Ione Belarra nafarra, "esanak esan, beti da posible"
Ione Belarra Urteaga (Iruñea, 1987ko irailak 25) politikari eta psikologo nafarra da. Espainiako Gobernuaren Eskubide Sozialen eta 2030 Agendaren ministroa da egun. Twitter sare sozialean "esanak esan, beti da posible" esaldia du lelo. Belarrak Pablo Iglesiasen lekukoa hartu du Podemosen. "Buruzagitza koral eta feminista batekin jende gehiagora iritsiko gara", ziurtatu du.
Belarra Podemoseko hiritarren kontseiluko kidea da, eta Kongresuko diputatua izan da XI., XII., XIII. eta .XIV. legealdietan.
Integrazio sozialean teknikaria eta psikologian lizentziatua da, eta hezkuntza psikologian masterra du. Madrilgo unibertsitatean psikologia ikasketak hasi arte Iruñean bizi izan zen.
Orduz geroztik, hezkuntza, migrazio eta giza eskubideekin lotutako ikerketetan lan egin du: urteetan ekintzailea izan da, eta boluntario bezala jardun du hainbat erakundetan eta plataformatan, tartean, SOS Arrazakeria eta Gurutze Gorrian. Besteak beste, atzerritarrentzako zentro itxiak desagertzeko kanpainetan hartu du parte, baita egoera zaurgarrietan dauden pertsonen giza eskubideak defendatzeko mobilizazioetan ere.
2014ko azaroan Hiritarren Kontseilura iritsi zen, barne-hauteskundeetan. Giza Eskubide, Herritartasun eta Aniztasun arloko arduradun izendatu zuten.
2015eko abenduaren 20ko hauteskunde orokorretan Nafarroako zerrendaburu izan zen, eta Diputatuen Kongresuan eserlekua erdietsi zuen.
2016ko hauteskunde orokorretan Nafarroako zerrendaburua izan zen berriro, eta XII. Legealdirako eserlekua bereganatu zuen.
2017ko otsailaren 12an, barne-hauteskundeetan alderdi moreko kontseilari izendatu zuten berriro.
PSOEren eta Unidas Podemosen arteko koalizio Gobernua osatu ondoren, Ione Belarra 2030 Agendako Estatu idazkari izendatu zuten. 2020ko urtarrilaren 22an karguaz jabetu zen.
2021eko martxoan, Pablo Iglesias presidenteordeak Madrilgo hauteskundeetara aurkezteko, koalizio Gobernua utzi ondoren, Belarrak Eskubide Sozialen eta 2030 Agendaren Ministerioa hartu zuen. Martxoaren 31an kargu berriaz jabetu zen.
Zure interesekoa izan daiteke
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik milaka lagun bildu ditu Gipuzkoako hiriburuan 'Euskal Herria irabaztera' lelopean
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.
Donostiako EAJk etxebizitza eskaintza areagotzea eta turismo eredu "ordenatu eta jasangarria" sustatzea jarri du jomugan
Martxotik uztailera bitartean, elkarrizketa eta gogoeta saioa egin dute jeltzaleek 500 gizarte eragilerekin, eta 200 ekarpenetik gora jaso dituzte, 11 erronka sektorialetan bilduta. Jon Insausti alkateak ekimenaren garrantzia azpimarratu du: "Entzutea ez da jendeak zer pentsatzen duen galdetzea. Entzutea da prest egotea beste begirada batzuk onartzeko".