"Durangoko Azoka ez da saltoki erraldoi bat soilik, egun osorako plana eskaintzen du"
Beñat Gaztelurrutia Durangoko Azoka antolatzen duen Gerediaga Elkartearen koordinatzaileak azokan "egun osoko plana" egitera gonbidatu ditu herritarrak, azoka ez delako "saltoki handi bat soilik".
Radio Euskadin egindako elkarrizketa batean azaldu duenez, "guztia" dute antolatuta, eta "muntaiari azken ukituak" ematen ari zaizkio Durangoko Azokaren 58. edizioak abenduaren 6an, 10:00etan, ateak ireki ditzan.
265 ekitaldi, 900 literatur berritasun, 260 erakusleiho eta abarrekin, Gaztelurrutiak esan du euskal kultur ekoizpena "oso handia" dela "hain komunitate txikia izanda", eta "hartzaileak" falta zaizkiola. Horren harira, azpimarratu du "euskara geroz eta gehiago erabili, orduan eta hartzaile gehiago" izango dituela euskal kulturak.
Hala eta guztiz ere, argitu du azoka ez dagoela publiko euskaldunari bakarrik zuzenduta, eta azpimarratu du eskaintzaren "aniztasunak publiko guztientzako" ekitaldi bihurtzen duela.
Gaztelurrutiak ekitaldiaren egitarau zabala azpimarratu du, dena ez baita liburu, disko eta bestelakoen dendara mugatzen. Horregatik, bertara joatekoak direnei aholkatu die egitaraua aztertzea eta "plana aurrez pentsatzea eremu batetik bestera ibiltzeko".
Gerediaga Elkartearen koordinatzaileak gogorarazi duenez, aurten ez da online dendarik egongo, egiaztatu egin dutelako jendeak nahiago duela azokara joan, nahiz eta ez duen baztertu datozen edizioetan zerbitzua berriro eskaintzea.
Azkenik, Gaztelurrutiak azaldu du azken urteetan indartu egin dutela elkarlana Durangoko Arte eta Historia Museoarekin, eta aurten hil berri den Agustin Ibarrolaren erakusketa bat ikusi ahalko dela. Gainera, eta xehetasunetan sartu gabe, iragarri du datorren urterako "euskal artista handi baten erakusketa" prestatzen ari direla haren jaiotzaren 100. urteurrena baliatuz (Nestor Basterretxea?).
Zure interesekoa izan daiteke
Alex de la Iglesia animazioan murgilduko da, Lovecraft idazlearen obran inspiratuta
'Ages of Madness: The Howling of the Jinn' goiburua hartuko du pelikulak, eta 'Necronomicon' idazle estatubatuarraren fikzioko liburuan oinarrituko da. Garai eta toki ezberdinetan kokatutako hainbat istorio harilkatuko ditu.
Aurora Beltranek Vianako Printzea Kulturaren Saria jaso du
Aurora Beltran abeslari nafarrak jaso du gaur 2026ko Vianako Printzea Kulturaren Saria, Los Arcosen, "hegan egin nahi izan duten eta, agian, ezin izan duten edo utzi ez dieten emakume guztiei eskainita".
Sortzaile, ekoizle eta plataformak batuko ditu Podcast Geltokia jaialdiak
Ostegunetik, hilak 28, hasita, Tabakalera Donostiako zentroak Podcats Geltokia audioaren jaialdiaren lehen edizioa hartuko du. Hiru egunez, audioaren munduan lanean ari diren eragileak bilduko ditu Tabakalerak eta EITBk bultzatu duten topaguneak.
Iruñeko Katedralak Valentinoren 25 pieza ezezagun ditu ikusgai
'Indito Valentino' erakusketak diseinatzaile italiarraren goi-mailako 25 pieza ezezagun bildu ditu lehen aldiz Iruñeko Katedralean. Inoiz erakutsi ez den bilduma baten parte dira lanak, eta Valentinoren nortasun-ezaugarri ezagunenetako batzuk erakusten dituzte eta erakusketa ekainaren 21era arte egongo da ikusgai.
GetxoPhoto jaialdia ostegunean hasiko da, "RESET" lelopean
20 urte beteko dituen honetan, GetxoPhoto jaialdia ostegunean hasiko da, ekainaren 21era arte, "RESET" izenburupean. Antolatu dituzten 23 erakusketetatik laurdena baino gehiago Punta Begoñan egongo dira. Ereagako pasealekua eta Algortako merkatua izango dira beste bi gune garrantzitsuak, eta azken horretan egingo dute urtebetetze festa. 233 argazki, 44 herrialde eta sistema berrabiarazteko gonbita edizio honetan.
Musika proiektuei bideratuko diete Durangoko Azokaren Sormen Beka aurten
Euskarri fisiko zein digitalean bi lan baino gutxiago argitaratu dituztenek hartu ahalko dute parte deialdian, irailaren 21a baino lehen. 15.000 euroz lagundutako lana euskarazkoa izango da, hitzik badauka, eta 2027ko Durangoko Azokan aurkeztuko da emaitza.
"Fantasia eta arrazoia": Goyaren artelan handiak biltzen dituen erakusketa, Arte Ederren Gasteizko Museoan
Gerraren hondamenak, Tauromakia, Burugabekeriak eta Kapritxoak dira, besteak beste, Francisco de Goyaren lau sail nagusietakoak. Erakusketa 2027ko otsailera bitarte egongo da Arte Ederren Gasteizko Museoan. Bestetik, Donostiako San Telmo museoan Goya protagonista duen erakusketa bat dago.
Ziburuko Euskal Liburu eta Disko Azokak “arnas-unea eta sorkuntzaren plaza” irekiko ditu
Ekainaren 6an, Euskal Liburu eta Disko Azoka egingo da Lapurdiko udalerrian, zazpigarrenez, Baltsan elkartearen eta Argia komunikabidearen ekimenez. Beñat Oihartzabal hizkuntzalaria omenduko dute.
Esther Ferrerrek jasoko du Eusko Ikaskuntza-Laboral Kutxa Humanitateak, Kultura, Arteak eta Gizarte Zientzien Saria
Donostiar artistaren “nazioarteko proiekzioa eta arte garaikidearen berrikuntzan egindako ekarpen erabakigarriak” aitortu ditu sariaren epaimahaiak. Uztailean emango diote golardoa, Maddi Alberdi San Martin Eusko Ikaskuntza-Laboral Kutxa Gazte Sariaren irabazleari bezala.
Alejandro Gonzalez Iñarrituren hitzaldia astelehenean BBK Aretoan, 'Carne y Arena' erakusketaren inguruko jardueren barruan
Hitzaldia 19:00etan izango da, eta sarrerak eskuragarri daude jada, doan. Mexiko eta AEB arteko mugako migratzaileen eta errefuxiatuen esperientzia eta testigantzetan oinarritutako 'Carne y Arena' murgiltze esperientzia EITBko 5. platoan dago ikusgai martxoaren 16tik ekainaren 20ra arte.