak azpimarratu duenez, asmo horiek erabat zapuztu dituzte AEBrekin eskuz esku egindako erasoekin.
Larunbat honetako erasoan Irango programa nuklearrean zerikusia duten "buruzagi nagusietako batzuk" hil dituzte, Netanyahuren hitzetan. Halaber, Tel Avivek "erregimenaren hainbat helbururi" erasotzen jarraituko duela adierazi du.
Irango herritarrei igorritako mezu batean adierazi duenez, erregimena erorarazteko "aukera" handia dago, eta "bere unea" izango du kaleetara ateratzeko eta Errepublika Islamikoa boteretik kentzeko "lana amaitzeko".
Israelgo Armadak iragarri du Irango erregimeneko zazpi goi-kargudun hil dituztela, tartean Aziz Nasirzadeh Defentsa ministroa eta Mohamed Pakpur Guardia Iraultzaileko komandantea.
Bestalde, Donald Trump AEBko presidenteak adierazi du balitekeela Jamenei hil egin izana: "Zuzena dela uste dugu", adierazi du agintariak NBC News telebista katean, Irango buruzagiaren ustezko heriotzaren inguruan galdetu diotenean.
Trumpek adierazi duenez, "Irango buruzagi asko" Israelekin batera egindako erasoan hil dira. Nabarmendu duenez, AEBk eta Israelek Iranen aurka egindako erasoa "oso ondo doa2, eta ekintza armatua denboran luzatu daitekeela gaineratu du. "Nahi adina denbora, egia esan".
"Luza dezaket eta guztiaren kontrola hartu, edo bizpahiru egunetan amaitu eta irandarrei esan: 'Urte batzuk barru ikusiko dugu elkar berriz ere, programa nuklearrak eta misilak dagokion moduan lantzen hasten badira'", gaineratu du.
AEBk Irango instalazio militarren aurka egin du eraso, eta Israel, berriz, Irango erregimeneko botere guneei erasotzen ari da.
Testuinguru horretan, Jameneiren gertukoek diote bizirik dagoela, eta AEBk eta Israelek egindako eraso masiboari erantzuna zuzentzen ari dela, Tasnim eta Fars Irango albiste agentziak zabaldu dutenez.
Zure interesekoa izan daiteke
Ukrainak eta Errusiak hiru egunez etengo dituzte erasoak, AEBko ordezkaritzaren bisita amaitu arte
AEBko ordezkariak, Steve Witkoff eta Jared Kushner, larunbat goizean iritsi dira Moskura, AEBko hegazkin militar berezi batean. Kremlinekin harremanetan jartzea eta, aurreikuspenen arabera, Ukrainako gerrari amaiera emateko proposamen bat aurkeztea dute helburu.
Nolakoa da NBEk planteatzen duen munduko mapa berria?
Nazio Batuen Erakundearen Batzar Nagusiak erabaki du mapamundiaren egungo diseinua erabiltzeari uztea kontinenteen tamainarekiko leialagoa den beste bat erabiltzen hasteko. Mapa berrian, adibidez, Afrika handiagoa izango litzateke.
Bizirik erreskatatu dituzte Nepalgo tunel batean harrapatuta geratu ziren bi langile, eta bizirik gehiago daudela esan dute
Uholdeak gertatu eta hamar egunera, bi gizonak tunelaren sarreratik 170 metrora aurkitu dituzte, erreskate taldeek barrutik zetozen ahotsak entzun ostean. Familien ustez, "miraria" izan da.
Mileik zigorrak iragarri ditu Malvinetan lan egiten duten enpresentzat eta base militar berri bat Suaren Lurraldean
Argentinako presidenteak artxipelagoaren inguruko estrategia gogortu du, eta Donald Trumpek gai horretan AEBren orain arteko neutraltasuna berrikustea proposatu du; Erresuma Batuak, bere aldetik, berretsi du uhartedi horrekin duen konpromisoa "erabatekoa eta mugiezina" dela.
Gloria Steinem ikono feminista hil da, 92 urte zituela
Idazle eta kazetariak bularreko minbizia izan zuen 80ko hamarkadan, eta 2021ean Komunikazio eta Giza Zientzien Asturiasko Printzesa Saria irabazi zuen Espainian.
Nepal, astebete geroago: 1.250 hildako eta 4.200 lagun baino gehiago agertu barik
Nepalgo Poliziak odol eta DNA laginak eskatu dizkie desagertuen senideei, ehunka gorpu identifikatzeko.
Von der Leyenek eta Ruttek "presio handiagoa" egingo diote Moskuri Leipzigeko erasoaren ostean
Europako Batzordearen presidenteak uste du horrelako gertakariak "normaltasun berria" direla, eta europarrek "aurrerapausoa ematea" eskatzen dutela.
Zelenskik ohartarazi du Errusiako aire-espazioa "oso arriskutsua" dela hegazkinentzat
Ukrainako presidenteak adierazi du Errusiako aire-espazioa de facto itxiko dela; izan ere, drone bidezko erasoak areagotu egin dira eta ezin da segurtasuna bermatu. Bien bitartean, hogeita zazpiak eguerdian bilduko dira erantzun bateratu bila, Moskuk Alemaniako aireportu batean atzo egindako "sabotaje-saiakera" dela eta.
Bruselaren arabera, ez dago frogarik Ceutako krisia atzerriko aktore estatalen desinformazioak eragin zuela ziurtatzeko
Hala ere, Errusiak sare sozialetan krisia dela eta probetxua ateratzeko saiakerak egin dituela atzeman duela baieztatu du erakundeak.
Alemaniak Errusia jo du Leipzigeko aireportuaren aurkako erasoaren erantzuletzat
Aireportu hori armak bidaltzeko gune neuralgikoa da, Ukrainako gerrarekin lotutakoak barne.