"Erabakitze partekatuaren eredu alemaniarretik" lan egiteko eskatu du Urkulluk
Koronabirusaren pandemiaren aurrean, deseskalatze prozesua abiatzeko helburuz, "irizpide gehiago eta tutoretza gutxiago" eskatu dizkio Iñigo Urkullu lehendakariak Pedro Sanchez Espainiako Gobernuko presidenteari igande honetan izandako Erkidegoetako presidenteen arteko bideokonferentzian.
Gainera, "erabakitze partekatuaren Alemaniako eredutik" abiatuta lan egiteko eskatu dio Sanchezi, "irizpide orokorrak partekatuz, baina Erkidegoetako eskumen-esparruak errespetatuta".
Erkidegoetako presidenteekin bildu aurretik, Sanchezek larunbatetan egiten duen prentsaurrekoagatik bere haserrea erakutsi du lehendakariak, esanez bilera horien lehentasunak zehaztu behar direla. Gainera, "agertoki ekonomiko eta finantzario ziurra" eskatu dio, jakiteko zeintzuk baliabide dituzten Erkidegoek eta zein den euren zor-gaitasuna, "neurri ekonomiko berriak abiatu ahal izateko".
Euskadin, zehazki, "aurrekontu-egonkortasunerako bide berri bat hitzartzeko beharra" adierazi du, Kontzertu Ekonomikoaren Batzorde Mistoaren esparruan, alegia.
Bere hitzaldiaren hasieran Gernikako bonbardaketa aipatu du Urkulluk, gaurko egunean 83 urte bete baitira. Horrela, lehendakariak omenaldia egin die bonbardaketaren biktimei, eta azpimarratu du Gernikan gertatutakoa gainditzeko gaitasunaren adibide bat dela gaur egun.
Jarraian, Pedro Sanchez Espainiako presidenteari zuzendu zaio azalduz zeintzuk diren Euskadirentzako lehentasunak, bere iritziz.
Lehenik eta behin, "Lehen mailako Osasun Arreta indartzea eta COVID-19 pazienteen atzematea, 4.000 test baino gehiago eginez". Lehentasun sozio-ekonomikoari dagokionez, "aurrekontu-egonkortasunerako bide berri bat hitzartzeko beharra" azpimarratu du, "berehalako osasun-premia sozialei erantzuteko, baita ekonomia eta enplegua suspertzeko ere". Bestalde, Kogobernantza, Koordinazio eta Erantzukidetasun eredu bat aplikatu behar dela adierazi du lehendakariak.
Urkulluren hitzetan, eredu horrek "oinarri komun partekatuak" izango lituzke eta "hurbileko exekuzioa ezarrita, errealitatera egokituta subsidiariotasun-printzipiotik, autogobernua errespetatuz".
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.