Itsaso udalerri gisa onartzeko eskatu dio EAJk Espainiako Gobernuari
Itsaso udalerriaren egoera Kongresuko kontrol saioko eztabaidara iritsi da gaur. Iñigo Barandiaran EAJko diputatuak eraman du gaia, Espainiako Gobernuari helegiteak albora ditzala eskatu, eta Itsaso udalerri gisa aitortzea eskatzeko.
Iazko azaroan erabaki zuten Itsasoko herritarrek, erreferendum bidez, Ezkiotik banatzea. Gipuzkoako Foru Aldundiak babestu egin zuen erabakia. Urte honen hasieran, baina, Espainiako Gobernuak baliogabetu egin zuen desanexioa, legedi espainiarraren arabera, herri berriek gutxienez 5.000 biztanle izan behar dituztela argudiatuta.
Barandiaranek gaurko saioan gogora ekarri du, Ezkio eta Itsaso 1964an, Frankismo garaian, "behartuta" elkartu zituztela, baina Ezkio udalerria zela "duela 500 urtetik". Frankismo garaiko erabakiak "zuzentzeko", Gipuzkoako Foru Aldundiak baduela arau berezi bat esan du diputatu jeltzaleak.
"Egoera antidemokratikoen ondorioz hartutako erabakiei aurre egiteko salbuespenezko araua da", Barandiaranen esanetan, eta Gipuzkoaren eskubide historikoetan esku hartzea egotzi dio Espainiako Gobernuari.
Jeltzaleek gaur egindako eskariari berehala erantzun dio Soraya Saez de Santamaria Espainiako Exekutiboko presidenteordea, Kongresuan bertan. Gai hori auzitegietan dagoela eta azken erabakia epaileek hartuko dutela nabarmendu du. Espainiako Gobernuaren iritzian, "Itsasok legea urratu zuen, 158 biztanlerekin ezin baitu udalerri izan".
"Estatuko legedia oinarrizkoa da, eta ez da kapritxozkoa", gaineratu du.
Herri-galdeketa
2016ko irailaren 18an egin zen herri-galdeketa, Gipuzkoako Aldundiaren babesarekin. Galdeketa horretan, bizilagunek banantzearen aldeko hautua egin zuten, eta, horren aurrean, Foru Gobernuko Kontseiluak desanexio dekretua onartu zuen abenduaren 22an.
2019an egingo diren hurrengo udal hauteskundeetara arte, Foru Gobernuko Kontseiluak izendatutako batzorde kudeatzaile batek zuzenduko du udalerri berria.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.