Sarek herriz herri egingo ditu presoen aldeko manifestazioak urtarrilaren 9an
COVID-19aren pandemiak eraginda, euskal presoen eskubideen aldeko urtarrileko manifestazio nagusiaren formatua aldatuko dutela iragarri du Sare Herritarrak. Horrela, aurten Euskal Herriko herri guztietan egingo dituzte mobilizazioak.
Bilboko udaletxearen aurrean agerraldia egin dute kolektiboko bozeramaileek, besteak beste, Joseba Azkarraga Justizia sailburu ohiak. Urtarrilaren 9rako manifestazioak deitu dituzte, 17:30etik aurrera, segurtasun neurriak errespetatuz, "toki irekietan bake, konponbide eta elkarbizitza aldarrikatu ahal izateko". "Ez ditugu bakarrik Bilboko kaleak berriro beteko, Euskal Herri osokoak baizik", adierazi dute.
"Presoak eta iheslariak etxera itzultzeko bide" bat aldarrikatu ondoren, urtarrilaren 9an, Bidea Gara lelopean, kaleak betetzeko deia egin dute.
Era berean, senideek presoak kartzeletan bisitatzeko orduan,"murrizketak, mugak eta oztopoak" jarri ditu pandemiak, deitoratu dutenez. "Aplikatzen ari diren sakabanaketa politikak egoera okertu du, nahiz eta dagoeneko desagertu den erakunde bateko presoak izan", gogorarazi du.
Testuinguru honetan, preso eta espetxe batzuen kasuetan "aldaketak" ematen ari direla aintzat hartu dute. Horrela, "zenbait kartzelatan isolamendua altxatu dute", baina "beste batzuetan lortzeke dago", onartu dutenez.
"Gaixotasun larriak dituzten preso batzuen kasuan ere pausoak eman dira… baina eritasun larriak dituzten presoek oraindik espetxean jarraitzen dute", ohartarazi dute.
Nahiz eta preso batzuk Euskal Herrira hurbildu dituztela nabarmendu, ia "% 80a Andaluzia, Levante eta Galiziako" espetxeetan daudela gogorarazi dute. Horregatik, bozeramaileen hitzetan, "egiteko bide asko dute aurretik".
"Espetxe politikaren normalizazioa preso guztiak Euskal Herrian direnean gertatuko da. Bitartean, eman dituztenak pauso txikiak dira. 2018ko ekainean Espainiako Gobernuko presidenteak hartutako konpromisoa ez du bete", erantsi dutenez.
Azkenik, presoei aplikatzen zaien "salbuespen erregimenari amaiera ematea da bidezko konponbide" bakarra, defendatu dutenez. Aldi berean, hamarretik zortzi preso lehen graduan daude, eta horrek "sufrimendu eta atsekabe handiagoa" eragiten du, salatu dutenez.
Bestalde, Etxerat presoen senideek elkarteak ostiralean jakitera eman zuenez, Espainian zigorra betetzen ari diren 190 presoetatik 17 Euskal Herriko kartzeletan daude, gainerako % 49, 600 kilometro baino gehiagora, % 19, 400-600 kilometrora, eta % 32, 390 kilometro baino gutxiagora.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.