Bikote bat jo dute Bilbon, pintaketak egitea gaitzesteagatik
Norbanako batzuek bikote bat kolpatu dute larunbat honetan Bilboko Zazpikaleetan. Bikoteak aurretik norbanako horiei "bertako hormak kartelez eta pintaketez zikintzen ibiltzea" aurpegiratu die.
Segurtasun sailak eta Bilboko Udalak jakitera eman dutenez, gertaera goizeko 11:00ak aldera jazo da, Belostikale kalean.
Une horretan, alabarekin batera beren ataritik ateratzen ari zen bikote batek fatxadan pintaketak egiten ari ziren pertsona batzuekin egin du topo, eta gaitzetsi egin die jarrera hori. Horren aurrean, norbanakoetako batek ukabilkada bat eman dio bikoteko bati.
Erreakzioak
Gertatutakoaren aurrean hainbat erreakzio egon dira. Bere iritzia plazaratzen lehena Juan Maria Aburto Bilboko alkatea izan da. Erabateko gaitzespena agertu du gertakariagatik, eta "elkartasuna" azaldu die erasoa jasan dutenei. Gaineratu duenez, Udaltzaingoa lanean ari da erasotzaileak identifikatzeko.
"Bilbon sobera daude ahaztuta zeudela uste genituen jokabide horiek, eta sobera daude jokabide horiek gauzatzen dituztenak. Errespetua, edukazioa, eta gizalegezko jokabideak izan behar dira nagusi, molestatu, bortxatu eta gogaitu besterik egiten ez duten horien aurrean", azaldu du.
Geroago, Iñigo Urkullu lehendakariak "erabat gaitzetsi" du Bilbon gertatutako. Twitterreko bere kontuaren bidez arbuiatu egin du erasoa eta bere pentsamendua "gazteriarengan" jarrita duela adierazi du.
"Mota horretako jokabideek zerikusi gutxi dute gizartearen gehiengoak, eta, batez ere gazteriak, pentsatzen duenarekin"; izan ere, "bakearen, errespetuaren eta elkarbizitzaren balioak defendatzen dituzte", gaineratu du.
Alderdiak
EH Bildu alderdiak arbuiatu egin du Zazpikaleetan gertatutakoa, eta "lekuz kanpo dauden jazoera arbuiagarriak" direla iritzi eta elkartasuna adierazi dio erasoa jasan dutenei.
Alfonso Gil PSE-EEko ordezkariak, Bilboko Udalean Mugikortasun Politika, Ingurumen eta Garapen Osasungarriaren Koordinazio zinegotzia denak, gertakaria "onartezina" dela esan du.
Carmen Carron PPko zinegotziak, bere aldetik, honakoa esan du: "Ezin dezakegu onartu edozein pertsonaren aurkako erasoak berriz ere ohikoak bihur daitezela". "Gaitzetsi, errudunak bilatu eta zigortu".
Udalberrik ere bere gaitzespena agertu du, eta beste garai batekotzat jo ditu.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.