Albiste izango dira: Hauteskunde kanpainaren amaiera, Alex Garciaren etxeratzea eta Israel-Iran
Honako gai hauek hartuko dituzte gaur, 2024ko apirilaren 19an, hedabideetako lerroburu nagusiak:
- Hauteskunde kanpainaren amaiera: Gaur amaituko da Eusko Legebiltzarreko hauteskundeetarako kanpaina. Lehendabiziko astea oso lasaia izan zen, eta kanpaina ia oharkabean igaro zen, Athleticek Errege Kopan lortutako garaipenagatik eta gabarraren ospakizunagatik. Hala ere, kanpaina nabarmen berotu da bigarren astean, eta Imanol Pradales EAJren lehendakarigaiari piper-gasarekin egindako erasoak, ETB2ko hauteskunde eztabaidak eta Pello Otxandiano EH Bilduren lehendakarigaiak ETAri buruz esandakoak kanpainaren amaiera markatu dute.
- Thailandian gaixo dagoen euskal herritarra: Thailandian gaixo dagoen Alex Garcia euskal gaztea etxeratzeko hegazkin medikalizatua datozen orduetan aireratuko da Torrejon de Ardoz (Madril) udalerriko base militarretik, baina diskrezioa erabatekoa da. Bien bitartean, Basaurin eta Donostian dirua biltzeko kanpaina abiatu dute familiari laguntzeko. Interneten abiatutako crowfunding kanpainak 114.000 euroren langa gainditu du dagoeneko.
- Israel-Iran: Israelek eraso egin dio Irani goizaldean, Iranek asteburuan droneekin eta misilekin egindako erasoari erantzunez. Aurrez, Iranek Siriako Damasko hirian duen enbaxada bonbardatu zuen Israelek. Orain ikusteko dago zer ondorio izango dituen azken eraso honek.
Albiste gehiago politika
De Andresek EAJri eta PSEri ohartarazi die "ezin dela" EH Bilduren "bikotekide izan" eta poliziari eraso egiten dietenen aurka egon
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Ana Millan, Madrilgo Batzarreko presidenteordea, ez dela Politiketan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketen inguruko informazio ofiziala faltsutzeagatik.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kentzeagatik". Hitzok esan ditu alkateak Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.
AEBko Euskal Etxeetan euskararen irakaskuntza indartzeko hitzarmena sinatu dute
Etxepare Euskal Institutuak eta NABOk (North American Basque Organizations) sinatu dute lankidetza hitzarmena. Pradalesek adierazi duenez, "akordio hau konpromiso pedagogikoa baino gehiago da, urrats estrategikoa da euskararen nazioartekotzean".
Dobaranek eta Angulok Arkauti utziko dute urtebete eskas bete ondoren
Agur gutun batean, akademiaren eraldaketarako faseak abian jarri dituztela azaldu dute, baina ez dute irteeraren arrazoia zehaztu.
Eusko Jaurlaritzak Diasporaren Lege berri bat sustatuko du 2026an, egungo erronketara egokitzeko
Euskal herritarrek atzerrian duten presentzia aprobetxatzea da helburua, eta "Euskadi Globala" estrategian eragile diplomatiko gisa interesgarriak izan daitezkeen pertsona guztiak sare horretan sartzea.