Alderdi gehienek salatu dute oraindik gehiegizkoak direla Altsasukoen zigorrak
Auzitegi Gorenak Altsasuko gazteen inguruan eman duen ebazpenak (espetxeratzea berretsi du, baina zigor murrizketa txiki batekin) segituan ekarri ditu eragileen erreakzioak.
Navarra Sumak "erabateko errespetua" agertu du. Baloraziorik egin gabe, UPNk, PPk eta Ciudadanosek osatzen duten koalizioak adierazi du "ebazpen judizialekiko erabateko errespetua" dela haien jokamoldea.
Geroa Baik gaitzetsi du "Auzitegi Gorenak Altsasuko auziaren izugarrikeriari eusten" diola, murrizketa txiki bat egon den arren.
Koalizioak azpimarratu duenez, Gorenaren ebazpenak "agerian uzten du, hain zuzen ere, auziaren hasieratik dagoen proportzionaltasun eza, ez baitu diskriminazio larrigarria onartzen, ez nagusikeria agintearen aurkako delituaren kasuan, Auzitegi Nazionalak ez bezala, eta gainera akusatutako biri lesio delituak kendu dizkie frogarik ez dagoelako".
Bakartxo Ruiz EH Bilduren Nafarroako Parlamentuko bozeramaileak esan du ebazpenak ez dituela "gehiegikeria eta injustizia konpontzen".
Hedabideen aurrean azaldu duenez, "ez da sakoneko arazoa konpontzen, gazte hauek preso jarraitzea, gertakaritik hiru urte igaro direnean".
Sortuk uste du Auzitegi Gorenak "hemen justiziarik eta demokraziarik ez dagoela baieztatzen" duela, eta EAk, Auzitegiak "injustiziari eusten" diola.
Bestalde, Ramon Alzorriz PSNren Antolakuntza idazkariak adierazi du Auzitegiak "hitz egin" duela, eta ondorioz, "ebazpena errespetatzea eta betetzea" besterik ez dela geratzen. "Erabaki judizialekiko errespetuari eutsi izan diogu beti", gaineratu du parlamentari sozialistak.
Mikel Buil Podemos Ahal Duguren bozeramaileak, berriz, salatu du "egin ziren akusazio interesatu guztiak desegin badira ere", ezarritako zigorra "guztiz gehiegizkoa" dela.
Horren harira, azpimarratu duenez, "lehenengo akusazio interesatuen aurrean, azkenean egiaztatu da ez zela terrorismoa izan, tabernako borroka izan zela; horregatik, gehiegizkoa zigorra da, eta kasua ez zen sekula Nafarroatik atera behar".
Ezkerra ere ebazpenaren aurka agertu da, zigorra "erabak gehiegizkoa" dela iritzita, "are gehiago, gazteetako batzuek espetxean 1.059 egun daramatenean". Gainera, ohartarazi du prozesu judizial horrek "aurrekari arriskutsua" ezartzen duela.
LABek esan du zigorraren murrizketak ez diola "larritasuna kentzen ebazpenari", eta ez diola amaiera ematen "eskandalu judizialari". Gorenak "urtetako zigorra ezarri die, onar zitekeen erabaki bakarra absoluzioa zenean", azpimarratu du.
Bien bitartean, guardia zibilen elkarteek kritikatu egin dute zigorraren murrizketa, eta segurtasun indarrak babesteko neurriak eskatu dituzte.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.