Nafarroako barometroa: Laukoak gehiengoa galduko luke
Nafarroako Gobernua sustengatzen duen laukoak (Geroa Bai, EH Bildu, Ahal Dugu eta Izquierda-Ezkerra) gehiengo galduko luke orain hauteskundeak egingo balira, Nafarroako Parlamentuak agindutako barometroaren arabera. Bestalde, Ciudadanos alderdia Nafarroako Parlamentuan sartuko litzateke lehen aldiz.
UPN izango litzateke alderdi bozkatuena 15 eserlekurekin, hots, gaur egun dituenak mantenduko lituzke. Geroa Bai litzateke bigarren indarra 10 ordezkarirekin (bat gehiago). Horien atzetik, PSNk bi eserleku irabazi eta eta 9 lortuko lituzke, EH Bilduk gaur egun dituen 8 eserlekuei eutsiko lieke, Ahal Duguk 4 aulki galdu eta 3 eskuratuko lituzke, Ciudadanosek bere estreinaldian 3 ordezkari izango lituzke eta Izquierda - Ezkerrak (I-E), ostera, oraingo biei eutsiko lieke.
Oraingo Parlamentuarekin alderatuta, PP kanpoan geldituko litzateke. Bestalde, laukoak hiru eserlekura izango luke gehiengoa. Gaur egun laukoak 26 aulki ditu eta oposizioak, 24. Beraz, oraingo formulak ez luke balioko.
Atzo, Gizaker inkesta-etxeak EiTBrentzat egindako boto-asmoari buruzko EiTB Focus inkesta argitaratu zuen. Hala, lauko gobernua berriro osatuko balitz, 29 jarleku izango lituzke, 2015ean baino bi gehiago (25 behar dira gehiengoa izateko).
EiTB Focusen arabera, Geroa Baik igoera nabarmena izango luke Nafarroako Parlamenturako hauteskundeetan. Bederatzi eserleku izatetik 13 izatera pasatuko litzateke. UPNk, aldiz, bi ordezkari galduko lituzke, eta 13 ordezkarirekin geratuko litzateke.
EH Bilduk 2015ean erdietsitako zortziak lortuko lituzke berriro, eta PSNk bi gutxiago izango lituzke (bost parlamentari).
Izquierda-Ezkerra (I-E) izango litzateke laugarren indarra, Ahal Dugu Nafarroari boto-portzentajean aurrea hartuta baina eserleku kopuru berarekin (4). Koalizio moreak hiru jarleku galduko lituzke, 7tik 4ra jaitsita.
PPk 2015ean lortutako ordezkaritza (2 parlamentari) galduko luke, Ciudadanosen mesedetan (hiru ordezkari lortuko lituzke Albert Riveraren alderdiak).
Zure interesekoa izan daiteke
Grande-Marlaskaren eta Roblesen kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularreko idazkari nagusiak, Gasteiztik, Fernando Grande-Marlaska Espainiako Gobernuko Barne ministroaren eta Margarita Robles Defentsa ministroaren kargugabetzeak eskatu ditu, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.