Etxeko konfinamendua baztertuta, neurri alternatiboak adostea proposatu du Urkulluk
Iñigo Urkullu lehendakariak onartu du koronabirusak eragindako pandemiaren ondorioz egoera "oso larria" dela eta datozen egunetan "okerrera" egingo duela ohartarazi du.
Edonola ere, etxeko konfinamendua ezartzearen kontra dagoela berretsi du, eta bestelako neurriak adostu beharko liratekeela esan du. Hala, Lurraldeen arteko Batzordean etxeratze-agindua 20:00etara aurreratzea eta taldean gehienez bildu daitezkeen pertsonen kopurua seitik laura murriztea aztertu beharko litzatekeela adierazi du.
Edozein erabaki erkidegoen eta Espainiako Gobernuaren artean adostutakoa izan beharko litzatekeela azpimarratu du.
SER irratian egindako elkarrizketa batean, Urkulluk esan du "egoera oso larria" dela pandemiaren ondorioz, eta "oraindik Gabonetako ondorioak" sufritzen ari garela erantsi du, "garai horretan harreman sozial desinhibituak ugaritu egiten direlako". "Positiboen tasak goraka jarraituko du", ohartarazi du.
Txertaketarako estrategia
Eusko Jaurlaritzaren txertaketa-estrategiaren harira sortu den polemika ere izan du hizpide. Euskal Autonomia Erkidegoa txerto gutxien jarri duen erkidegoa da Estatuan, eta Denis Itxaso Espainiako Gobernuaren ordezkariak asteburuan esan zuen "txertoak ahalik eta azkarren jartzeko" direla, "eta ez gordetzeko".
Urkulluk ez du ika-mika horretan sartu nahi izan eta Osasun Sailaren estrategia babestu du, lehendabiziko dosia hartu dutenei bigarrena emateko txertoak soilik gordetzen direla esanez.
"Guk gure plan propioa daukagu. Helburua ez da txertoak gordetzea, helburua da lehen dosia jaso dutenei bigarrena izango dutela bermatzea", azaldu du. Halaber, bigarren dosia jartzeko kanpaina atzo abiatu zutela jakinarazi du.
Horrez gain, EH Bilduk Ertzaintzari egindako kritikei buruz ere galdetu diote lehendakariari. Maddalen Iriarte koalizio soberanistako bozeramaileak esan du etxeratze-agindua betearazterakoan Ertzaintza jarrera oldarkorra izaten ari dela eta herritarrak kolpatu egiten dituela.
Urkulluk "gezurra" dela esan du eta ertzainek nahiz udaltzainek "neurriz" jokatzen dutela ziurtatu du. Ildo horretan, Derion izandako gertakaria ekarri du gogora: hainbat ordu itxaron zuen legez kanpoko festa batean zeuden gazteak identifikatzeko eraikinetik noiz aterako zain.
Ertzaintzak "ez du indarkeria erabili inoren aurka". "Ertzainen eta udaltzainez jokabidea neurtua, oso neurtuan izaten ari da", berretsi du.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.