Iturgaiz: "EAJk aintzat hartu behar du PSEk ezkerraren alde itunak hausten dituela"
Carlos Iturgaiz Euskadiko PPko presidenteak pandemiaren aurkako borrokaren adibide gisa jarri du Diaz Ayusoren gobernua Madrilgo Erkidegoan: "Emaitza ezin hobeak ditu". PPko presidenteak murrizketa batzuk erlaxatzearen alde egin du, Madrilen ez baita ostalaritza itxi. "Euskadin ez dira laguntzak iritsi eta askok ez dakite berriro irekiko duten edo ez", deitoratu du buruzagi popularrak.
EAJren aurka egin du, "EAJk dituen batzokiak ezin dira ostalaritzaren sestra berean jarri". Iturgaitzen esanetan, "jendea kontzientziatzea" da Euskadin kutsatzeak murriztu dituena, ostalaritza ixtea baino gehiago.
"EAJk aintzat hartu beharko du PSE-EEk ezkerreko frontearen alde akordioak hausten dituela". PSE-EEk "ostikada" eman dio EAJri Irunen, Iturgaitzen ustez.
Ciudadanos alderditik Kontzertu Ekonomikoa berriro zalantzan jartzen duten ahotsen aurrean, Iturgaitzek Radio Euskadiko "Boulevard Informativo" saioan gogorarazi du Ines Arrimadasen alderdiarekin lortutako akordioak bere defentsa jasotzen duela. "Ez zait deserosoa gertatu, liderrak errespetatzen duela esan baitu".
Iturgatizek adierazi duenez, Espainiako Gobernuko presidenteak "Espainia suntsitzea du helburu". "Espainia merkealdian dago. Pedro Sanchezek gehien komeni zaizkion bazkideak hartuko baititu, Espainian pentsatu gabe: Kataluniako separatistak, Bilduko proetarrak, Podemoseko komunistak eta EAJ". Ildo horretan, Sanchezen bazkideek Espainia "gaizki joatea behar dute, Espainia zenbat eta okerrago egon orduan eta hobeto baitaude Sanchezen bazkideak eta Sanchezek berak; eta Sanchezi berdin zaio".
Iturgaizek garrantzia kendu dio Jon Inarrituk (EH Bildu) Senatuan ETAko biktima baten aitaren aurrean indarkeriaren gaitzespena egin izanari. "EH Bilduren alderdi politikoak terrorismoaren apologia txalotu du", esan du buruzagi popularrak, "indarkeria justifikatzen dute, gehienek". "Nazkatuta gaude gizarte moderno batean haur txikiak kriminalen omenaldietara eramateaz", gaineratu du.
Euskadiko PPko buruzagia harro agertu da Defentsa Ministerioak Loiolako Kuartelen "ostatu espresa" eman duelako. "Armada ezin da gure lurretik atera. Nire miresmena Euskal Herriarekiko eta Espainiarekiko hainbeste bizitza eman dituen Armadari", esan du. Iturgaitzek dio ados dagoela Loiolan etxebizitzak eraikitzearekin, baina "argi eta takigrafoak dituen truke batekin". Iturgaitzek dioenez, "segurtasun nazionalak indarra galduko du Loiolaren leku aldaketaren ondorioz".
Euskaraldiaren harira: "Astebetez euskara erabiltzera behartzea ez zait gustatzen. Ordu beteko bilera egin nuen euskaraz Urkullurekin. Euskara maila handiagoa duten beste batzuek baino ahalegin handiagoa egiten dut. Naturaltasunez erabili behar da", gaineratu du.
“Jatorrizko informazioa Radio Euskadik landu eta eitb.eus-ek itzuli du”.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.