Frankismoaren kereila oztopatzea egotzi dio Legebiltzarrak Madrili
Eusko Legebiltzarrak Espainiako Gobernuaren oztopoak salatu ditu frankismoko krimenak ikertzeko Argentina abian jarritako kereilaren harira, eta giza eskubideen nazioarteko arauak errespetatzeko eskatu dio.
EAJ, EH Bildu eta PSE-EE izan dira ekimenaren sustatzaileak eta alde bozkatu dute, UPyD abstenitu egin da, eta PPk kontra bozkatu du, Espainiako Gobernuak 1976ko Amnistia Legean oinarrituta jokatzen duela iritzita.
Maria Servini epaileak zuzentzen duen frankismoko krimenen kontrako kereila argentinarrean 19 pertsona daude auzipetuta, Martin Villa ministro ohia tartean, martxoaren 3an Gasteizen Poliziak hil zituen bost lagunengatik.
Onartutako testuan, Legebiltzarrak Espainiako Gobernuaren "oztopoak eta atzerapenak" salatu ditu, ez diolako jaramonik egin Servinik 2014an auzipetuak atxilotzeko emandako agindua bete, eta ez dituelako auzipetuak deklaratzera behartu.
Era berean, Legebiltzarrak elkartasuna adierazi die kolpe militar eta diktadura frankistaren biktimei, eta Espainiako Gobernuari giza eskubideen nazioarteko arauak errespetatzeko deia egin dio, horietan oinarrituta egin baitu kereila Servinik.
Iñigo Iturratek (EAJ) kritikatu du Estatuak 1976ko Amnistia Legera jotzen duela diktadurako biktimen konponketa ez jorratzeko, eta ohartarazi du "egia ezkutatzea" ez dela egokia, "ongi amaitzen ez diren doluak atera egiten baitira".
EH Bildutik, Julen Arzuagak kritikatu du "Estatua puntu eta amaierako lege baten atzean ezkutatzen" dela, "gizateriaren kontrako krimenen" ikerketa galarazteko.
Mikel Unzalu PSE-EEko kideak nazioarteko legediak Espainiakoa gainditzen duela defendatu du eta, beraz, Espainiako Gobernuak Argentinako epailearekin kolaboratu beharko lukeela.
Carmelo Barrio PPkoak azpimarratu du Espainiako Gobernuak Amnistia Legea errespetatzen jokatzen duela; horregatik, "legea betetzeagatik" Gobernua salatzen duen ekimenaren kontra agertu da.
Azkenik, Gorka Maneirok (UPyD) frankismoa gaitzetsi du, baina "interes alderdikoiengatik ezinikusiak elikatzen" dituztenak kritikatu ditu.
Zure interesekoa izan daiteke
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.
EAJk irabaziko lituzke foru hauteskundeak Bizkaian, batzarkide bat gehiago lortuta, eta EH Bilduk bat edo bi irabaziko lituzke
Sozialistek eta popularrek ahaldun bat galduko lukete, eta Elkarrekin Podemos eta Voxek, bat ere ez edo bat izango lukete. Sumarrek ez luke ordezkaritzarik lortuko.