PSE-EEk bere aktak jaso ditu, eta ez du EAJrekin akordiorako formularik baztertu
Idoia Mendia PSE-EEko idazkari nagusiak ostegun honetan adierazi duenez, aurreko legealdiko koalizio-gobernuak "ondo funtzionatu du", eta, beraz, ez dute "inolako aukerarik" baztertzen, baina orain "premiazkoena" gobernu programa lantzea dela berretsi du, eta horretan ari dira lanean.
"Arrazoizkoa izan liteke berriro koalizio-gobernua osatzea, edo erabateko akordioa lortu ezean, legegintzaldiko akordio batekin oposizioan gera gintezke", adierazi du Mendiak. Ildo horretatik, ezin dela ezer baztertu azpimarratu du, "pausoz pauso joan behar delako".
Eusko Legebiltzarrean egin ditu adierazpen horiek Mendiak, joan den uztailaren 12ko hauteskundeetan aukeratutako PSE-EEko 11 legebiltzarkideek euren aktak jaso ostean. Izan ere, Eusko Legebiltzarra osatzeko beharrezko tramitea da hori. Ganbera berria datorren astelehenean, abuztuak 3, osatuko da.
Mendiak nabarmendu duenez, "legealdi hau oso garrantzitsua izango da", koronabirusaren agerraldiak eragindako pandemiagatik eta horrek "utzi dituen aurrekaririk gabeko krisi ekonomiko eta sozialagatik". Hori dela eta, bere iritziz, "legegintzaldi honek politika, erabaki garrantzitsuak eta Euskadiren etorkizuna izan behar ditu ardatz".
"Ezinbestekoa da bete-betean lan egiten duen Legebiltzarra eta eraginkorra den gobernua osatze", azpimarratu du Mendiak, eta gainerako erakundeekin batera lan egiteko eskatu du, "herritarrei lagunduko dieten eta, batez ere, ekonomia suspertzen lagunduko duten politikak adosteko eta guztiontzako lanpostuak bilatzeko".
EAJrekin izandako negoziazioen inguruan galdetuta, Mendiak azaldu du gobernu programa batean lanean ari direla lehenik, ikusteko ea "proposamenak partekatzen" dituzten, "bi alderdi ezberdin" direlako, "bi hauteskunde programa ezberdinekin". Gauzak horrela, bi alderdiek dituzten lehentasunak eta "gizartean eta ekonomian dauden beharrak" aztertzen ari dira orain.
Mendiak azaldu duenez, "lan handia dago egiteko. Erabaki asko hartu behar dira, eta, gainera, bidezkoa litzateke gobernu berriak Legebiltzarrarekin erabakiak adosteko aukera izatea, politikei buruzko zeharkako akordioak egiteko", Diputatuen Kongresuan egiten ari direla uste duen bezala.
Ildo horretatik, PSE-EEk duela sei urte "egonkortasunaren" aldeko apustua egin zuela azpimarratu du, eta aurreko legealdian "herritarrentzat garrantzitsuak diren sektore politiketan zentratuta" egon zela uste du.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.