Jendetza, salmenta onak eta gazteen parte-hartze nabarmena, Durangoko Azokaren 58. edizioan
Gustura daude Durangoko Azokako antolatzaileak. Jendetza hurbildu da Landakora abenduaren 6an ateak ireki zituenetik, eta aho zapore onarekin eman diote amaiera, bost egun geroago, aurtengo edizioari.
Kulturzaleen parte-hartzea nabarmentzekoa izan dela adierazi dute Gerediaga Elkartetik, eta ez Landakon bakarrik, baita azokaren inguru guztietan ere.
Talaia, Ahotsenea, Irudienea, Kabia, Saguganbara eta Szenatokia guneek harrera bikaina izan dute, eta bertan egin diren 265 ekitaldietatik gehienak beteta egon dira.
Antolatzaileak oraindik datuak zenbatzen hasi ez bada ere, gazteen presentzia azpimarratu nahi izan dute aurtengo edizioaren balorazioa egiteko orduan. "Azoka gaztea" izan da, komunikabideetara bidalitako oharrean nabarmendu dutenez: "Aurkezpenak jarraitzen eta erakusmahaietan kuxkuxeatzen ikusi ditugu egunero, eta zer esanik ez abenduaren 8ko jardunaldian, eurei eskainitako Gazte Eztanda egunean".
Gerediaga Elkarteak berretsi du "euskararen eta euskal kulturaren transmisioan ekarpena" egingo dutela aurrerantzean ere, eta, zentzu horretan, "aurtengo azokak zeregin horretan jarraitzeko indarra" ekarri duela.
Salmenta onak
Antolatzaileek zein azokako partaideak gustura daude salmentekin. Denetarik eta ondo saldu dela nabarmendu dute, baina bereziki aipatu dute "gizarte gaiak eta emozioen lanketa jorratzen dituzten liburuen bila" etorri direla gazte asko.
Musikaren alorrean, talde ezagunek jendetza erakarri dute, ilara luzeak izan dira horietako batzuen sinadurak lortzeko (Zetak, Bulego, ETS, Izaro...), eta, bitxikeria gisa, zenbait kasutan, biniloek CDek baino arrakasta handiagoa izan dute.
Bestalde, atari digitalak 60.000 bisita izan ditu lehen lau egunetan, eta Durangon, aparkalekuetatik Landakora jendea hurbiltzeko autobusetan, 5.000 lagun ibili dira.
"Zu non, han DA!" ekimena, astelehenetik aurrera Euskal Herriko 88 liburu dendatan
Durangoko Azokaren olatuari jarraipena emanez, bihartik aurrera "Zu non, han DA!" ekimena garatuko da Euskal Herriko 88 liburu dendatan. Azokako nobedadeak ezagutu ahalko dira bertan, eta 27 aurkezpen egingo dira abenduaren 20ra bitartean.
Horrez gain, datorren urterako hitzordua jarri dute jada. Hala, 2024ko abenduaren 5etik 8ra egingo da Durangoko Azokaren 59. edizioa.
Zure interesekoa izan daiteke
"RESET" izango da Getxophotoren 20. urteurrenaren leloa, maiatzaren 28tik ekainaren 21era
Urteurrena ospatu, jaialdia birpentsatu, eta berrabiatu: horiek dira RESET 20. edizioaren helburuak. Ekimenen artean, 20 urteotako historia biltzen duen artxibo digitala, Alejandro Acinen El último lunes erakusketa eta aurreko edizioetako 7 proiektu berreskuratuta, begi berriz aurkezteko. Horrez gain, Portu Zaharreko Sirenoarekin photocalla antolatuko dute: izaera hibridoko pertsonaiaren agurra izango da.
Urrats historikoa eman du euskal ikus-entzunezkoen sektoreak: Zinemaren Akademia eratuko du
Etorkizuneko akademia espazio "inklusiboa eta anitza" izatea nahi dute, sektorearen garapena bultzatzeko balioko duena. Euskal Herriko 150 profesionalen baino gehiagoren babesa du ekimenak.
Euskal artea Veneziara itzuliko da 50 urte geroago
1976an, Franco hil eta urtebetera, Bienalak lekua egin zion euskal artistek bultzatutako programari, eta maiatzaren 6tik 8ra “I Baschi alla Biennale 1976/2026” programa instituzional, akademiko eta artistikoa garatuko dut Italiako hirian Eusko Jaurlaritzak eta hainbat aditu eta artistak.
Ikus-entzunezkoen euskal sektorea zinema akademia propio bat eratzeko aukera lantzen hasi da
Sektoreak aitortu du apirilaren 23rako dutela hitzordua jarrita, gogoeta prozesuari ekiteko. Nolanahi ere, "topaketa itxia eta erabat profesionala" izango dela argi utzi dute, eta horregatik, prozesua "errespetatzeko" eskatu diete komunikabideei. "Kanpoko dinamikek" ekimena "baldintzatzea" saihestu nahi dute.
Gero Axular Dantza Taldeak "Agoteak" lana estreinatuko du
90 minutuko ikuskizunean, 90 dantzarik 24 koreografia interpretatuko dituzte. "Gizarte irekiago, askatzaileago eta errespetutsuago baten aldeko aldarria" da lana, dantza taldeak azaldu duenez, eta apirilaren 19an estreinatuko dute, Victoria Eugenian.
Alejandro G. Iñarritu: "Bilbon egotea benetan sinbolikoa da niretzat"
Hotz zaplada batez hartzen du bisitaria, EITBren Bilboko egoitzaren 5. platoan, “Carne y arena” Alejandro Gonzalez Iñarritu mexikar zuzendariak sortutako errealitate birtualeko “esperientziak”.
Ura Bere Bidean jaialdiak hirugarren emanaldi bat izango du urriaren 22an
Aurresalmentan urriaren 23ko eta 24ko emanaldietarako sarrerak agortu ondoren, antolatzaileek hirugarren bat gehitzea erabaki dute, urriaren 22an, osteguna. Besteak beste, Olaia Inziartek, Eñaut Elorrietak, Zea Maysek edota Pantxoa eta Peiok hartuko dute parte aurtengo edizioan.
Korrontzik BECen amaituko du nazioartean egingo duen 50 kontzertuko birari
BECeko kontzertua "Mundua Dantzan" biraren amaiera izango da. Hain zuzen ere, 50 kontzertuko bira izango da, eta, besteak beste, Malaysia, Kanada eta Txekia Errepublikara iritsiko da.
Iñaki Viñespre: "Egia esan, espero nuen besteak gainetik egotea, oso saio ona egin baitzuten bost bertsolariek"
Lehenengo aldiz prestatuko da Euskal Herriko txapelketarako, eta txapela urruti duela uste badu ere, ahalik eta lanik txukunena egiten saiatuko dela esan du Arabako txapeldunak.
Bengoetxeak "begirada aldaketa" eskatu dio Gobernuari, 'Guernica' Euskadira ekartzeko
Guernica Picassoren koadroa Euskadira lekualdatzeko aukerak teknikoki aztertzeko eskatu du Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak "Egun on Euskadi" saioan egin dioten elkarrizketan.