Indultuen eta Marokorekin izandako krisiaren testuinguruan zelatatu zuten Sanchezen mugikorra
Pedro Sanchez Espainiako gobernuburuaren telefono mugikorrari Pegasus programaren bidez ustez egindako espioitza, Kataluniako buruzagi politikoei indultua eman ala ez erabakitzeko unea eta Marokorekin izandako krisia aldi berean gertatu ziren.
Espainiako Gobernuak jakitera eman duenez, Sanchezen mugikorrak bi eraso jasan zituen 2021eko maiatzean, eta Margarita Robles Defentsa ministroarenak, beste bat urte bereko ekainean.
Felix Bolaños Presidentetzako ministroak espioitzaren arrazoi edo jatorrien inguruan espekulatzea baztertu du.
Indultuen atarian
Hala ere, balizko espioitza eta Kataluniako buruzagiei indultua emateko erabakiaren atarikoak aldi berean izan ziren.
Exekutiboak indultuak eman behar zituenaren zurrumurruak hilabeteetan bolo-bolo ibili ondoren, Espainiako gobernuburuak adierazpenak egin zituen.
2021eko maiatzaren 28an, besteak beste, "adiskidetasuna, elkarrizketa eta adostasuna" balio konstituzionalak kontuan izan behar zituela azaldu zuen Sanchezek.
Hiru egun geroago, indultua emateak Exekutiboarentzako izan zezakeen kostu politikoari garrantzia kendu zion gobernuburuak, eta "garai berri bat" irekitzearen aldeko apustua egin zuen, "iragan txarra" atzean uzteko.
Bartzelonan, ekainaren 21ean, iragarri zuen Sanchezek biharamunean Ministroen Kontseiluak indultuak onartu behar zituela. Beharrezko neurritzat jo zuen Espainiako presidenteak.
Pere Aragones Generalitateko presidenteak ez zuen ekitaldian parte hartu. Aragonesen inbestidura maiatzaren 21ean izan zen.
6.000 pertsona Ceutara iritsi ziren
Egun batzuk lehenago, maiatzaren 17an eta 18an, Espainiaren eta Marokoren arteko tentsioa nagusi zen; izan ere, 6.000 pertsona iritsi ziren Ceutako kostaldera, Rabateko segurtasun indarrek oztoporik jarri gabe.
Brahim Gali Fronte Polisarioko buruzagia nortasun faltsu batekin Espainian ospitaleratu zuten, eta Marokok horrela erantzun zuen. Krisia itxitzat eman dute apirilean, Sanchezek Marokora egindako bisitan. Espainiako gobernuburua Mohamed VI.a erregearekin bildu zen Rabaten.
Zure interesekoa izan daiteke
PSNk "erabateko errespetua" du Zapateroren errugabetasun presuntzioaren aurrean
Esther Iso PSNko Antolakuntza idazkariak adierazi duenez, presidente ohiarentzat "hitz onak" baino ez dituzte, "nafar guztiak gozatzen ari diren ondareagatik".
Nafarroako Gobernuak UPNren "noraeza" kritikatu du Athleticen elastikoarekin izandako polemikan
Alderdi politikoak LORAFNA (Nafarroako Autonomia Estatutua) eguneratzea eztabaidatzen ari ziren gaur Parlamentuko batzorde batean, eta klub zuri-gorriaren elastikoaren harira piztutako polemikaren inguruko iritziak emateko tartea ere hartu dute.
Lehendakariaren elkarrizketa, 10 titularretan
Imanol Pradales lehendakariak hainbat gai jorratu ditu Radio Euskadin, hala nola medikuen greba, etxebizitzaren arazoa edo autogobernuaren estatus berria.
Pello Otxandiano: "Etxebizitza politika honek huts egin badu, momentua da norabidez aldatzeko"
EH Bilduk etxebizitzaren inguruan egindako proposamenaren harira, "jarrera baikorra" izateko eskatu dio Pello Otxandianok Eusko Jaurlaritzari. "Proposamena hartu, aztertu eta egin dezagun eztabaida bat, ea soluziobideak hauek diren edo beste batzuk planteatzen dituzten", gaineratu du EH Bilduren Eusko Legebiltzarreko bozeramaileak ETB1eko "Egun on Euskadi" saioan egin dioten elkarrizketan.
Lehendakariaren ustez, "euskarak zubi gehiago eta harresi gutxiago behar ditu"
Imanol Pradales lehendakariari elkarrizketa egin diote Radio Euskadiko "Boulevard" saioan, eta bertan adierazi duenaren arabera, "ezin dugu beste alde batera begiratu segurtasun juridikorik eza dagoenean". Euskararen biziberritzeari dagokionez esan duenez, "fokua ez dago euskal administrazio publikoa euskalduntzean, hizkuntzaren erabilera sozialean baizik".
Lehendakariaren ustez, UPNk polemika artifiziala sortu nahi du Athleticen kamiseta berriaren inguruan
Imanol Pradales lehendakariak babesa eta elkartasuna adierazi dio Athletici, UPNk klubari elastikoetatik Euskal Herriko mapa kentzeko eskatu ostean. Kamiseta berria "oso polita" iruditzen zaiola esan du, eta gogorarazi du Nafarroako Gobernua bera ere ez dela auzian sartuko. Polemika artifiziala bilatzea egotzi dio lehendakariak UPNri, eta ohartarazi du oso arriskutsua dela sinboloekin eta identitateekin liskarra eta zatiketa bultzatzea.
Pradales: "FIFAren eskakizunak aztertzen ari gara; oso zorrotzak dira"
Imanol Pradales lehendakariak azpimarratu du egoeraren "azterketa lasaia" egin behar dela, sektore askori eragiten dielako. "FIFAk datorren urteko urtarrilean hartuko du erabakia, denbora dago", azpimarratu du.
Lehendakaria: “Tentsioa ezagutu gabeko mugetaraino areagotuko da; kezkatzen nau Madrilek arreta galtzea eta adostutako konpromisoei ez heltzea”
Imanol Pradales lehendakaria kezkatuta agertu da Radio Euskadiko "Boulevard" saioan Zapatero auziaren ondorioengatik.
Medikuen greba konpontzeko edo eskumenak transferitzeko eskatu dio lehendakariak Monica Garciari: "Arazo bat da"
Imanol Pradales lehendakariak uste du Monica Garcia Osasun ministroa "arazo bat" dela, "bi hilabete baino gehiago daramatzalako ezer jakin nahi izan gabe" estatutu markoa dela eta medikuak egiten ari diren grebari buruz. Hori dela eta, "gaian esku hartzeko" deia egin dio, eta, "arazoa konpontzeko gai ez bada edo ez badu nahi", Euskadiri eskumenak eskualdatzeko eskatu dio, "irtenbide bat bilatzeko". Radio Euskadin egindako elkarrizketa batean deitoratu duenez, Osakidetzaren batez besteko itxaron-zerrenden hobekuntzan "asko" aurreratu bada ere, estatutu markoaren aldeko medikuen grebak, "Osasun Ministerioaren erabaki batetik eratorritakoak", "iskanbila" eragin du. "Euskaditik eta eskumenen esparruaren barruan" aurrera egiten saiatzen ari direla erantsi du.
Albiste izango dira: Pradales lehendakariari elkarrizketa Radio Euskadin, abisu horia beroagatik eta errugbiko finalak Bilbon
Gaurkoan Orain-en albiste izango direnen laburpena, bi hitzetan.