Euskal alderdiak hasi dira hauteskunde aurrerapenaren inguruko jarrerak zehazten
Ezustean, abendurako espero ziren hauteskunde orokorrak aurreratu ditu Pedro Sanchez Espainiako Gobernuko presidenteak, eta horren inguruko iritzia ematen hasi dira euskal alderdiak. Oraingoz, baina, EH Bilduk eta EAEko Alderdi Popularrak egin dituzte adierazpenak.
Sanchezen iragarpenak zur eta lur utzi du EAJk Kongresuan duen bozeramaile Aitor Esteban, hauteskundeen aurrerapena "justifikaezina" dela iritzita. "PSOEren barne kalkulu gisa soilik uler daiteke, kanpora begira ez baitu erakundeen eta herritarren ongizatean pentsatu", esan du.
Edonola ere, azpimarratu du EAJk oso serio hartzen dituela hauteskunde guztiak. "Dena emango dugu. Espainiako hauteskundeak oso garrantzitsuak dira euskal herritarrontzat, gauza inportanteak baitaude jokoan. Orain arte bezala, gure interesen defentsari eutsiko diogu. Dagoeneko martxan gaude", iragarri du.
Udal eta foru hauteskundeen balorazioa egiteko prentsaurrekoan hitz egin du Arnaldo Otegi koalizioko koordinatzaile nagusiak. Horren ustez, gaurko albistea beste bat da: "Ezker subiranistak irabazi ditu hauteskundeak Hego Euskal Herrian". Hortaz, koalizioari "berdin" zaio Espainiako Estatuan hauteskundeak deitu izana. "Deialdiak ez ditu gure printzipio eta baloreak aldatuko", azpimarratu du.
Dena dela, horren esanetan, EH Bilduk "eskuinari ateak itxiko dizkio" leku guztietan, eta "koalizioaren boto antifaxista" hauteskunde orokorretan "erabakigarria" izango dela nabarmendu du.
Oso bestelako irakurketa egin du Carlos Iturgaiz EAEko PPko presidenteak. Horren hitzetan, "logikoa" da Sanchezen erabakia, "ez baitzuen beste irtenbiderik, kale itsu batean zegoen".
Iturgaizen arabera, atzo herritarrek "sanchismoa indargabetu zuten" hauteslekuetan, eta uztaileko hitzorduari begira, berdintsu egingo dutela esan du. "Espainiak aldaketaren alde egingo du, eta aldaketa Alderdi Popularra da, eta Alberto Nuñez Feijoo du izena. Gu prest gaude", agertu du.
Geroa Bairen Nafarroako Gobernuko hautagai Uxue Barkos beldur da Sanchezen iragarpenak ez ote duen Foru Gobernua osatzeko negoziazioetan eraginik izango. Horregatik, PSNri, EH Bilduri eta Zurekin Nafarroari eskatu die berehala akordio progresistak adostea, hauteskunde-kanpaina hasi aurretik.
"Historiak dio Madrilen tentsio uneak bizi izan direnean, gobernu progresistak desegin direla", erantsi du.
Zure interesekoa izan daiteke
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.
PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.