"Eskubide sozialak bermatuko dituen gobernu eta euskal estatu zintzoa" aldarrikatu du EH Bilduk Iruñean
EH Bilduk Iruñeko kaleetan egin du Aberri Eguneko ekitaldi nagusia, eta manifestazio jendetsu batean, 15.000 lagunek aldarrikatu dute euskal nazioa.
Euriari eta hotzari aurre eginez, eguerdian abiatu da manifestazioa, 'Nazioa gara' leloa zeraman pankartaren atzetik.
Zazpi lurraldeen armarria zuen zapi handi batek zabaldu du manifestazio jendetsua. Martxan zehar, independentziaren aldeko oihuak entzun dira, eta Nafarroako banderak, ikurrinak eta Kataluniako eta Palestinako banderak ikusi dira.
Ezker subiranistako buruzagi nabarmenekin batera, Diana Riba ERCko eurodiputatua eta Ruben Cela BNGko nazioarteko harremanetarako eta exekutibako arduraduna izan dira Antoniutti parkean egin den ekitaldian.
Arnaldo Otegi EH Bilduko koordinatzaile nagusiak euskal aberria aldarrikatu du, eta "euria datorren bezala etorriko da ziklo politiko berria", esan du euripean.
"Aberri Eguna batzuentzat iraganeko kontua da, eta beste batzuentzat inkongruentzia historiko baten zati bat, beste batzuetan, ohitura bat baino ez. Baina gu urtero gatoz Iruñera esatera ez dela ez bata ez bestea, herri mobilizazio eta herri indartsu baten ahotsak argi eta ozenki esaten duelako ukazio erradikal, demokratiko eta herritar bat egitera gatozela: euskaldunak ez gara ez frantsesak eta ez espainolak, euskaldunok euskaldunak gara, eta kito".
"Gure ordez erabaki nahi duten" Espainiako eta Frantziako Gobernuei zuzenduta Otegik aldarrikatu duenez, "gure langileen, emakumeen eta gazteen arazoek hemen dute konponbidea, Euskal Herrian". Halaber, "euskaldun, abertzale eta sozialista izateaz harro" dagoela nabarmendu du, eta euskaldunek harro egoteko hainbat motibo dituztela esan du. Horren hitzetan, "aitzindariak gara eskubide sozialetan, osasunaren defentsan, hezkuntzaren defentsan, lurraren defentsan eta aberastasunak banatzearen defentsan".
Era berean, "EH Bilduren ADN kultural eta politikoan txertatuta dauden antiarrazismoa, antimilitarismoa eta antiinperialismoa" azpimarratu ditu. "Gure herriak ezetz esan zion NATOn sartzeari, eta gerra-hotsak entzuten diren garaiotan, armagabetzea eta bakea eskatzen ditugu, eta burujabetza herri guztientzat", gaineratu du, aurrean zituen milaka pertsonen txalo artean, "genozidioa pairatzen ari den" palestinar herriari "besarkada estu bat" helaraztearekin batera.
Otegiren hitzetan, "gobernu alternatibo baten bokazioa duen proiektu nazionala gara, baina baita estatu bokazioa duena ere, estatu burujabe bat, gure helburua euskal errepublika delako". Ildo horretan, pozik agertu da "gobernuetara iristen" ari direlako. "Ez daukagu presarik, ez dugu antsietaterik, baina argi dugu helmuga, independentzia, eta bide horretan osatzen ari gara gehiengo sozialak, euskal jendartearekin, langileekin, euskal errepublika lortu arte; ez dezala inork zalantzan jarri".
Herritarren eskubide sozialak bermatuko dituzten gobernu eta euskal estatu zintzo baten alde lan egingo dutela esan du EH Bilduko buruzagiak.
Ekitaldiaren ostean, festa ez da bukatu Iruñean, eta Alde Zaharrera abiatu da jendetza, trikitilariak, DJ-ak, gaiteroak, buruhandiak eta txarangak lagun zituztela. Gainera, Burgoen plazan haurrentzako gune bat ipini dute arratsaldean, eta Gaztelu plazan Perlata, Xiberoots eta Trikidantz taldeen kontzertuez gozatu ahal izan dute herritarrek.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.