Gaur, atzerriko bozen zenbaketa: lurralde bakoitzeko azken eserlekua jokoan, baina aldaketarako aukera urri
Ostiral honetan, Eusko Legebiltzarreko hauteskundeetako botoen zenbaketa behin betiko ixtea espero da. Zenbaketa lan horretan azkena atzerriko botoa kontatzea da. Euskal Autonomia Erkidegotik (EAE) kanpo bizi diren 8.200 herritarrek eman zuten botoa igandean (CERA erroldaren % 10 inguru), orain lau urte baino 5.000 gehiagok.
Igandeko boto-zenbaketak EH Bilduri eman zion azken eserlekua Araban; Bizkaian eta Gipuzkoan, berriz, PSE-EEri. Hala ere, hori alda liteke. Arabako lurralde historikoan, EAJk azken eserlekua ken diezaioke koalizio subiranistari; Bizkaian, Sumar sozialistei kentzetik gertu dago; eta Gipuzkoan, EH Bilduk azken eserlekua lor dezake, PSE-EEren kaltetan.
Atzerriko botoen zenbaketak azken emaitza alda dezake, bai, baina ez da askotan gertatu. 2020ko hauteskundeetan, EH Bilduk legebiltzarkide bat galdu zuen PP-Ciudadanos eskuineko koalizioaren mesedetan. 2016an, aldiz, EH Bilduk EAJri ordezkari bat kendu zion atzerriko botoaren zenbaketari esker. Bestalde, 2019ko hauteskunde orokorretan, PPk EAJri kendu zion Bizkaian jokoan zen azken diputatua.
Hala ere, oraingoan ez dirudi halakorik gertatuko denik, azken eserlekurako lehia ez baita hain-hain estua. Gipuzkoan, esaterako, CERA botoa 3.540 herritarrek eman dute, PSE-EErena da azken eserlekua, eta EH Bildu 1.360 botora dago lehia horretan.
Ondorioz, koalizio subiranistak 1.360 boto lortu beharko lituzke lehenengo, eta gero, gainera, sozialistek lortzen duten boto bakoitzeko hiru beharko lituzke EH Bilduk.
Beraz, PSE-EEk CERAn ere Gipuzkoan izandako emaitzak lortuko balitu, botoen % 13,5 eskuratuta, koalizio subiranistak 10etik 7 CERA boto baino gehiago beharko lituzke azken legebiltzarkidea bereganatzeko, baina oso zaila dirudi halakorik gertatzea.
Inoiz baino CERA boto gehiago
CERA gazteleraz egindako akronimo bat da, Espainiako Estatutik kanpo modu iraunkorrean bizi direnen errolda adierazten duena. Euskal Autonomia Erkidegoko herritarrak izaki, botoa emateko eskubidea izan duten ia 83.000 lagun (82.911) errolda osoaren boto-emaileen % 4,6 dira.
Igandeko hauteskundeetan, inoiz baino gehiagok parte hartu dute, horretarako baldintzak malgutu egin direlako (% 10). Horrela, atzerrian bizi diren 3.703 bizkaitarrek, 3.540 gipuzkoarrek eta 954 arabarrek eman dute botoa.
Zure interesekoa izan daiteke
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.