Aburto (EAJ), gehiengo osotik gertu Bilbon
EAJ gehiengo osoaren atarian geratuko litzateke berriz Bilboko udal hauteskundeetan, eta Juan Mari Aburto hautagai jeltzaleak hirugarren agintaldia erdietsiko luke, EITB Focus makroinkestaren arabera.
Alderdi jeltzalea hazi egingo litzateke bototan. Izan ere, bozen % 45,2 lortuko lituzke, duela lau urte baino 2,2 puntu gehiago, baina eutsi egingo lioke egungo zinegotzi kopuruari, 14.
Bigarren lekuan, baina urrun, EH Bildu izango litzateke. Hori bai, koalizio abertzaleak hobetu egingo lituzke 2019ko emaitzak, eta aurrea hartuko lioke PSE-EEri, 5 ordezkari eta botoen % 17,3 jasota; hau da, egun baino zinegotzi bat eta 2,2 puntu gehiago.
Alderdi Sozialistak zinegotzi kopuru bera izango luke, 5, baina 0,6 puntu galduko lituzke bototan.
Bestalde, PPk errepikatu egingo lituzke 2019ko emaitzak (3 ordezkari eta botoen % 9,4), eta Elkarrekin koalizioak zinegotzi bat gutxiago jasoko luke, 2.
Metodologia
EAEn, 6.649 pertsona elkarrizketatu dituzte udal eta foru hauteskundeei buruzko EITB Focus berezia prestatzeko. Horietatik, 1.543 Araban izan dira; 2.483, Bizkaian, eta 2.623, Gipuzkoan. Nafarroan, aldiz, 1.204 galdekatu dituzte.
Inkestak apirilaren 26aren eta maiatzaren 12a bitartean egin zituzten EAEn, eta maiatzaren 3a eta 11 bitartean Nafarroan.
Konfiantza-mailari eta beste hainbat adierazle estatistikori buruzko informazio sakonagoa ezagutzeko, kontsultatu ikerketaren PDFa.
PDF: EITB FOCUS inkesta, EAEko udalerrietako boto-asmoari buruzkoa
Zure interesekoa izan daiteke
Albiste izango dira: Mazonen erabakia, Estatuko fiskal nagusiaren aurkako epaiketa eta EAEko Aurrekontuen aurkezpena, sailez sail
Gaurkoan Orain-en albiste izango direnen laburpena, bi hitzetan.
Maribel Vilaplanak lekuko gisa deklaratuko du gaur, sendagiria jaso ostean
Bitartean, gero eta jende gehiago hitz egiten ari da Mazonen balizko dimisio bati buruz eta Vicente Mompo haren ordezko gisa aukeratzeari buruz.
9:00etan emango du Mazonek bere erabakiaren berri: dimititu, hauteskundeak aurreratu edo karguari eutsi
Alderdi Popularreko presidenteak Carlos Mazonekin hitz egin zuen atzo. Valentziako Generalitateko presidenteak 9:00etan emango du bere erabakiaren berri, ostegunean hausnarketa prozesu pertsonal bat iragarri ondoren.
Senideen elkarretaratzea Valentziako Generalitataren aurrean, Mazonek dimisioa eman dezakeela zabaldu denean
2024ko urriaren 29an hildakoen senideek elkarretaratzea egin dute gaur arratsaldean Valentziako Generalitateko Jauregiaren atarian, Carlos Mazon presidentearen dimisioa eskatzeko berriz ere, "365 egun beranduago iritsiko dena", salatu dute. Compromiseko kideek eta jarraitzaileek ere 'Mazon dimissio' zioen pankarta handi bat zabaldu dute toki horretan bertan.
Astelehen honetan emango du Mazonek bere erabakiaren berri: dimititu, hauteskundeak aurreratu edo karguari eutsi
Alberto Nuñez Feijoorekin igande honetan izandako elkarrizketen ostean, bere etorkizunari buruz hartu duen erabakia iragarriko du bihar Valentziako Generalitateko presidenteak.
Andueza: "Sozialistok aurrera egiteko prest gaude beti, gure aurkari politikoek erakusten duten urduritasunik gabe"
PSE-EEko idazkari nagusiak adierazi du ez dutela hauteskunde burrunbak eta bazkidearen urduritasunak bultzatuta amore emango, eta sinatzen dituzten akordioetan euskal herritarren ongizatea lehenetsiko dutela.
Otegi: "Faxismoari aurre egiten zaio herria antolatuz, mobilizatuz eta martxan jarriz"
EH Bilduk agerraldia egin du Frankismoaren eta Estatuaren biolentziaren hainbat biktimarekin batera, eta azaroaren 22ko manifestazioan parte hartzeko deia egin du.
Sergio Sayas, UPNko transfuga, izango da Nafarroako PPko idazkari nagusi berria
Diputatuak Amelia Salanuevaren lekua hartu du Nafarroako Alderdi Popularraren zuzendaritzan, hurrengo hauteskunde autonomikoetarako.
Estatuko fiskal nagusia akusatuen aulkian eseriko da astelehen honetatik aurrera
Mezu elektroniko baten filtrazioak irudi historikoa eskainiko du, Estatuko fiskal nagusi bat lehen aldiz eseriko baita akusatuen aulkian.
Etxebizitza, Donostiako alkatearen lehentasunetako bat gazteek hiritik joan behar ez izateko
ETBk Jon Insausti Maisterrena elkarrizketatu du, Donostiako aginte makila hartu ostean. Legealdi honetako erronka nagusiak izan ditu hizpide solasaldian: etxebizitza, segurtasuna eta turismo jasangarria, besteak beste. Horrez gain, izendapenaren berri nola izan zuen esan digu.