PP eta PSOE gertuago, bien arteko elkarrizketa normalizatu ostean
Mariano Rajoy Espainiako jarduneko presidenteak ostiral honetan azaldu duenez, PP eta PSOE alderdien arteko harremana ohikotasunera itzuli da. Rajoyk, Javier Fernandez PSOEko batzorde kudeaketaren presidentearekin izandako elkarrizketa baten ostean egin ditu adierazpen horiek.
Javier Fernandez berak azaldu du Rajoyrekin atzo hitz egin zuela, Alderdi Popularreko kide batzuk azken egunotan egin dituzten adierazpenak argitzeko. Fernandezen arabera, PPko kideek Rajoyren inbestidura erraztea eta Gobernuari egonkortasuna ematea eskatu zieten sozialistei.
Alde horretatik, Rajoyren inbestidura saioan sozialista guztiek zer bozkatuko duten erabaki behar dutela ziurtatu du Fernandezek, hauteskundeak hirugarrenez egin ez daitezen eta legealdia ahalik eta lasterren martxan jar dadin.
“PSOEk ez dio gobernagarritasuna emango Alderdi Popularrari. Rajoyk bere gobernua sortzea lortuko balu, egonkortasuna astero edo egunez egun bilatu beharko luke, gutxiengoa duen gobernu batek egin beharko lukeen moduan”, nabarmendu du Fernandezek.
Sozialisten erabakia
PSOEren batzorde kudeaketaren presidenteak azaldu duenez, sozialisten erabakia Batzorde Federalaren esku egongo da. Inbestiduran zein jarrera hartu bere kasa erabaki edota militanteen gehiengo batek babestutako aukeraren alde egitea erabaki lezake, Fernandezen hitzetan. Dena den, Rajoyren inbestidura hipotetiko batean, sozialista guztiek erabakia errespetatuko luketela adierazi du Fernandezek.
“Ziur nago Diputatuen Kongresuan dauden kideak Batzorde Exekutiboan hartzen dugun erabakiarekin bat egingo dutela eta alderdiaren diziplina errespetatuko dutela”, erantzun dio Fernandezek kazetari bati.
Horren esanetan, oraindik ez dakite noiz osatuko den Batzorde Exekutiboa, baina Rajoyen inbestiduran sozialistek izango duten jarrera bertan hartutako erabakiaren esku egongo da.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.