Sare: "Euskal gizartearen bultzadari esker gaur itxaropenaz hitz egitea posible da"
"Euskal gizartearen bultzadari esker gaur itxaropen uneaz hitz egitea posible da. Horregatik, aurrera eta bidea egiten jarraitzeko euskal gizarte osoari, ideologiak eta alderdiak alde batera utzita, dei egiten diogu, bidea elkarrekin egiteko", adierazi du Sare herritarrak.
Euskal presoei aplikatzen zaien "salbuespen politika" aldatzeko "abagunea alferrik galdu" behar ez dela uste du.
Izan Bidea dinamikaren baitan, udara begira, kanpaina berria aurkezteko prentsaurrekoa eman du Sarek Donostian. Kolektiboaren esanetan, gizarteak "ez du geldirik eta isilik egon nahi, presoen eskubideak urratzen dituzten bitartean".
Mugimenduaren hitzetan, "aprobetxatzen jakin" behar duten eta "alferrik galtzen" utzi behar ez duten "une baten" aurrean daude, presoei aplikatzen zaien "salbuespen politika" aldatzeko.
'Ibilian-ibilian, etxerako bidean'
Iragarri dutenez, abuztura arte Gipuzkoako eskualde guztietan ekimenak eta mobilizazioak egingo dituzte. Abuztuaren 21ean martxa bat egingo dute Donostiara, eta eskualde guztiak batuko dituen mobilizazio bat.
Uztailean, aurreko urteetan bezalaxe, txirrindulari itzuli bat egingo dute, baita manifestazioak Iruñean (uztailak 3); Gasteizen (abuztuak 3); Donostian (abuztuak 21) eta Bilbon (abuztuak 27) ere.
Bestalde, irailean lurralde guztietan aurrera eramango diren dinamikekin batera, urriaren 23an mobilizazio nagusi bat egingo dute Donostian, udako jarduerei amaiera emateko, "Ibilian-ibilian, etxerako bidean" lelopean.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.