Estatusaren gaian gehiengoak gutxiengoari men egitea nahi izatea leporatu dio Egibarrek PSE-EEri
Estatus politiko berri baten inguruan marra gorriak ezarri nahi izatea leporatu dio ostegun honetan, Joseba Egibar EAJko Legebiltzarreko bozeramaileak PSE-EEri, Eusko Jaurlaritzan bere alderdiak duen bazkideari. Ildo horretatik, sozialistek "gehiengoak gutxiengoari men egitea" nahi dutela ziurtatu du.
Horrela erantzun dio Egibarrek Eneko Andueza Legebiltzarreko PSE-EEren bozeramaileari. Izan ere, Estatutuaren erreforma batek ez diola independentziari bidea irekiko ohartarazi die ostegun honetan nazionalistei, Eusko Legebiltzarrean egindako Politika Orokorreko Eztabaidan.
Hala, EAJren bozeramailearen arabera, Autogobernuaren alorrean "estatusa aldatu behar da", Estatutua bete dadin, bai duela 41 urtetik bete ez den Gernikako Estatutua, bai etorkizunekoa ere.
Sozialistei galdetu die ea zein bide demokratiko edo politiko proposatzen dioten euskal herriaren gehiengoari, "gehiengo horrek erabateko autogobernua edo subiranotasuna nahi duenean".
"Demokraziak ezin dio bide bat ere ireki herri honi?", galdetu dio Anduezari, erabakitzeko eskubidea "Erdi Arora itzultzea" dela esan ostean.
EH Bilduri ere aipamen egin dio Egibarrek hitzaldian. Hala, EAJ Eusko Jaurlaritzatik ateratzeko "helburu taktikoari" zergatik ematen dion hainbesteko garrantzia galdetu dio, estrategia euskal nazioa sortzea eta nazio eraikuntza badira.
Bere hitzaldiaren beste une batean, Egibarrek deitoratu egin du EH Bilduk ETAren inguruan duen "hausnarketa kritikoaren falta", ETAren desagerpenaren hamargarren urteurrena betetzen denean, eta hori, bere ustez, gizartearekin duen "errealismo eta lotura faltagatik" izan da.
Koronabirusak eragindako pandemiaren kudeaketari dagokionez, Eusko Jaurlaritzak hartutako neurrien aurrean oposizioak izan duen jarrera deitoratu du, eta Sanchezen Gobernuak autonomia erkidegoak bakarrik utzi dituela salatu du, ministerioen aginduak dituen "aldebakarreko gobernantza" baten bidez.
Zure interesekoa izan daiteke
Gobernuak espero du “Justiziak justizia egitea” Zapaterorekin, eta haren ondarea defendatu du
Gobernuko bozeramaile Elma Saizek adierazi du pandemian hainbat airelineari emandako maileguek enpresak eta lanpostuak salbatzeko aukera eman zutela.
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzi hau 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, zentsura mozioa
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.