PPk irabaziko lituzke hauteskundeak, eta gehiengo osoaren atarian geratuko litzateke Voxekin batera
PP izango litzateke indar bozkatuena hauteskunde orokorretan, botoen % 34,2 eta 145-150 eserleku lortuta, eta baliteke Voxekin batera gehiengo osoa batzea, FORTAren inkestaren arabera.
Horren ildotik, PPk eta Voxek 169 diputatu batuko lituzkete aurreikuspen txikienarekin, eta 177 handienarekin. Bestalde, egungo koalizio gobernua osatzen duten alderdiek eta horren ohiko aliatuek, ordea, 162 eta 172 artean izango lituzkete. Gehiengo osoa eskuratzeko 176 behar dira gutxienez.
Bigarrena PSOE litzateke, botoen % 28,9 eta 113 eta 118 ordezkarirekin, eta Sumar hirugarren, 28-31rekin (% 13,3).
Ondoren, alderdi hauek leudeke: EH Bildu (6 eserleku eta bozen % 1,6), EAJ (5 eserleku eta botoen % 1,7); ERC (botoen % 2,7) eta Junts (% 2,3), biak 9 ordezkarirekin; CUP (1-2 eserleku eta botoen % 0,7), BNG (1-2 ordezkari eta botoen % 0,5), Teruel Existe (0-1 eserleku eta bozen % 0,1) eta Coalicion Canara (ordezkari 1 eta botoen % 0,4).
EUSKADI
Euskal Autonomia Erkidegoan EAJ izango litzateke bozkatuena, baina 5na diputatu irabaziko lituzkete jeltzaleek (botoen % 25,7), PSOEk (% 24,9) eta EH Bilduk (% 20,4). PPk 2 jasoko lituzke (% 13,6), eta Sumarrek, aldiz, 1 (%10,5).
Lurraldeka, Araban eserleku bana eskuratuko lukete PSOEk, PPk, EH Bilduk eta EAJk.
Bizkaian, EAJk, PSOEk eta EH Bilduk 2na ordezkari izango lituzkete, eta bana PPk eta Sumarrek.
Azkenik, Gipuzkoan, PSOEk, EH Bilduk eta EAJk 2na jasoko lituzkete.
NAFARROA
Foru Erkidegoan, PPk eta PSOEk 2na eserleku lortuko lituzkete, eta EH Bilduk, 1. Horrenbestez, UPN ordezkaritzarik gabe geratuko litzateke.
Zure interesekoa izan daiteke
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.