Mendiak Sanchezen eta Casadoren proiektuak kontrajarri ditu Gobernu birmoldaketaren biharamunean
Idoia Mendia PSE-EEko idazkari nagusi eta lehendakariordeak Pedro Sanchez Espainiako gobernuburuaren eta Casadoren proiektuak kontrajarri ditu Exekutibo birmoldaketaren biharamunean. Mendiaren ahotan, Sanchezen proiektuak Espainia "modernizazio berde, feminista eta anitz" batera eraman nahi du; Casadorenak, aldiz, "desberdintasuna areagotu eta aniztasuna ukatu" nahi du. "Etorkizunera begiratzen duena, eta bere iragan ilunenari begiratzen diona", azaldu du.
Idoia Mendiak Bilboko Harrobi plazan egin ditu adierazpenak, Euskadiko aurreneko elkarte sozialistaren 135. urteurrena ospatzeko ekitaldian.
Erabakiak hartzen ari diren gobernu bakoitzean sozialistak egiten ari diren lana azpimarratu du PSE-EEko buruzagiak. "Erabateko eraldaketa garai honetan eskerrak Espainiako Gobernuan gaudela", esan du.
Mendiaren hitzetan, Pedro Sanchez "pausoz pauso, eskubideak hedatuz, legeak eta proiektu eraldatzaileak aurrera ateraz, erronka ekonomiko handienaren aurrean ezkutu sozial handiena osatzen ari da".
"Europan Espainiari dagokion papera itzuli dio. Katalunia irtenbiderik gabeko egoeratik ateratzeko adostasun bidea zabaldu du. Zarataren eta lerro-buru handien atzean hori gertatzen ari da, aurrera egiten ari den Espainia, pentsioen sistema publikoa blindatzen ari da, emakumeak sinetsi eta defendatzen ditu, bizitza duin bat bermatzen du, eta bizitzaren azkena duina izatea ere", adierazi du.
Hauteskundeak duela urtebete egin izan ziren Euskadin. "Aurreko hamarkadetan lortutako guztia ez galtzeko indar gehiago eman zieten" herritarrek, nabarmendu duenez, "abertzaleak eta ez abertzaleak elkarbizitzeko".
"Toki partekatuari leku egin genion, literalki akabatu nahi zigutenen aurrean. Aniztasuna eta demokrazia irabazi genituelako, defendatzen ari ginena, hain zuzen ere", erantsi du.
Zentzu horretan, "ETAren ondorioz gurekin ez dauden guztiak", gogora ekarri ditu ordezkari sozialistak 135. urteurrenean.
Bestalde, orain "Espainian garai berri bat sendotzea" egokitu zaiela esan du Mendiak, "ezberdinen arteko akordioena", duela hamarkada bat Euskadin egin bezala.
Azkenik, 1886ko uztailaren 11an langile talde batek lonja batean PSOEren aurreneko elkarte sozialista sortu zuela gogorarazi du PSE-EEko buruzagiak.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.