Martin Villak helegitea jarri du Serviniren auzipetzearen aurka, inpartzialtasun falta egotzita
Rodolfo Martin Villa ministro ohi espainiarrak helegitea sartu du Argentinako Apelazio Ganbera Federalean Maria Servini epailearen auzipetzearen aurka. Servinik 1976 eta 1978 arteko hilketa batzuk leporatzen dizkio Villari, martxoaren 3an Gasteizen izandako hiru eta German Rodriguezena 1978ko sanferminetan, besteak beste.
Atzo abokatuek aurkeztutako helegitearen arabera, magistratuak bere egin du "kereila aurkeztu dutenen bertsioa", ez du ikerketa judizial independenterik egin eta hilketa batzuk gizateriaren aurkako delitu jo izana ez da bateragarria trantsizio prozesuarekin.
47 orriko idatzian agertzen denez, epaileak ez du inpartzialtasunez jokatu, arbitrarioa izan da erabakia, ez dago frogarik eta ministro karguan egoteagatik soilik eskatzen dira ardura penalak.
Servinirentzat, berriz, Villa "larrigarridun hilketa delituaren arduraduna" da "gutxienez lau kasutan". Horietako hiru Gasteizen 1976ko martxoaren 3an izandako gertakarietako biktimak dira, eta laugarrena, German Rodriguez, 1978ko sanferminetan hil zuen Poliziak Iruñean.
Gorte frankistetan prokuradore izan ostean, Martin Villa Harreman Sindikalen ministro izan zen diktadorea hil ostean (1975-1976), Barne ministro (1976-1979), Lurralde Antolaketakoa (1980-1981) eta Gobernuko presidenteorde (1981-1982).
Helegitean azpimarratu dute epaileak ez duela Martin Villaren "egiletza egiaztatzeko frogarik zehazten".
Ministro ohiaren abokatuek uste dute epaileak ez duela "Espainiaren historia ezagutzen", trantsizioan, kereila aurkeztu zutenen eta epailearen iritziaren aurka, "ez zegoelako Francoren egitekoa jarraitzeko asmorik edo oposizioa zapaltzeko edo jazartzeko egitasmo berririk, kontrakoa baizik, demokrazia konstituzionalera bidean espainiarrak batzeko asmoa".
Epaileak hilaren 15ean eman zuen Villa auzipetzeko agindua, ministro ohiak bideokonferentziaz eta bere ekimenez deklaratu eta urtebetera.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.