Fiskaltzak ez du Felipe Gonzalez ikertuko, GALekin izan zuen lotura argitzeko
Auzitegi Nazionaleko Fiskaltzak baztertu egin du Felipe Gonzalez Espainiako Gobernuko presidente ohiak GAL erakundearekin izan zuen lotura argitzeko ikerketa bat abiatzea. Pili Zabalak egin zuen eskaria artxibatu egin du, delituak preskribatuta daudela argudiatuta.
Pili Zabalak B-Egiaz plataforma aurkeztu du Madrilen, Maria Jauregi ETAk hildako Juan Mari Jauregiren alaba, Juan Diego Botto aktore argentinarra eta Maria del Olmo historialaria ondoan zituela. Inpunitatearekin amaitzea eta GALi buruz egia osoa jakitea aldarrikatuko du plataforma berriak.
Agerraldi horretan jakinarazi du Pili Zabalak Felipe Gonzalez ikertzeko eskaria artxibatu egin dutela. Fiskaltzaren arabera, ezin da ikerketarik martxan jarri delituak duela 20 urte baino gehiago gertatu zirelako eta, Zigor Kodea aintzat hartuta, preskribatuta daudelako.
Joxi Zabala eta Joxean Lasa 1983an bahitu, torturatu eta erail zituen GALek. Hilotzak bi urte geroago topatu zituzten hobi batean, baina gorpuzkiak 1995ean identifikatu zituzten.
Zabalak, besteak beste, Ameriketako Estatu Batuetako CIA inteligentziak zerbitzuak GALi buruz egindako txostena aurkeztu zuen froga moduan. Duela urtebete inguru publiko egindako agiri horren arabera, Felipe Gonzalezek GAL sorreran parte hartu zuen.
Fiskaltzak ikerketarik abiatuko ez badu ere, B-Egiaz plataformak "bitarteko judizial guztiak" erabiliko ditu, Estatuan nahiz nazioartean, GALek egindako krimen guztiak argitzeko eta erakunde terrorista horren atzean egon ziren arduradunak nortzuk izan ziren jakiteko.
Gizateriaren aurkako krimenak izan zirela azpimarratuta, estatuak delitu horiek ikertzera behartuta daudela gogoratu du. "Behin eta berriro ukatzen zaigu egia jakitea. Baina egiak ez du preskribatzen", nabarmendu du Zabalak.
Ildo horretan, Espainiako Gobernuko ordezkariei gutunak igorriko dizkiete gai honi heltzeko bilerak egiteko eskatuz.
Hala, Maria Jauregik ausardiaz jokatzeko eta arduraren zati bat bere gain har dezala galdegin dio Pedro Sanchezen Gobernuari. "Biktima guztiek egia jakin behar dute, zauriak itxi ahal izateko", erantsi du.
BIDEOA | B-Egiaz plataforma aurkeztu du Pili Zabalak Madrilen
Zure interesekoa izan daiteke
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".