Alonso: 'Sanchezi emandako babesari prezio politikoa jarri dio Urkulluk'
Mariano Rajoyren aurkako zentsura-mozioan EAJk emandako babesaren truke Pedro Sanchezen Gobernuari “prezio politikoa” eskatu dio gaur Iñigo Urkullu lehendakariak, Alfonso Alonso Euskadiko PPren presidenteak ohartarazi duenez. EAEko Exekutiboari “bi urte zail” iragarri dizkio Alonsok.
Politiko Orokorreko Bilkuran, Eusko Legebiltzarreko talde politikoen txandari hasiera eman dio Alonsok, Urkulluk goizean hitza hartu ondoren.
Urkulluk aldarrikatutako estatus berria errefusatu du PPko agintariak. Alonsoren hitzetan, bere hitzaldiaren helburua “zentsura-mozioko babesaren truke Pedro Sanchezi prezio politiko bat eskatzea” zela argi utzi du lehendakariak.
“Espainiaren buru demokraziako gobernurik ahulena jarri duzue, eta orain eskakizunak bete edo ondorioei eusteko esaten diezue. Ni PSOEren lekuan tentuz ibiliko nintzateke. EAJren akordioak astebete iraun zigun guri”, adierazi du.
Urkullu “historiaren faltsukeria eta desitxuratze mordoan” lagundu dela kritikatu du EAEko PPren presidenteak. Gernikako Estatutua bete ez denik eta 37 eskumen transferitzeke daudenik ukatu du. Bultzatzen ari den bidea “aldebakartasunera, hordagora eta mehatxura daramala” ohartarazi dio lehendakariari.
“Amets bat baino ez den etorkizun posible bat marraztuz”, herritarrak “ez nahasteko” eskatu dio Alonsok Urkulluri. “Konstituzionalki eta legalki Espainiako herria beste subjektu burujaberik ez dago”, defendatu du.
“EAJri berba handia” geratzen zaionean, lehendakariak leialtasuna eskatu izana kritikatu du Alonsok. EAJren eta EH Bilduren artean adostutako Estatutu berriaren proposamena “zuzentzeko eta pauso bat atzera emateko” eskatu dio Urkulluri.
“Autodeterminazio eskubideari uko egiteko prest al zaude? Baita gaitze-kontsulta deitzen diozuen errefendumari ere?”, galdetu dio Alonsok. “Bidegabekeria hau desegiteko” Eusko Legebiltzarrean ekimena aurkeztuko dutela iragarri du PPko ordezkariak.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.