Torrak adierazpen instituzionala egingo du gaur, Kataluniako Gobernu bilera atzeratuz
Quim Torra Kataluniako presidenteak adierazpen instituzionala egingo du asteazken honetan, 12:00etan, Generalitateko Jauregian, eta, horren ondorioz, 15:00ak arte atzeratuko da Kataluniako Gobernuak aurrekontu proiektua onartzeko asmoz 09:30ean egitekoa zuen bilera.
Kataluniako Parlamentuko Mahaiak diputatu-agiria kendu zion astelehenean Torrari, Auzitegi Gorenaren eta Espainiako Hauteskunde Batzordearen erabakia betez. Testuinguru horretan, Torrak adierazpen instituzionala iragarri zuen bart, ezustean.
Iragarpen horrek, JxCatek eta ERCk partekatzen duten gobernuaren etorkizunaren inguruko zalantzak areagotu ditu. Izan ere, Katalunian hauteskundeak aurreratzeko zurrumurruak areagotu dira azken orduetan, bereziki astelehenean bi alderdiek Parlamentuan izan zituzten desadostasunen ondoren.
Kataluniako Gobernuak, atzo gauean iragarri zituen aurreikusitako agendan egindako aldaketak. Azken orduetan, zer egin galdetu die Torrak JxCateko kargudunei, Espainiako Hauteskunde Batzordeak diputatu-agiria kentzeko emandako aginduari jarraiki, Torrentek, ERCren babesarekin, Kataluniako Parlamentuan bere boto eskubidea kentzeko erabakiari erantzuteko moduari buruz, baina iritzi oso desberdinak helarazi dizkiote.
JxCaten barne eztabaida izan dute horren inguruan, izan ere, ERC Kataluniako Gobernutik kanpo utzi eta aurrekontuak onartu arte bakarka gobernatzen jarraitzea nahi dute batzuk. Testuinguru horretan, ordea, gobernua zenbait erreleborekin birmoldatzea edota hauteskundeak deitzea eskatu dute beste batzuek.
Horrez gain, Pedro Sanchez Espainiako Gobernuko presidentea Generalitateko presidentearekin bilduko da otsailaren 6an, Bartzelonan.
Torraren ordezkoak uko egin dio eserlekuari
Bestalde, Bartzelonako Hauteskunde Batzorde Probintzialaren aginduz, Torraren ordez diputatu akta hartu behar zuen Maria Senserrich alderdikideak uko egin dio eserlekuari, eta hutsik geratu dadin, gauza bera egiteko eskatu die zerrendako ondorengoei ere.
Zerrendan jarraitzen dioten gainerako hautagaiek ere diputatu aktari uko egiten badiote, JxCatek boto bat galduko du Kataluniako Parlamentuko osoko bilkuran (33 izango lituzke), baina horrek ez ditu bozketen emaitzak nabarmen aldatuko, ERCk eta CUPek gehiengo absolutuari eutsiko liokeelako, 69 botorekin.
Zure interesekoa izan daiteke
Istiluak izan dira Bartzelonan independentziaren aldekoen eta eskuin muturreko jarraitzaileen artean
Istiluak izan dira, gaur arratsaldean, Diada egunean Bartzelonan egin den manifestazioan, independentziaren aldeko manifestarien eta eskuin muturreko talde ezberdinen artean. Esquadra Mossoek dispositibo zabala ezarri dute, eta hainbat unetan kargak ere izan dira.
Milaka pertsonak hartu dute parte Bartzelonan, Gironan eta Ampostan egin diren Diadako manifestazioetan
Independentziaren aldeko sugarra bizirik eta indartsu dagoela aldarrikatu dute, gaur arratsaldean, Bartzelonan, Gironan eta Ampostan (Tarragona) egin diren Diada eguneko manifestazioetan. Bartzelonako ekitaldian, ANCk iragarri du independentziaren aldeko elkarteen goi-bilera deituko duela, datorren urterako "mobilizazio handi bat" antolatzeko. 2027an hamar urte beteko dira independentziaren aldeko erreferendumetik, eta bide horretan, beste mugarri bat ezarri nahi dute.
Lekunberrin, Irurtzunen eta Leitzan "izaera faxistako pintadak eta mehatxuak" agertu direla salatu dute EH Bilduk eta Geroa Baik
EH Bilduren arabera, pintadak "ia berdinak dira, ikur eta mehatxu nazi berberak dituzte". Geroa Baik, gorrotoaren aurrean, "bizikidetza, errespetu eta demokrazia gehiago" eskatu du.
Konstituzionalak atzera bota du Jaurlaritzak Estatuko Etxebizitza Legeari jarritako helegitea
2024an aurkeztu zuten helegitea, Iñigo Urkullu lehendakaria zen garaian, eta gobernukide zituen hiru sailburu sozialistek ez zuten babestu urrats hori. Gaur, Denis Itxaso Etxebizitza sailburuak txalotu egin du erabakia.
Melgosak ez du baztertzen Ceutatik adingabe migratzaileak Euskadira ekartzea, baina ohartarazi du "dagokiguna baino gehiago" hartzen ari garela
Eusko Jaurlaritzako sailburuak esan du adingabeen harrera-sarea "tentsiopean" dagoela, eta lehentasuna orain Euskadin daudenak artatzea dela, "etorriko direnak" baino lehen.
Hezkuntza Sailak irakurmena indartuko du bereziki, ikasleen maila hobetzeko
PISA txostenak utzitako emaitzen ondoren, ikasleen emaitzak hobetzeko lan-ildo berriak ezarriko ditu Hezkuntza Sailak. Ondorioetako bat da irakumenean jarri behar dela indarra.
Hauteskunde orokorretan ezkerreko indarrak lideratzeko hautagaitza aurkeztuko du Irene Monterok larunbatean
Podemoseko iturrien arabera, "ezkerreko hautagaitza argi eta garbi bat" antolatzea du helburu, baina ez dute zehaztu zein alderdi edo figura politikorekin egin nahi duen.
Euskal Herriko eta Kataluniako "herriak" aldarrikatu dituzte euskal alderdiek Diada egunean
Bartzelonan, Diada ospatzeko ekitaldietan, Aitor Esteban EAJko presidenteak ohartarazi duenez, "oker dabil Euskadi eta Katalunia beste edozein autonomia-erkidego bezala tratatu nahi dituena". Bestalde, "gure herrien eta nazioen eskubide nazional eta sozialak" aldarrikatu ditu Mertxe Aizpurua EH Bilduk Kongresuan duen bozeramaileak.
EH Bilduk Maria del Rio proposatu du Bilboko alkategai izateko
EH Bilduren Bilboko Mahai Politikoak Del Rio proposatu du 2027ko udal hauteskundeetarako, "bilbotarrak erdigunean jarriko dituen eta guztiei bizi-proiektu duinak garatzea bermatuko dien ziklo berri baten buru izateko".
Sahararrei espainiar nazionalitatea emateko legea onartu du Kongresuak
Saharar kolektiboen arabera, 80.000-120.000 pertsonak jaso dezakete nazionalitate hori.