Larunbatean Bilbon egingo den manifestaziorako deialdiari eutsi dio EH Bilduk, "osasun neurriak" bermatuz
Maddalen Iriarte EH Bilduk Eusko Legebiltzarrean duen bozeramaileak adierazi duenez, koalizioak eutsi egiten dio datorren larunbatean Bilbon egingo den manifestaziorako deialdiari, eta "modu seguruan" eta osasun-neurri guztiak bermatuz egingo dela ziurtatu du.
Komunikabideen aurrean egindako adierazpenetan, EH Bilduk larunbaterako Bilbon deitu duen manifestazioa izan du hizpide, Jaurlaritzak osasun eta segurtasun neurriak betetzeko deia egin ondotik.
Koalizioak manifestazioaren deialdiari eusten diola azaldu du eta orain arte pandemian zehar egin bezala, honetan ere "ezarri beharreko osasun-neurri erabat zorrotzak" ezarriko direla gaineratu du, ahalik eta modu seguruenean gauzatu dadin.
"Gaur goizean EAJko kide bati entzun diot ez zuela zalantzan jartzen hamar egun barru egin behar duten Kongresua egiteko aukera, eta PSE-EEri ere ez diot ezer entzun asteburuan Pedro Sanchez buru izango duen Kongresuari buruz, ezta zelaiak bete eta milaka eta milaka pertsona bilduko dituzten futbol partidei buruz ere", ziurtatu du.
Zentzu horretan, Maddalen Iriartek berretsi du "zorrotzak" izango direla larunbateko manifestazioan hartuko dituzten neurrietan.
Kaleak "jendez lepo betetzera" dei egin du Sortuk
Arkaitz Rodriguez Sortuko idazkari nagusiak kaleak "jendez lepo betetzera" deitu du. "Duela 37 eta 32 urte, Espainiako Gobernuaren aginduetara zeuden mertzenarioek, batzuek onartu gabe jarraitzen duten Estatu terrorismoak, Santi Brouard eta Josu Muguruza hil zituzten herri honekiko zuten konpromisoagatik", adierazi du Rodriguezek Bilbon.
Bi hilketen urteurrenean, "herri honen gizon eta emakume konprometituak larunbatean Bilboko kaleak lepo betetzera" deitu ditu Sortuko idazkari nagusiak.
Erantsi duenez, manifestazioak hiru mezu zabaltzeko balioko du. Alde batetik, nahiz eta Brouard eta Muguruza hil, "haien ametsak eta borroka sekula biziago eta sendoago daudela".
Bestetik, "herri gisa aurre egin behar diegun erronka guztiek konpromisoa eta borroka eskatzen dutela, klima aldaketatik burujabetza nazionalaren berreskuratzera, zaintzaren krisitik bidezko bake egonkor eta iraunkor baten eraikuntzara", azpimarratu du.
Azkenik, azaldu duenez, hirugarren mezua hauxe litzateke: "herri honekin eta bere etorkizunarekin konprometitutako gizon eta emakumeak milaka eta milaka gara, bake, justizia, berdintasun eta askatasunean".
Testuinguru honetan, Bingen Zupiria Eusko Jaurlaritzako bozeramaileak dei egin du asteburuan segurtasun neurriak errespetatzeko eta "indarrean dauden arauak" betetzeko. EH Bilduk larunbatean egitekoa duen manifestazioaren eta PSE-EEk egingo duen biltzarraren harira egin ditu adierazpenok.
"Edozein ekitaldi antolatzen dutenek erantzukizuna dute indarrean dauden arauekin, kontzertu bat izan, manifestazio bat edo alderdi poliiko baten kongresua", gaineratu du.
Horren ildotik, tankera horretako ekitaldien partaidei "segurtasun distantziak mantentzea" eta "musukoak erabiltzea" eskatu die.
Bere aldetik, Andonu Ortuzar EAJko presidenteak adierazi du ez duela zalantzarik EH Bilduk "bermatu" egingo duela osasun neurriak beteko direla.
Zure interesekoa izan daiteke
Pertur omendu dute Irunen, haren desagertzearen 50. urteurrenean
"Pertur. Egia nahi" lemapean, ETA politiko-militarreko buruzagi izandakoaren senideek gogorarazi dute kasua ez dela preskribatu, eta ikertzen jarraitzeko eskatu dute.
Plus Ultra konpainiaren presidenteak eta kontseilari delegatuak dimisioa eman dute
Aste honetan onartu dute Auzitegi Nazionalean 530.000 euro ordaindu zituztela Zapateroren eta Zapateroren kidearen bitartekaritzaren truke; horren ostean hartu dute dimisioa aurkezteko erabakia.
Euskara gatazkatik urruntzeko eskatu du Pradalesek: "Hizkuntzak denok behar gaitu"
Imanol Pradales lehendakariak adierazi du euskararen aurrerapausoak ez direla "inposaketatik" etorriko, eta datozen hamarkadetan euskara biziberritzeko bide berri bat irekiko duen "Jauzia gara" ekimena aipatu du.
Auzitegi Gorenak amnistia aplikatu die 'proces' auziarekin lotutako delituengatik zigortutako zortzi pertsonari
Europar Batasuneko Justizia Auzitegiak Amnistia Legea EBko zuzenbidearekin bat datorrela eta "adiskidetzea errazten" duela ebatzi eta astebetera hartu du erabakia Espainiako Auzitegiko Gorenak.
Osakidetzak udan lehen arretan murrizketak egiten jarraitzen duela salatu du EH Bilduk
Rebeka Ubera EH Bilduko legebiltzarkideak Barakaldoko Urbango osasun zentroaren atarian egin duen agerraldian azaldu duenez, 2023ko udan EAEko 255 osasun zentro normaltasunez aritu ziren, Osasun Sailaren datuen arabera. Aurten, aldiz, 211 dira: 54 gutxiago.
Maria Chivite: "Inork zerbait egin badu, ordain dezala, baina ez naiz ni izango"
Maria Chivite Nafarroako lehendakaria Guardia Zibilak Santos Cerdani buruz egindako azken txostenaren inguruan aritu da Parlamentuan, UPNk eskatuta, eta hau esan du: "Zenbat eta gehiago ikertu, zenbat eta gehiago aurreratu auzitegietan, are argiago dago ez dagoela ezertxo ere nire aurka". "Gobernu honek txosten horrekin lotuta izan duen esku-hartze bakarra izan da Justiziarekin lankidetzan aritzea, informazioa emateko eta ikerketan laguntzeko. Gainerako guztia nire aurkako sorgin-ehiza estrategia baten parte da, ez Gorenak ez UCOk beren ikerketa eta erabakiekin berresten ez dutena, ez baitago ezer", azpimarratu du.
Absolbitu egin dituzte Berangoko ongietorriagatik auzipetutako hamasei herritarrak
Epaiketa joan den ekainean izan zen, Madrilen, 2022ko martxoan Ibai Aginaga ETAko preso ohiari ongietorri ekitaldi bat egiteagatik terrorismoaren gorazarre delitua egotzita.
Pradalesek eta Sanchezek uda ostera atzeratu dute transferentziei buruzko aldebiko bilera
Ubarretxena sailburua Madrilen izan da Espainiako Gobernuko kideekin eskumenen eskualdaketa negoziatzen, baina ez dute akordiorik lortu.
EH Bilduk azalpenak eskatu dizkio Zupiriari Karmengo jaietako "indarkeria polizialagatik"
Espainiako Selekzioaren jarraitzaileen aurka izandako liskar batean Ertzaintzak esku hartu zuen, eta lau lagun zauritu ziren.
Zapatero: "Ez nuen inorekin hitz egin Plus Ultraren erreskateaz, ez SEPIrekin, ezta Gobernuarekin ere"
Gobernuko presidente ohiak adierazi duenez, bere bulegoan aurkitutako bitxiak, 1,3 milioi eurotan baloratuak, herrialde baten "kortesia pertsonaleko opari" bat izan ziren. Inbestidurako bazkideak eta oposizioa bat datoz azalpenak ez direla nahikoak izan esatean.