Sagarduik Donostialdeko ESIari buruzko azalpenak emango ditu gaur Eusko Legebiltzarrean
Donostialdeko ESI Erakunde Sanitario Integratuan izandako kargugabetzeen eta dimisioen ondotik, Osasun sailburuak gaur, astelehenarekin, emango ditu azalpenak Eusko Legebiltzarrean.
EH Bilduk, Elkarrekin Podemos-IUk eta PP+Cs-ek Gotzone Sagarduiren agerraldia eskatu zuten Eusko Legebiltzarrean. Azkenean, ordea, berak eskatuta agertuko da Osasun Batzordera. EH Bilduk eta PP+Cs talde parlamentarioek Gotzone Sagardui Osasun sailburuaren kargugabetzea eskatu zuten.
Saioa 09:30ean hasiko da, eta eitb.eus-en zuzenean jarraitu ahal izango da.
Osakidetzako krisia lehertu eta hiru egunera, prentsaurrekoa eskaini zuen Osasun sailburuak, eta adierazi zuen Osakidetzaren sarea osatzen duten erakunde guztiek "elkarri lotuta" lan egin behar dutela "ikuspegi partekatu batekin". Haren hitzetan, zentro bakoitzeko zuzendaritza taldeen "ardura da itun hori eraginkor egitea", eta Donostialdeko ESIaren kasuan "zailtasunak izan dira ikuspegi bateratu eta jarduera koordinatu" horri eusteko. "Donostialdeko ESIaren kasuan izan diren hainbat gertakarik hala eskatuta, pertsonak aldatzea beharrezkoa izan da. Sare bat gara". Hala azaldu zuen sailburuak, gertakari horiei buruzko xehetasunik eman gabe. "Halako egituretan, aldaketak ohikoak dira, arduradun aldaketak sarri gertatzen dira", gaineratu zuen.
Joan den astelehenean, Gotzone Sagarduik esan zuen gaur Eusko Legebiltzarrean Donostialdeko ESIari buruzko ''azalpen guztiak'' emango dituela, nahiz eta batzuek ''gutxi'' entzun.
Gainera, Rosa Perez Osakidetzako zuzendari nagusia Donostia Ospitaleko medikuen ordezkaritza batekin bilduko da azken asteotako krisia bideratzea helburu.
Donostialdeko ESIko profesionalek, ostiralean, Donostia Ospitalean batzar nagusia egin ostean eta Rosa Perez Osakidetzako zuzendari nagusiarekin izango duten bilerari begira, adierazi zuten "elkarrizketa" gaur hasiko dela, eta nabarmendu dute euren asmoa "eraikitzea" dela. Ostiraleko batzar nagusian 100 bat profesional izan ziren, tartean hainbat zerbitzuburu, atalburu, mediku eta erizain, eta, adierazi dutenez, "zantzuak" ikusi dituzte, Osakidetzaren aldetik: "Horregatik gaude hemen. Astelehenean, asmoa da hitz egiten hastea, eta denon artean irtenbide bateratua bilatzea", esan dute.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.