Sanchezek aurtengo aurrekonturik ez aurkeztea erabaki du, eta 2025erako lan egitea
Pedro Sanchez Espainiako Gobernuko presidenteak aurtengo aurrekonturik ez aurkeztea erabaki du, eta 2025erako lan egitea. Moncloako iturriek EITB Mediari azaldu diotenez, "errealismoaren aldeko apustua egiten da gertakarien aurrean".
Azkenaldian, Sanchezek adierazi izan du ziur zegoela aurrekontuak egongo zirela aurten, baina onartu du Kataluniako azken mugimenduak atzerapen nabarmena ekarriko zuela negoziazioetan eta, beraz, aurrekontuak onartzean.
Beraz, uko egin dio horri, eta talde politikoekin elkarrizketa hilabete batzuk atzeratzearen alde egin du, 2025eko aurrekontuak aurrera atera ahal izateko.
Gobernuko iturriek ziurtatu dute aurrekonturik ez egoteak ez diola ezertan eragiten legealdiaren egonkortasunari eta agintaldia agortzeko erabakiari, eta, ondorioz, 2027ra arte luzatuko dela.
Gutxi lehenago, Maria Jesus Montero Espainiako Gobernuko presidenteordeak onartu duenez, Kataluniako hauteskundeak aurreratzeak "aldatu egiten du agertoki politikoa", eta ezin da baztertu 2024an Estatuko aurrekontu orokorrik ez egotea eta datorren urtekoak onartzeko itxaron behar izatea.
Kataluniako hauteskundeak aurreratzeari buruz hitz egin du Monterok kazetarien aurrean, Thinking Heads aholkularitza-enpresak antolatutako jardunaldi batean Mariano Rajoy Espainiako Gobernuko presidente ohiarekin eta Joaquin Almunia Europako komisario ohiarekin bat egin ostean.
PSOEko presidenteorde eta idazkariorde nagusiak azpimarratu du hauteskundeak aurreratzeak "zalantzarik gabe" agertoki politikoa alda dezakeela, baina zehaztu du ez duela oraindik informaziorik jaso Kataluniako alderdien aldetik, eta, zehazki, ERCren eta Juntsen aldetik, aurrekontuen negoziazioari buruz.
"Baina une honetan ezin dut aukera bat ere baztertu, horrek agertoki politikoa berriro aldatzen duela azpimarratzen baitut", gaineratu du.
"Posible ez balira, 2024rako aurrekontuak aurkezterik ez bagenu, dakizuenez denbora mugatua baitago, urtea aurrera baitoa, oso lan garrantzitsua dago prest hurrengo urteetarako", nabarmendu Monterok.
Zure interesekoa izan daiteke
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.
Zapaterok deliturik egin izana ukatu du epailearen aurrean: "Egia nagusituko da, eta zalantzan daudenei konfiantza itzuliko diet"
Espainiako Gobernuko presidente ohia eraikinaren atari nagusitik sartu da, eta hiru orduz deklaratu du. Ondoren zabaldu duen oharrean, errugabea dela berretsi du: "Mingarriena da jakitea jende asko etsita senti daitekeela, nitaz esaten direnak sinesten baditu".
Albiste izango dira: Zapateroren deklarazioa Auzitegi Nazionalean, lehendakariari elkarrizketa eta Azkena Rock jaialdiaren aurkezpena
Gaurkoan Orain-en albiste izango direnen laburpena, bi hitzetan.
Pradales: “Neurri nagusia etxebizitza gizarte funtsa da, eta 2027ko aurrekontura begira neurri berriak sartuko ditugu”
Imanol Pradales lehendakariak azpimarratu du etxebizitzaren arazoa ezin dela "egun batetik bestera" konpondu, eta uste du legealdiaren bigarren erdian ereindakoaren lehendabiziko fruituak jasoko direla.
Lehendakaria: "Sanchezek orain arte eman ez dituen azalpenak eman beharko ditu, gardentasunez"
Euskal Telebistan elkarrizketa egin du Imanol Pradales lehendariak, agintaldiaren erdira iritsi denean. Espainiako gobernuburuak "zentzua eman" behar dio legealdiaren azken txanpari, adibidez, transferentzien negoziazioan. Horri dagokionez, aurreratu du Transferentzien Batzorde Mistoa datorren astelehenean, ekainaren 22an, bilduko dela.
Lehendakaria: "Aukera eman behar zaie Enplegu Legearen inguruan zabalik dauden negoziazioei"
Imanol Pradales lehendakariak "itxasopentsu" ikusten du enplegu publikoan euskara eskakizunak arautuko dituen legea adosteko EAJren eta EH Bilduren arteko negoziazioa. Ekainaren 25ean egingo da gaiaren inguruko bozketa Eusko Legebiltzarrean.
Kongresuko Mahaiak ez ditu onartu hauteskundeak aurreratzea eskatzen zuten Juntsen eta PPren zuzenketak
Bilera telematiko batean, Mahaiaren gehiengoa (PSOE eta Sumar) osatzen duten alderdiek argudiatu dute eskumen hori Gobernuko buruarena dela esklusiboki, eta ez botere legegilearena.