20 urte bete dira Angel Berrueta hil zutela, M11ren egiletza ETArekin lotzen zuen kartel bat ez ipintzeagatik
2004ko martxoaren 13an gertatu zen, Madrilen M11ko atentatuak izan eta bi egunera. Angel Berrueta 61 urteko okina Iruñeko Donibane auzoko bere dendan hil zuten Valeriano de la Peña polizia nazionalak eta haren seme Miguel Jose de la Peñak. Aurrez, Maria Pilar Rubio bi hiltzaileon emazte eta amak eztabaida izan zuen Berruetarekin, azken horrek okindegiko erakusleihoan M11ko atentatuak ETArekin lotzen zituen kartel bat —'ETA EZ' zioen— jartzeari uko egin ziolako.
Ika-mikaren ondotik, emakumea oihuka atera zen dendatik, "puta seme hori akabatuko dut" esanez, eta handik minutu gutxira, atzera berriz bertara itzuli zen senarra eta semea lagun hartuta. Bi horiek pistola eta aihotz banarekin hil zuten Berrueta.
Bi hamarkada geroago, Angel Berruetak motibazio politikoko biktimaren aitortzarik gabe jarraitzen du. 2005ean Nafarroako Lurralde Auzitegian egin zen epaiketan, herri epaimahaiak ebatzi zuen "motibazio ideologikoak" eragindako gertakaria izan zela, eta 20 urteko espetxe-zigorra ezarri zion Valeriano de la Peñari, eta 15ekoa semeari. Emakumea ere zigortu zuten, baina ondoren Nafarroako Justizia Auzitegi Nagusiak absolbitu egin zuen. Orduan Foru Erkidegoko fiskal nagusi zen Javier Muñoz Cuestak "bizilagunen arteko liskar" baten ondorio jo zuen gertatutakoa.
EITB Mediari eskainitako elkarrizketa batean, Aitziber Berrueta hildako okinaren alabak argi hitz egin du: "Ez da justiziarik egin. Hilketaren egileak epaitu ziren, baina nire aitaren heriotzaren arduradun nagusia Espainiako Gobernua da". "Jada berandu" den arren, aitortzaren zain daudela dio. Garai hartan esan ziren "gezurrek", mina areagotu besterik ez dutela egin erantsi du.
Hain zuzen, joan den astelehenean Iruñeko Udaleko Udalbatzak "Angel Berrueta eta bere familia motibazio politikoko biktima gisa aitortzea" eskatu zion Nafarroako Gobernuari. Onartutako testuaren arabera, hilketa "Alderdi Popularraren Gobernuak nahita sustatutako amorru politikoaren giroan izan zen, Madrilgo M11ko atentatuen ostean", eta "Justizia Auzitegi Nagusiak larrigarri gisa aitortu zuen motibazio ideologikoa, izaera politikoko krimena izan zela baieztatuz".
Urtero bezala, gertakarien urteurrenean, Angel Gogoan plataformak ekitaldia egingo du hilketa izan zen lokalaren atarian, Iruñeko Martin Azpilikuetan kalean.
Zure interesekoa izan daiteke
Ceuta, itxaron-leku: desagertutako senideen bila ari dira familia ugari, eta gorpuak identifikatzeko gune bat ireki dute
Oraingoz, 67 dira hildakoak, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.
Zergatik alda dezake hesi berriak Ceutako mugaren kudeaketa?
Azpiegitura berriak 500 metro ditu, eta berehalako itzulketen inguruko auzi juridiko bati erantzun nahi dio.
Marlaskaren arabera, Maroko "ez da mehatxua", eta Ceutara iritsitako migratzaileek ezingo dute euren egoera erregularizatu
Barne ministroak adierazi du Espainiako Gobernua lanean ari dela uztailaren 30ekoa bezalako sarrera masiborik berriro gerta ez dadin, baina onartu du ezin duela bermatu halakorik berriro ez gertatzea.
Sanchezek EBko Barne ministroen premiazko bilera eskatu du, Ceutako migrazio krisiaren harira
Espainiako Gobernuko presidenteak "kezka larria" helarazi dio Ursula von der Leyeni Europako zenbait gobernuren erreakzioagatik, eta Italiak iragarritako mugen itxiera gogor kritikatu du.
Espainiako Gobernuak hesi bat jarri du Ceutan, mugako morruan
Auzitegi Gorenak ebatzi zuen "mugako elementuak" gainditzen dituztenak bakarrik itzul daitezkeela heldu eta berehala. Hesia jarrita baldintza hori bete nahi dute.
Milaka migratzaile Marokora itzuli dira jada, Ceutara masiboki iritsi ondoren
Armadak bere tankeak jarri ditu kai-muturretik hirirako sarbidean, sakabanatzea eragozteko. Hildako etorkinak 57 dira jada. Pedro Sanchezek Espainiaren lurralde-osotasuna urratu dutela salatu du Ceutatik.
Italiak Schengen akordioa eten du Espainiarekin, eta kontrolak ezarri ditu portu eta aireportuetan
Gutxienez hilabetez, kontrolak ezarriko dizkie Espainiatik doazen eta europar jatorria ez duten bidaiariei; Europar Batasuneko gainerako herrialdeetatik doazenek, berriz, ez dituzte kontrol horiek gainditu beharko.
Puyko jaitsiera bertan behera utzi dute Lizarran, hirugarrenez
Uztailaren 29an egindako osoko bilkuran, oposizioko taldeek bat egin zuten bozketan, eta UPNri erabakia zuzentzeko eskatu zioten mozio bat aurkeztuta. Iaz bezala, Marta Ruiz de Alda alkateak kotxez egin du jaitsiera, txosnak beste toki batean jartzea aldarrikatzen ari ziren herritarrak zeuden kaletik ez jaisteko.
Milaka migratzaile Marokora itzultzen hasi dira
50.000 migratzaile baino gehiago Ceutan sartu ostean, hiri autonomoa gainezka dago, eta askok Marokora itzultzeari ekin diote.