Hotzak hartuko du Gabon gaua, Eguberri izoztu baten atarian
Euria eta tenperaturen beherakada izango dira protagonista Euskal Herriko Gabon gauean. Bide berean izango dugu Eguberria: hotza, izotzaldia eta elurra kota baxuetan.
Euskal Herriak negu garaiko Gabon gaua biziko du: giro hotza, zeru estaliak eta euria protagonista; batez ere, arratsaldetik aurrera.
Goizean zehar euri meheak izango ditugun arren, egunak aurrera egin ahala prezipitazioak orokortu egingo dira, eta Bizkaira eta Gipuzkoara ez ezik, Arabara, Nafarroako erdialdera eta Ipar Euskal Herrira ere iritsiko dira.
Tenperaturari dagokionez, arratsaldean eta gauen nabarituko da gehienbat tenperatura beherakada. Haizeak aire-masa hotza ekarriko du. Horrek tenperaturak pixkanaka jaistea eragingo du, eta elur-kota 1 000 metrotik beherakoa izango da.
Eguberriak ere , abenduaren 25ak, hotza izango du protagonista. Tenperatura maximoak neguko balio baxuetan mugituko dira eta izotzaldia izango dugu barnealdeko eremu zabaletan.
Goizean prezipitazio txikia ekarriko du egunak. Beraz, 500-600 metrotik gora elurra ere egin dezake, baina malutaren bat kota baxuagoetan ere bota dezake. Hala ere, prezipitazio eskasak zaildu egingo du elurra egonkortzea.
Ostiralean, abenduak 26, ordea, eguraldiak egonkortzeko joera hartuko du. Ebroko haranak eta Nafarroako ekialdeak zeru oso hodeitsuekin eta prezipitazio txiki batzuekin jarraituko dute; Kantauri isurialdean, berriz, hodeiak eta ostarteak tartekatuko dira, eta zerua irekiagoa izango da kostaldean eta mendebaldean.
Tenperatura maximoak apur bat igoko dira, naiz eta minimoek baxuak izaten jarraituko dute. Gainera, barnealdean izotza izango dugu. Elur-kota 1.000 metrotik gorakoa izango da, eta ekialdeko haizeak ahul joko du.
Horrenbestez, Eguberri hasiera hotza eta neguko giroa izango dugu Euskal Herri osoan. Gabon gaua euritsua eta Eguberrian, batez ere barnealdean, neguak jada lekukoa hartu du.
Zure interesekoa izan daiteke
121 kilometro orduko haize-boladak erregistratu dira Matxitxakon
Giro ezegonkorra eta olatu handiak, asteburuko protagonistak. Ipar Euskal Herrian alerta laranja ezarri dute euriagatik, eta abisu hori ugari daude itsasaldeko arriskuagatik, haizeagatik eta elurteengatik Pirinioetan.
Haizea eta euria, asteburuko protagonistak
Abisua larunbatera arte egongo da indarrean; orduan, itsasgorarekin batera, baliteke bost metroko olatuak altxatzea.
Abisu horia ezarri dute EAEko kostaldean, bost metrorainoko olatuak altxatu eta 100 km/h-ko haize-ufadak egingo dituelako
Abisua ostegun gauetik larunbatera arte egongo da indarrean; orduan, itsasgorarekin batera, baliteke bost metroko olatuak altxatzea.
Joseph ekaitzak Ingriden lekua hartu du eta 156 km/h-ko haize boladak izan dira
Abisu horian izan gara gauean eta oso bolada gogorrak eta euriteak izan dira goizaldean. Gipuzkoa da abisutik kanpo geratu den lurralde bakarra.
Albiste izango dira: Ingrid ekaitzak baretzera egin du, Sanchez eta Pradalesen arteko biharko bilera eta tentsioa gora, Minneapolisen
Gaurkoan Orain-en albiste izango direnen laburpena, bi hitzetan.
"Ingrid" ekaitzak indarra galdu du, baina 5,7 metrorainoko olatuak eta 146 km/h-ko haize-boladak utzi ditu
Ingrid ekaitzak indarra galdu du, itsaso zakarrra eta haize-bolada gogorrak utzi ostean. 06:00etan abisu eta alerta guztiak bertan behera geratu dira, baina gauean haizeak gogor jo du.
Gogotik astindu du Ingrid ekaitzak euskal kostaldea: 145 km/h-ko ufadak neurtu dira Matxitxakon (Bermeo)
Gauerdian amaituko da haizegatik alerta laranja eta abisu horia izango da astelehenean. Itsasaldeko arriskuagatik ezarritako alerta laranja, berriz, asteleheneko 06:00ak arte egongo da indarrean.
Ingrid ekaitzak euria, elurra eta haize-bolada indartsuak utzi ditu Estatuan
Lanzaroten, larrialdi zerbitzuek hiru gazte estatubatuar erreskatatu dituzte, eta laugarren baten bila ari dira uretan, itsasora erori ostean.
120 km/h-tik gorako ufadak egon daitezkeela eta, alerta laranja iganderako Bizkaiko eta Gipuzkoako haizeguneetan
Nabigaziorako itsasaldeko arriskuagatik ere alerta laranja indarrean izango da. Zarautzen ez da Sagardo Egunik izango eta Donostian parkeak itxi dituzte. Getxon, krisi mahaia bilduko da igande honetan.
Ingrid ekaitza: arreta elurragatik, haizeagatik eta olatuengatik asteburu honetan Euskal Herrian
Agintariek hainbat abisu iragarri dituzte egunotarako; nabigazio arriskua, kostaldeko inpaktua, elurteak eta haize-bolada indartsuak direla eta. Ildo horretatik, arreta handiz ibiltzeko eskatu diete herritarrei, batez ere joan-etorrietan.